ರಾಷ್ಟ್ರೀಯ ಏಕತೆಯೇ ಎನ್‍ಎಎಸ್‍ಎಸ್ ನ ಧ್ಯೇಯ

ಮಾದನಹಿಪ್ಪರಗಿ: ಜೀವನದಲ್ಲಿ ಶಿಸ್ತು ಬದ್ದತೆ ಮತ್ತು ರಾಷ್ಟ್ರೀಯ ಏಕತೆ ಸಾರುವುದೇ ಎನ್‍ಎಸ್‍ಎಸ್‍ನ ಧ್ಯೇಯವಾಗಿದೆ ಎಂದು ಸ್ಥಳೀಯ ಪೋಲಿಸ ಠಾಣೆಯ ಆರಕ್ಷಕ ಉಪನಿರೀಕ್ಷಕರಾದ ದಿನೇಶ ಎಮ್.ಟಿ ಹೇಳಿದರು.

ಇಂದು ಸ್ಥಳೀಯ ಸರಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ನಡೆದ ರಾಷ್ಟ್ರೀಯ ಸೇವಾ ಯೋಜನೆಯ ಸಮಾರೋಪ ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡುತ್ತ, ನಿಮ್ಮ ಜೀವನದಲ್ಲಿ ಪುಸ್ತಕ ಓದು ನಿಮ್ಮ ವ್ಯಕ್ತಿತ್ವವನ್ನು ರೂಪಿಸುತ್ತದೆಯೇ ವಿನ: ಸಮಾಜಿಕ ಅಂತರ್ಜಾಲದಲ್ಲಿ ಮುಳುಗುವುದರಿಂದ ಅಲ್ಲ. ವಿದ್ಯಾರ್ಥಿಗಳು ತಮ್ಮ ಜೀವನದಲ್ಲಿ ಏನಾದರೂ ಸಾಧಿಸಲು ಈ ಕಾಲೇಜು ಜೀವನ್ದ ಅವಧಿ ಮಹತ್ವದ್ದಾಗಿದೆ. ಆಟ ಪಾಠಗಳಲ್ಲದೆ ಇಂತ ರಾಷ್ಟ್ರೀಯ ಸೇವಾ ಯೋಜನೆಗಳಲ್ಲಿ ಮತ್ತು ಎನ್‍ಸಿಸಿ ಕ್ಯಾಂಪಗಳಲ್ಲಿ ಭಾಗವಹಿಸಿದರಿಂದ ಸಮಾನತೆ ಭಾತೃತ್ವ ಸಹೋದರತೆಯನ್ನು ಕಲಿಸಿಕೊಡುತ್ತದೆ. ಎಲ್ಲರು ಪರಿಸರ ರಕ್ಷಣೆ ಮತ್ತು ಪರಿಸರ ಸ್ವಚ್ಛತೆಯಲ್ಲಿ ತೊಡಗಿಸಿಕೊಳ್ಳುವದರಿಂದ ನಮ್ಮ ಜೀವನ ಶೈಲಿ ಬದಲಾಗುತ್ತದೆ ಎಂದರು.

ಇನ್ನೊಬ್ಬ ಮುಖ್ಯಅತಿಥಿ ಪ್ರಗತಿಪರ ರೈತರಾದ ಮಲ್ಲಿನಾಥ ನಿಂಬಾಳ ಮಾತನಾಡಿ ವಿದ್ಯಾರ್ಥಿಗಳು ಸಮಾಜಮುಖಿ ಚಟುವಟಿಕೆಗಳಲ್ಲಿ ಬಾಗವಹಿಸುವದರಿಂದ ಜವಾಬ್ದಾರಿ ಮತ್ತು ಕರ್ತವ್ಯಗಳು ಅರಿವು ಮೂಡುತ್ತವೆ ಎಂದರು.

ಕಾರ್ಯಕ್ರಮದಲ್ಲಿ ಗ್ರಾಮ ಪಂಚಾಯತ ಸದಸ್ಯ ಸಂಗಣ್ಣ ಕೋಳಸೆಟ್ಟಿ, ಉಪನ್ಯಾಸಕಿ ಡಾ. ನಾಗಮ್ಮ ಬೈರಪ್ಪ, ಪತ್ರಕರ್ತ ಪರಮೇಶ್ವರ ಭೂಸನೂರ, ಸಂತೋಷ ಬೈರಪ್ಪ, ಉಪನ್ಯಾಸಕರಾದ ಡಾ.ಪರಮೇಶ್ವರ ತಳಕೇರಿ, ಸಂತೋಷ, ಲಿಂಗರಾಜ, ಶಿವುಕುಮಾರ ಕಲಶೆಟ್ಟಿ, ಇದ್ದರು. ಶಾಂತವೀರ ಶಿವಾಚಾರ್ಯರು ಹಿರೇಮಠ ಕಾರ್ಯಕ್ರಮದ ಸಾನಿಧ್ಯವಹಿಸಿದ್ದರು. ಪ್ರಾಚಾರ್ಯ ವಿಜಕುಮಾರ ಪಾಟೀಲ ಅಧ್ಯಕ್ಷತೆವಹಿಸಿದ್ದರು. ಕುಮಾರಿ ಮುಸ್ಕಾನ ಸ್ವಾಗತಿಸಿದರೆ ಕು. ರತ್ನಕಲಾ ದೇಶ ಭಕ್ತಿ ಗೀತೆ ಹಾಡಿದರು.