ಸಂವಿಧಾನ ಸಾಕ್ಷಿಯಾಗಿ ಸರಳ ವಿವಾಹವಾದ ಕಲಬುರಗಿ ಯುವತಿ

ಗದಗ: ವರದಕ್ಷಿಣೆಗಳಿಂದ ಕೂಡಿರುವ ಆಡಂಬರ ಮತ್ತು ದುಂದುವೆಚ್ಚ ಮದುವೆಗಳಿಗೆ ಧಿಕ್ಕರಿಸಿ ಹೊಸ ಪೀಳಿಗೆ ಪ್ರೇರಣೆಯಾಗಿ ಅಕ್ಷರ ದಾಸೋಹಿ ಸಾವಿತ್ರಿ ಬಾ ಫುಲೆ ಅವರ ಜನ್ಮದಿನದ ನಿಮಿತ್ತ ಸಂವಿಧಾನದ ಸಾಕ್ಷಿಯಾಗಿ ಕಲಬುರಗಿ ಯುವತಿ ಪೂಜಾ ಸಿಂಗೆ ಮತ್ತು ಸೋಮಶೇಖರ್ ಕನಕಜಲ್ ಇಬ್ಬರು ಸರಳ ವಿವಾಹದ ಮೂಲಕ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಗದಗ ನಗರದ ಡಾ. ಅಂಬೇಡ್ಕರ್ ಭವನದಲ್ಲಿ ಸಾಹಿತಿ ಹೋರಾಟಗಾರ್ತಿ ಕೆ. ನೀಲಾ, ನವ ದಂಪತಿಗಳಿಗೆ ಬಾಳ ಸಂವಿಧಾನ ಸಾಕ್ಷಿ ಪ್ರತಿಜ್ಞೆ ಭೂಧಿಸಿದರು. ನವ ದಾಂಪತ್ಯ ಜೀವನಕ್ಕೆ ಪಾದಾರ್ಪಣೆ ಮಾಡಿದ್ದು, ಭಾವ ಸಂಗಮ ವೇದಿಕೆ ವತಿಯಿಂದ ದಂಪತಿಗಳಿಗೆ ಬಾಳ ಸಂವಿಧಾನದ ಭಾವ ಚಿತ್ರ ನೀಡುವ ಮೂಲಕ ಗೌರವಿಸಲಾಯಿತು.

ಈ ಸಂದರ್ಭದಲ್ಲಿ ಭಾವ ಸಂಗಮದ ಬಸೂ, ಪ್ರಭು ಖಾನಾಪುರೆ, ವಿಕ್ರಮ ತೇಜಸ್, ಪ್ರಿಯಾಂಕಾ ಮಾವಿನಕರ್, ಶಿಲಾ, ಅಸ್ಮಾ, ಶಾರುಕ್, ರವಿ, ಸಾಜಿದ್ ಅಲಿ ಸೇರಿದಂತೆ ಪೂಜಾ ಸಿಂಗೆ ಮತ್ತು ಸೋಮಶೇಖರ್ ಅವರ ಕುಟುಂಬದ ಸದಸ್ಯರ ಹಾಗೂ ಹಿತೈಷಿಗಳ ಸಮ್ಮುಖದಲ್ಲಿ ಸಂವಿಧಾನದ ಪೂರ್ವ ಪೀಠಿಕೆ ಓದುವ ಮೂಲಕ ಈ ವಿವಾಹಕ್ಕೆ ಸಾಕ್ಷಿಯಾದರು.