ವಿವಿಧ ಕಲೆಗಳಿಂದ ಮೆರಗುಗೊಂಡ ಜನಪ್ರಿಯ ಕಲೋತ್ಸವ

ಕಲಬುರಗಿ: ಜನಪ್ರಿಯ ಸಾಂಸ್ಕøತಿಕ ಕಲಾ ಸಂಘ ಕಲಬುರಗಿ ಹಾಗೂ ಕನ್ನಡ ಮತ್ತು ಸಂಸ್ಕøತಿ ಇಲಾಖೆ, ಬೆಂಗಳೂರು ಇವರುಗಳ ಸಂಯುಕ್ತಾಶ್ರಯದಲ್ಲಿ ನಗರದ ಬಸವತೀರ್ಥ ನಗರದಲ್ಲಿ ಜ್ಞಾನಜ್ಯೋತಿ ಕರಿಯರ್ ಅಕಾಡೆಮಿ, ಸಮುಚ್ಛ ಆವರಣದಲ್ಲಿ ಹಮ್ಮಿಕೊಂಡಿದ್ದ “ಜನಪ್ರಿಯ ಕಲೋತ್ಸವ” ವಿವಿಧ ಕಲೆಗಳು ಪ್ರದರ್ಶನಗೊಂಡ ಕಲೋತ್ಸವ ಮೆರಗುಗೊಂಡಿತ್ತು. ನ್ಯಾಯವಾದಿ ಈರಣ್ಣಗೌಡ ಪೋಲಿಸ್ ಪಾಟೀಲ್ ಕಾಂiÀರ್iಕ್ರಮವನ್ನು ಉದ್ಘಾಟಿಸಿ ಮಾತನಾಡಿ ಕಲೆಗಳು ನಮ್ಮ ದೈನಂದಿನ ಒತ್ತಡಗಳಿಂದ ಮುಕ್ತಿ ಹೊಂದಲು ಸಹಾಯಕವಾಗುತ್ತವೆ ಎಂದು ಹೇಳಿದರು.

ಅತಿಥಿಗಳಾಗಿ ಆಗಮಿಸಿದ ಎನ್.ಎಸ್ ಹಿರೇಮಠ ಮಾತನಾಡಿ ಕಲೆಗಳು ಮನರಂಜನೆ ಜೊತೆಗೆ ಮನೋವಿಕಾಶಕ್ಕೆ ಬೇಕಾದ ಅಂಶಗಳನ್ನು ಒದಗಿಸುವ ಕೆಲಸ ಮಾಡುತ್ತವೆ ಎಂದರು.

ಅತಿಥಿ ಖ್ಯಾತ ನಾಟಕಕಾರ ಮಾಹಾಂತೇಶ ನವಲಕಲ್, ಶಾಂತಲಿಂಗಯ್ಯ ಎಸ್ ಮಠಪತಿ ಕಾರ್ಯಕ್ರಮದ ಅದ್ಯಕ್ಷತೆ ವಹಿಸಿದರು. ಕಾರ್ಯಕ್ರಮದ ಮೊದಲಿಗೆ ಕು. ವೈಷ್ಣವಿ ಭರತನಾಟ್ಯವನ್ನು ಪ್ರಧರ್ಶನ ಮಾಡಿದರು.

ನಂತರ ಪ್ರಕಾಶ ಪೂಜಾರಿಯಿಂದ ರಂಗಗೀತೆಗಳು, ರೇಣುಕಾ ಭಜಂತ್ರಿ ಅವರಿಂದ ಶಾಸ್ತ್ರೀಯ ಸಂಗೀತ ನೆರೆವೇರಿದವು. ಖ್ಯಾತ ನಾಟಕಕಾರ ಮಾಹಾಂತಯ್ಯ ಸ್ವಾಮಿ ನವಲಕಲ್ ಅವರಿದ ರಂಗ ಉಪನ್ಯಾಸ ನಡೆಯಿತು. ಮಹೇಶ ಗುತ್ತೆದಾರ ಅವರಿಂದ ಸುಗಮ ಸಂಗೀತ ಹಾಗೂ ಉದಯಕುಮಾರ ಎ ಪುಲಾರಿಯವರಿಂದ ಸೊಲೊ ತಬಲಾ ವಾದನ ನಡೆಸಿಕೊಟ್ಟರು. ಗೊಂಗೋತ್ರಿ ಮಠಪತಿ ನಿರೂಪಿಸಿದರು. ಕಾರ್ಯದರ್ಶಿ ದೇವಕಿ ಎ ಗುಡಿ ವಂದಿಸಿದರು. ಅಪಾರ ಜನರು ಕಲೋತ್ಸದಲ್ಲಿ ಉಪಸ್ಥಿತರಿದ್ದರು.