ಕಾಲುಜಾರಿ ಸಾವನ್ನಪ್ಪಿದ ಕುಟುಂಬಕ್ಕೆ ಶಾಸಕಿ ಖನೀಜ್ ಫಾತಿಮಾ ಭೇಟಿ

ಕಲಬುರಗಿ: ಇಲ್ಲಿನ ಫಿಲ್ಟರ್ ಬೆಡ್ ಬಡಾವಣೆಯ ಅಂಬೇಡ್ಕರ್‍ ಆಶ್ರಯ ಕಾಲೋನಿ ನಿವಾಸಿ ಗಂಗಮ್ಮ (22) ಕುಡಿಯುವ ನೀರು ತರಲು ತೆರಳಿದ್ದಾಗ ಕಾಲು ಜಾರಿ ಬಿದ್ದು  ಸಾವನ್ನಪ್ಪಿದ ಯುವತಿಯ ಮನೆಗೆ ಉತ್ತರ ಕ್ಷೇತ್ರದ ಶಾಸಕಿ ಖನೀಜ್ ಫಾತಿಮಾ ಭೇಟಿ ನೀಡಿ ಯುವತಿಯ ಕುಟುಂಬಸ್ಥರಿಗೆ ಸಾಂತ್ವನ  ಹೇಳಿದರು.

ನನ್ನ ಮಗಳು ನಮ್ಮಕುಟುಂಬವನ್ನು ಸಾಕುತಿದ್ದಳು. ನನಗೂ ಕೂಡ ಹೃದಯ ಸಮಸ್ಯೆಇದೆ. ಯಾವುದೇ ಕೆಲಸ ಮಾಡಲು ಆಗುವುದಿಲ್ಲ. ಇದ್ದ ಒಬ್ಬ ಮಗ ಇನ್ನೂ ಶಾಲೆ ಕಲಿಯುತ್ತಿದ್ದಾನೆ. ಈಗ ನನ್ನ ಕುಟುಂಬಕ್ಕೆಯಾರುಗತಿ? ಎಂದು ಶಾಸಕಿಯ ಎದುರು ಮೃತಳ ತಾಯಿ ಅಳಲು ತೋಡಿಕೊಂಡರು.

ಸಾವನ್ನಪ್ಪಿದಯುವತಿಯ ಸಹೋದರನಿಗೆ ನೌಕರಿ ಮತ್ತುಕುಟುಂಬಕ್ಕೆ 25 ಲಕ್ಷರೂಪಾಯಿ ಪರಿಹಾರ ನೀಡುವ ಭರವಸೆ ನೀಡಿದರು. ನಂತರ ಮಾತನಾಡಿದ ಅವರು, ಯುವತಿಯತಾಯಿಗೆ ಹೃದಯ ಕಾಯಿಲೆಗೆ ಧನಸಹಾಯ ಮತ್ತು ಅವರ ಕುಟುಂಬದಒಬ್ಬ ವ್ಯಕ್ತಿಗೆ ನೌಕರಿ ಮತ್ತು ಪರಿಹಾರ ನೀಡಬೇಕುಎಂದು ಸಂಬಂಧಿಸಿದ ಅಧಿಕಾರಿಗಳಿಗೆ ಫೋನ್ ಮೂಲಕ ತಿಳಿಸಿದರು.

ನಂತರಕಾಂಗ್ರೆಸ್ ಮುಖಂಡ ಹಣಮಂತ ವಂಟಿಕೂಡ ಮಾತನಾಡಿ, ಮೃತರಕುಟುಂಬಕ್ಕೆ ಪರಿಹಾರ ನೀಡುವ ಭರವಸೆ ನೀಡಿದರು.

ಮುಂಖಡರಾದದ ಆದಿಲ್ ಸುಲೇಮಾನ, ಸವಿತಾ ವಂಟಿ, ಯಮನಪ್ಪ ಹೊಸಮನಿ, ಸತ್ಯನಾರಾಯಣ, ಯೋಗರಾಜ ಬಾಣೇಕರ ಸೇರಿದಂತೆ ಅನೇಕ ಕಾರ್ಯಕರ್ತರುಕಾಲೋನಿಯ ನಿವಾಸಿಗಳು ಉಪಸ್ಥಿತರಿದ್ದರು.