ಕಲ್ಯಾಣ ಕರ್ನಾಟಕದಲ್ಲಿ ಸರಕಾರದಿಂದ ಸರದಾರ ಪಟೇಲ ಜಯಂತಿ ಆಚರಿಸಲು ಒತ್ತಾಯ

ಕಲಬುರಗಿ : ದೇಶದ ಮೊದಲ ಉಪ ಪ್ರಧಾನಿ ಮತ್ತು ಗೃಹ ಮಂತ್ರಿಗಳಾದ ಉಕ್ಕಿನ ಮನುಷ್ಯ ಸರ್ದಾರ್ ವಲ್ಲಭಭಾಯ್ ಪಟೇಲರ ಜನ್ಮ ದಿನದ ಅಂಗವಾಗಿ ಇಂದು ಕಲಬುರಗಿ ನಗರದ ಸರದಾರ ವಲ್ಲಭಭಾಯಿ ಪಟೇಲರ ವೃತ್ತದಲ್ಲಿ ಉಕ್ಕಿನ ಮನುಷ್ಯ ಸರ್ದಾರ್ ವಲ್ಲಭಭಾಯ್ ಪಟೇಲರ ಪುತ್ತಳಿಗೆ ಮಾಲಾರ್ಪಣೆ ಮಾಡಿ ನಮನ ಸಲ್ಲಿಸಲಾಯಿತು.

ಕಲ್ಯಾಣ ಕರ್ನಾಟಕ ಉತ್ಸವ ದಿನಾಚರಣೆ ಸಮಿತಿ ವತಿಯಿಂದ ನಿಯೋಜಿಸಲಾದ ಈ ಜನ್ಮ ದಿನದ ಕಾರ್ಯಕ್ರಮದ ಸಂದರ್ಭದಲ್ಲಿ ಉದ್ದೆಶಿಸಿ ಮಾತನಾಡಿದ ಶಾಸಕರು ಮತ್ತು ಸಮಿತಿ ಅಧ್ಯಕ್ಷ ಶಶೀಲ್ ನಮೋಶಿ ಅವರು ಕಲ್ಯಾಣ ಕರ್ನಾಟಕ ಅಮೃತ ಮಹೋತ್ಸವದ ಈ ಸಾಲಿನ ಸಂದರ್ಭದಲ್ಲಿ ಪಟೇಲ್ ವೃತ್ತದ ಸೌಂದರ್ಯಿಕರಣ ಮತ್ತು ಪ್ರತಿಮೆಯ ಆಧುನಿಕರಣ ಕಾರ್ಯ ಕಾಲಮಿತಿಯಲ್ಲಿ ಪೂರ್ಣಗೊಳಿಸಲು ಅಧಿಕಾರಿಗಳಿಗೆ ಈಗಾಗಲೇ ಮನವಿ ಮಾಡಿ ತಿಳಿಸಿದ ಅವರು ಪಟೇಲ್ ಜಯಂತಿಯ ಎಲ್ಲರಿಗೂ ಶುಭಾಶಯಗಳು ತಿಳಿಸಿದರು.

ಸಮಿತಿ ಪ್ರಧಾನ ಕಾರ್ಯದರ್ಶಿ ಲಕ್ಷ್ಮಣ ದಸ್ತಿ ಅವರು ಮಾತನಾಡಿ ಹೈದರಾಬಾದ್ ಕರ್ನಾಟಕ ವಿಮೋಚನೆಗೆ ಹೋರಾಡಿದ ಹೋರಾಟಗಾರರ ತ್ಯಾಗ ಬಲಿದಾನ ಮರೆಯುವಂತಿಲ್ಲ.ನಮ್ಮ ಹೋರಾಟಗಾರರ ಉಗ್ರ ಸ್ವರೂಪದ ಹೋರಾಟ ಭಾರತ ಸರ್ಕಾರದ ಕಣ್ಣು ತೆರೆಸಿತು.ಇದನ್ನು ಗಂಭೀರವಾಗಿ ಪರಿಗಣಿಸಿರುವ ಆಗಿನ ಗೃಹ ಮಂತ್ರಿ ಪಟೇಲರು ಭಾರತ ರತ್ನ ಡಾ.ಬಾಬಾಸಾಹೇಬ ಅಂಬೇಡ್ಕರ ಅವರ ಮಾರ್ಗದರ್ಶನದಂತೆ ಸರ್ದಾರ್ ಪಟೇಲ್ ಅವರು ದಿಟ್ಟನದ ನಿಲುವು ತೆಗೆದುಕೊಂಡು ಹೈದರಾಬಾದ್ ಸಂಸ್ಥಾನದ ಮೇಲೆ ಪೊಲೀಸ್ ಕಾರ್ಯಾಚರಣೆ ನಡೆಸಿದರು.ಇದರ ಫಲ ಸ್ವರೂಪ ಹೈದ್ರಾಬಾದ ನಿಜಾಮ ರಾಜ್ಯ ಅಖಂಡ ಭಾರತದಲ್ಲಿ 17 ನೇ ಸೆಪ್ಟೆಂಬರ್ 1948ರಲ್ಲಿ ವಿಲೀನವಾಯಿತು.ಸರದಾರ ಪಟೇಲರ ಐತಿಹಾಸಿಕ ಕಾರ್ಯ ನಾವು ಎಂದಿಗೂ ಮರೆಯಲು ಸಾಧ್ಯವಿಲ್ಲ.ಇನ್ನು ಮುಂದೆ ಸರಕಾರ ಪಟೇಲರ ಜಯಂತಿ ಅಧಿಕೃತವಾಗಿ ಇಡೀ ಕಲ್ಯಾಣ ಕರ್ನಾಟಕ ಭಾಗದಲ್ಲಿ ಆಚರಣೆ ಮಾಡಲು ಸರ್ಕಾರಕ್ಕೆ ಆಗ್ರಹಿಸಿದರು.

ಈ ಸಂದರ್ಭದಲ್ಲಿ ಮುಖಂಡರುಗಳಾದ ಮಾರುತಿ ಪವಾರ,ಮಚ್ಚಿಂದ್ರನಾಥ ಮೂಲಗೆ, ಲಿಂಗರಾಜ ಸಿರಗಾಪೂರ, ಡಾ.ಎ.ಎಸ್.ಭದ್ರಶೆಟ್ಟಿ, ಕಲ್ಯಾಣರಾವ ಪಾಟೀಲ್, ಗಿರೀಶಗೌಡ ಧುಮ್ಮದ್ರಿ, ಅಬ್ದುಲ್ ರಹೀಂ, ಸುರೇಶ್ ಬಡಿಗೇರ, ಬಸವರಾಜ ಚಿಟಗುಂಪಿ, ರಾಜು ಜೈನ, ಅಮಿತಕುಮಾರ, ಪರಮೇಶ್ವರ್, ಸಿದ್ದು ಮಡಿವಾಳ, ವಿಶ್ವನಾಥ ಗೌನಳ್ಳಿ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.