ದಣಿವರಿಯದ ನಾಯಕನಿಗೆ ಅಭಿಮಾನಿಗಳ ಅಪ್ಪುಗೆ

ಕಾಳಗಿ: ಅಭಿವೃದ್ಧಿಯ ಹರಿಕಾರ ಎಂದು ಜನಮನ್ನಣಿ ಗಳಿಸಿರುವ ಚಿತ್ತಾಪೂರ ಮತಕ್ಷೇತ್ರದ ಮಾಜಿ ಶಾಸಕ ವಿಶ್ವನಾಥ ಪಾಟೀಲ ಹೆಬ್ಬಾಳ ಅವರ 72ನೇ ಹುಟ್ಟುಹಬ್ಬದ ಪ್ರಯುಕ್ತ ಕ್ಷೇತ್ರದ ಗಣ್ಯರು ಹಾಗೂ ಅಪಾರ ಅಭಿಮಾನಿ ಬಳಗದವರು ಸೇರಿಕೊಂಡು ಸಸಿಗಳನ್ನು ನೆಡುವ ಮೂಲಕ ಮಂಗಳವಾರ  ಜನ್ಮದಿನವನ್ನು ಆಚರಣೆ ಮಾಡಿದರು.

ತಮ್ಮ ನಾಯಕನ ಮೇಲಿನ ಅಭಿಮಾನಕ್ಕಾಗಿ ಶಾಲು ಹೊದಿಸಿ, ಸಿಹಿ ತಿನಿಸಿ, ಆತ್ಮೀಯವಾಗಿ ಅಪ್ಪಿಕೊಂಡ ಅಭಿಮಾನಿಗಳು ಜ್ಯೋತಿ ಬೆಳಗಿಸುವ ಮೂಲಕ ಅರ್ಥಪೂರ್ಣವಾಗಿ ಜನ್ಮದಿನವನ್ನು ಆಚರಣೆ ಮಾಡಿದರು.

ಶಾಸಕರಾಗಿದ್ದಾಗ ಅವರು ಮಾಡಿರುವ ಜನಪರ ಕಾರ್ಯಗಳನ್ನು ಕೊಂಡಾಡಿದರು. ಕಾಳಗಿ ತಾಲೂಕು ಕೇಂದ್ರವಾಗಿಸುವ ಕಾರ್ಯದಲ್ಲಿ ಪಟ್ಟಿರುವ ಅವರ ಶ್ರಮ ಹಾಗೂ ನೂತನ ತಾಲೂಕಿಗೆ ಬೇಕಾಗುವ ಸರ್ಕಾರಿ ಕಚೇರಿಗಳ ನಿರ್ಮಾಣಕ್ಕಾಗಿ ಶಾಸಕ ಡಾ.ಅವಿನಾಶ ಜಾಧವ ಜೊತೆಗೂಡಿ ನಡೆಸುತ್ತಿರುವ ಹೋರಾಟ ಅವಿಸ್ಮರಣೀಯವಾಗಿದೆ. ತಮ್ಮ ತವರಿಗೆ ಇನ್ನೂ ಸಾಕಷ್ಟು ಅನುದಾನ ತರುವುದರ ಜತೆಗೆ ಸರಕಾರಿ ಇಲಾಖೆ ಕಚೇರಿ ಕಟ್ಟಡಗಳು ಅಡಿಗಲ್ಲು ನೆರವೇರಿಸಿ ಎಂದರು.

ಪ್ರಮುಖರಾದ ಮಲ್ಲಿನಾಥ ಕೋಲಕುಂದಿ ಕೋಡ್ಲಿ, ಬಸವರಾಜ ಶಿವಗೋಳಿ, ಸಂತೋಷ ಪಾಟೀಲ ಮಂಗಲಗಿ, ಶೇಖರ ಪಾಟೀಲ, ಮಲ್ಲಿನಾಥ ಪಾಟೀಲ ಕಾಳಗಿ, ರೇವಣಸಿದ್ದಪ್ಪ ಮಾಸ್ಟರ್ ಚಿಂಚೋಳಿ(ಎಚ್), ಬಸವರಾಜ ಚಿಟ್ಟಾ ರಾಜಾಪೂರ, ವಿಜಯಕುಮಾರ ತುಪ್ಪದ ತೇಂಗಳಿ, ನಾಗರಾಜ ಗದ್ದಿ ಸೇರಿದಂತೆ ಅನೇಕರಿದ್ದರು.