ಮಹಾರಾಷ್ಟ್ರದ ನಾಗಣಸೂರ ಗ್ರಾಮದ ಭಕ್ತರಿಗೆ ಶ್ರೀ ಗುರುಬಸವ ಬ್ರಹ್ಮನಮಠದ ಜ್ಯೋತಿ ಯಾತ್ರೆ

ಕಲಬುರಗಿ: ಅ. 08. ರಂದು ನಗರದ ಮಕ್ತಂಪುರ್ ಬಡಾವಣೆಯ ಗುರುಬಸವ ಬ್ರಹ್ಮನಮಠದಲ್ಲಿ ಶ್ರೀ ಮ ನಿ ಪ್ರ ಲಿಂ ಬಸವಲಿಂಗೇಶ್ವರರ 90 ನೇ ಪುಣ್ಯತಿಥಿ ಅಂಗವಾಗಿ ಕರ್ತೃ ಗದ್ದುಗೆಗೆ ಮಹಾರುದ್ರಾಭಿಷೇಖ ಬಿಲ್ವಾರ್ಚನೆ ಮಹಾಪ್ರಸಾದದೊಂದಿಗೆ ಶ್ರೀಗಳ ಪುಣ್ಯತಿಥಿ ಕಾರ್ಯಕ್ರಮ ಮಾಡಲಾಗುತಿದೆ. ಎಂದು ಸದ್ಭsಕ್ತಮಂಡಳಿಯ ಪರವಾಗಿ ಚಂದ್ರಕಾಂತ ಕಾಳಗಿ ಅವರು ತಿಳಿಸಿದ್ದಾರೆ.

ಇಂದು ನಡೆಯುವ ಪುಣ್ಯತಿಥಿ ಕಾರ್ಯಕ್ರಮಕ್ಕೆ ಮಹಾರಾಷ್ಟ್ರದ ನಾಗಣಸೂರ ಗ್ರಾಮದಲ್ಲಿ ಶಾಖಾ ಮಠದ ಭಕ್ತಾದಿಗಳು ಶ್ರೀಮಠಕ್ಕೆ ಆಗಮಿಸಿ ಮಠದ ಕರ್ತೃ ಗದ್ದುಗೆಯಿಂದ ನಾಗಣಸೂರ ಗ್ರಾಮಕ್ಕೆ ಗುರುಬಸವ ಬ್ರಹಮಠಕ್ಕೆ ತುಪ್ಪದ ಮಠಕ್ಕೆ ಜ್ಯೋತಿ ಯಾತ್ರೆ ತೆರಳಿತು.

ಈ ಕಾರ್ಯಕ್ರಮವು ಪೂಜ್ಯ ಮ ನಿ ಪ್ರ ಸ್ವ ಶಿವಾನಂದ ಮಹಾಸ್ವಾಮಿಗಳು, ಸತೀಶ ಸ್ವಾಮಿ ಹಿರೇಮಠ ಇವರುಗಳ ದಿವ್ಯ ಸಾನಿಧ್ಯದಲ್ಲಿ ಹಾಗೂ ಬಡಾವಣೆಯ ಗಣ್ಯರಾದ ಶಂಕರ ನನ್ನಾ, ರಾಜಶೇಖರ ಕಲ್ಯಾಣಿ, ಮಲ್ಲಿಕಾರ್ಜುನ ಕಿಣಗಿ, ಚಂದ್ರಕಾಂತ ಕಾಳಗಿ, ಅಣವೀರಯ್ಯ ಮಠಪತಿ, ಗಂಗಧರಯ್ಯ ಅಗ್ಗಿಮಠ, ಬಸವರಾಜ್ ಅಗ್ಗಿ, ನಾನಗೌಡ ಪಾಟೀಲ್ ನೇತೃತ್ವದಲ್ಲಿ ಮಹಾರಾಷ್ಟ್ರದ ನಾಗಣಸೂರ ಗ್ರಾಮದ ಭಕ್ತರಿಗೆ ಶ್ರೀ ಬ್ರಹ್ಮನಮಠದ ಜ್ಯೋತಿ ಯಾತ್ರೆಗೆ ಬೀಳ್ಕೊಟ್ಟರು. ಇಂದು ಶ್ರೀಮಠದಲ್ಲಿ ಜರುಗಲಿರುವ ಕಾರ್ಯಕ್ರಮದಲ್ಲಿ ಸಕಲ ಸದ್ಭಕ್ತರು ಭಾಗವಹಿಸಿ ಕೃತಾರ್ಥರಾಗಿ, ಪ್ರಸಾದ ಸ್ವೀಕರಿಸಬೇಕೆಂದು ಕೋರಿದ್ದಾರೆ.