ಅ. 18 ರಂದು ಬೇಡ ಜಂಗಮ ಸಮುದಾಯದಿಂದ ವಿಧಾನ ಸೌಧ ಚಲೋ

ಕಲಬುರಗಿ: ಬೇಡಜಂಗಮರಿಗೆ ಪರಿಶಿಷ್ಟ ಜಾತಿ ಪ್ರಮಾಣ ಪತ್ರ ನೀಡುವಂತೆ ಆಗ್ರಹಿಸಿ ಸಮುದಾಯದ ವತಿಯಿಂದಇದೆ ಅ.18 ರಂದು ವಿಧಾನ ಸೌಧ ಚಲೋ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ಹೈದ್ರಾಬಾದಕರ್ನಾಟಕ ಬೇಡಜಂಗಮ ಸಮಾಜ ಸಂಸ್ಥೆ ಕಲಬುರಗಿ ನಗರಘಟಕದ ಪ್ರಧಾನ ಕಾರ್ಯದರ್ಶಿ ವಿಶ್ವನಾಥ ಸಾಲಿಮಠ ಹೇಳಿದ್ದಾರೆ.

ರಾಜ್ಯಾದ್ಯಂತ ಸಾವಿರಾರು ಮಠಾಧೀಶರು, ಪಂಚಪೀಠಾಧೀಶರು, ಹರಚರ ಗುರುಗಳು ಮೂರ್ತಿಗಳು ಒಳಗೊಂಡಂತೆ ಲಕ್ಷಕ್ಕೂಅಧಿಕ ಬೇಡಜಂಗಮ ಕುಲಬಾಂಧವರಿಂದ ಬೆಂಗಳೂರಿನ ವಿಧಾನ ಸೌಧಎದುರಿಗೆಆತ್ಮಾರ್ಪಣೆ ಮಾಡಿಕೊಳ್ಳುವ ಕಾರ್ಯಕ್ರಮ ನಡೆಸಲಾಗುವದುಎಂದು ಹೇಳಿದರು.

ಕರ್ನಾಟಕರಾಜ್ಯ ಬೇಡಜಂಗಮರಒಕ್ಕೂಟದರಾಜ್ಯಾಧ್ಯಕ್ಷ ಬಿ.ಡಿ. ಹಿರೇಮಠ್ ನೇತೃತ್ವದಲ್ಲಿ ಬೇಡಜಂಗಮರಿಗೆ ಪರಿಶಿಷ್ಟ ಜಾತಿ ಪ್ರಮಾಣ ಪತ್ರ ನೀಡುವಂತೆ ಸಮುದಾಯದ ವತಿಯಿಂದ ಬೆಂಗಳೂರಿನ ಫ್ರೀಡಂ ಪಾರ್ಕ್ ನಲ್ಲಿ ಹೋರಾಟ ನಡೆಯುತ್ತಿದ್ದು, ಈ ಕುರಿತುಚರ್ಚಿಸಲು ಸರಕಾರಇದೆ ಅ.12 ರಂದು ಸಭೆ ಸಹ ಕರೆದಿತ್ತು.ಆದರೆ, ಕೆಲ ಶಾಸಕರ ಹಾಗೂ ಕಾಣದ ಕೈಗಳಿಂದ ಸಭೆರದ್ದು ಮಾಡಲಾಗಿದೆ.ಕೂಡಲೇ ನಮ್ಮ ಸಮುದಾಯಕ್ಕೆ ಸಿಗಬೇಕಾದ ಎಸ್ ಸಿ ಪ್ರಮಾಣಪತ್ರ ವಿತರಿಸುವಿಕೆಯನ್ನು ಸಡಿಲಕೋಳಿಸಿ ಎಂದು ಹೇಳಿದರು.

ಪೂರ್ವ ಭಾವಿ ಸಭೆ: ವಿಧಾನ ಸೌಧ ಚಲೋ ಕಾರ್ಯಕ್ರಮದ ಹಿನ್ನೆಲೆಜಿಲ್ಲೆಯಿಂದ 6 ರಿಂದ 8 ಸಾವಿರಜನರು ಭಾಗವಹಿಸುವ ನಿರೀಕ್ಷೆಇದೆ. ಈ ಕುರಿತು ನಗರದಕನ್ನಡ ಭವನದಲ್ಲಿ ಅ.12 ರಂದು ಸಾಯಂಕಾಲ 5 ಗಂಟೆಗೆ ಪೂರ್ವ ಭಾವಿ ಸಭೆಅಯೋಜಿಸಲಾಗಿದೆ.

ಸಮುದಾಯದವರು ಹೆಚ್ಚಿನ ಸಂಖ್ಯೆಯಲ್ಲಿ ಸಭೆಯಲ್ಲಿ ಭಾಗವಹಿಸಬೇಕು ಎಂದುಕೋರಿದರು. ಸುದ್ದಿಗೋಷ್ಠಿಯಲ್ಲಿ ನಗರಘಟಕದಅಧ್ಯಕ್ಷ ವೀರಭದ್ರಯ್ಯ ಮಠ, ಎಂ.ಬಿ.ಕಳ್ಳಿಮಠ, ಶಂಭುಲಿಂಗಯ್ಯ ಮಠಪತಿ, ಸಿದ್ದಲಿಂಗಯ್ಯ ಸ್ಥಾವರಮಠ, ರುದ್ರಮುನಿ ಮಠಪತಿ, ಶಿವು ಸ್ವಾಮಿ, ಅಣವೀರಯ್ಯ ಸ್ವಾಮಿ ಪ್ಯಾಟಿಮಠ ಸೇರಿದಂತೆಇತರರಿದ್ದರು.