ಗ್ರಾಮಸ್ಥರು ನದಿ ತೀರದಲ್ಲಿ ಹೋಗದಿರಲು ತಹಶೀಲ್ದಾರರ ಮನವಿ

ಕಲಬುರಗಿ: ಮಹಾರಾಷ್ಟ್ರ ರಾಜ್ಯದಿಂದ ಭೀಮಾ ನದಿಗೆ ಹೆಚ್ಚಿನ ಪ್ರಮಾಣದಲ್ಲಿ ನೀರು ಬಿಡುಗಡೆ ಹಿನ್ನೆಲೆಯಲ್ಲಿ ಕಲಬುರಗಿ ತಾಲೂಕಿನ ಫರಹತಾಬಾದ ಹೋಬಳಿಯ ಕೆಲವು ಗ್ರಾಮಗಳು ಭೀಮಾ ನದಿ ತೀರದಲ್ಲಿ ಇರುವುದರಿಂದ ಸದರಿ ಗ್ರಾಮಗಳಲ್ಲಿ ಪ್ರವಾಹ ಪರಿಸ್ಥಿತಿ ಉದ್ಭವವಾಗುವ ಸಂಭವ ಇರುತ್ತದೆ. ಗ್ರಾಮಸ್ಥರು ನದಿ ತೀರಕ್ಕೆ ಹೋಗಬಾರದು ಹಾಗೂ ಜಾನುವಾರುಗಳಿಗೆ ನದಿ ಸಮೀಪ ಬಿಡಬಾರದೆಂದು ಕಲಬುರಗಿ ತಹಶೀಲ್ದಾರ ಸಂಜೀವಕುಮಾರ ದಾಸರ ಗ್ರಾಮಸ್ಥರಲ್ಲಿ ಮನವಿ ಮಾಡಿದ್ದಾರೆ.

ಭೀಮಾ ನದಿ ತೀರದ ಗ್ರಾಮಗಳಲ್ಲಿನ ಗ್ರಾಮಸ್ಥರು ನದಿಯಲ್ಲಿ ಇಳಿಯಬಾರದು ಹಾಗೂ ಜಾಗರೂಕತೆಯಿಂದ ಇರಬೇಕೆಂದು ಕಲಬುರಗಿ ತಾಲೂಕು ಆಡಳಿತವು ಮನವಿ ಮಾಡಿದೆ. ಗ್ರಾಮಸ್ಥರು ಪ್ರವಾಹದಿಂದ ಯಾವುದೇ ಸಮಸ್ಯೆಗಳನ್ನು ಉಂಟಾದಲ್ಲಿ ತುರ್ತಾಗಿ ಕಲಬುರಗಿ ತಹಶೀಲ್ದಾರರ ಕಾರ್ಯಾಲಯದ ನೈಸರ್ಗಿಕ ವಿಕೋಪ ಸಹಾಯವಾಣಿ ಸಂಖ್ಯೆ08472-278657ಗೆ ಸಂಪರ್ಕಿಸಬೇಕೆಂದು ಅವರು ತಿಳಿಸಿದ್ದಾರೆ.