ಕಾರಂಜಾ ಸಂತ್ರಸ್ತರಿಗೆ ಸಮರ್ಪಕ ಪರಿಹಾರಕ್ಕೆ ಸಿಎಂ ಪರಿಗಣಿಸಬೇಕು: ಲಕ್ಷ್ಮಣ ದಸ್ತಿ ಅಗ್ರಹ

ಕಲಬುರಗಿ: ಗೋದಾವರಿ ಕಣಿವೆ ಪ್ರದೇಶದ ನೀರು ಬಳಿಸಿ ಕೊಳ್ಳುಲು ಮತ್ತು ಕಾರಂಜಾ ನೀರಾವರಿ ಯೋಜನೆಗಾಗಿತಮ್ಮ ಜಮೀನು ಮನೆ ಮಠ ಕಳೆದುಕೊಂಡ ರೈತ ಸಂತ್ರಸ್ತರಿಗೆ ಸಮರ್ಪಕವಾಗಿ ಪರಿಹಾರ ನೀಡುವ ವಿಷಯಕ್ಕೆ ಸಂಬಂಧಿಸಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿರವರು ಗಂಭೀರವಾಗಿ ಪರಿಗಣಿಸಿ ತಕ್ಷಣ ಸ್ಪಂದಿಸಬೇಕೆಂದು ಕಲ್ಯಾಣ ಕರ್ನಾಟಕ ಹೋರಾಟ ಸಮಿತಿಯ ಅಧ್ಯಕ್ಷರಾದ ಲಕ್ಷ್ಮಣ ದಸ್ತಿ ಯವರು ಅಗ್ರಹಿಸಿದ್ದಾರೆ.

ಅಖಂಡ ಕರ್ನಾಟಕ ರಾಜ್ಯ ರಚನೆಯ ನಂತರ ಮೂರುವರೆ ದಶಕಗಳ ವರೆಗೆ ಬಹುತೇಕ ಎಲ್ಲಾ ಸರ್ಕಾರಗಳು ಕಾವೇರಿ ಜಲಾನಯನ ಪ್ರದೇಶಕ್ಕೆ ಮೊದಲನೇ ಆದ್ಯತೆ ನೀಡಿದವು ನಂತರ ನಮ್ಮ ಕೂಗಿಗೆ ಮಣಿದು 1992ರ ನಂತರ ಕೃಷ್ಣಾಕಣಿವೆ ಪ್ರದೇಶಕ್ಕೆ ಪರಿಗಣಿಸಲಾಯಿತು. ಇಷ್ಟಾದರೂ ಇನ್ನು ನಮ್ಮ ಪಾಲಿನ ಕೃಷ್ಣಾ ಕಣಿವೆ ಪ್ರದೇಶದ ನೀರು ಬಳಿಸಿಕೊಂಡಿಲ್ಲಾ.

ಗೋದಾವರಿ ಕಣಿವೆ ಪ್ರದೇಶದ ನೀರು ಬಳಿಸಿಕೊಳ್ಳುವಲ್ಲಿ ಎಲ್ಲಾ ಸರ್ಕಾರಗಳು ನಿರ್ಲಕ್ಷ ಮತ್ತು ಮಲತಾಯಿ ಧೋರಣೆ ಮಾಡಿವೆ. ಗೋದಾವರಿ ಕಣಿವೆ ಪ್ರದೇಶದ ನಮ್ಮ ಪಾಲಿನ 22.37 ಟಿ ಎಮ್ ಸಿ ನೀರಿನಲ್ಲಿ ಅರ್ಧ ನೀರು ಬಳಿಸಿಕೊಂಡರು ಗುರಿಯಂತೆ ರೈತರ ಜಮೀನಿಗೆ ನೀರು ಮುಟ್ಟಿಲ್ಲಾ 9 ಕೋಟಿಯಲ್ಲಿ ಪೂರ್ಣಗೊಳ್ಳಬೇಕಾದ ಕಾರಂಜಾ ಯೋಜನೆ 700 ಕೋಟಿಗೆ ತಲುಪಿದರೂ ಯೋಜನೆ ಪೂರ್ಣಗೊಳ್ಳದೆ ಈ ಯೋಜನೆಗೆಜಮೀನು ನೀಡಿದ ಸಂತ್ರಸ್ತರಿಗೆ ಸಮರ್ಪಕವಾಗಿ ಇನ್ನು ಪರಿಹಾರ ಸಿಗದೆ ಇರುವದು ಖೇಧಕರವಾದ ವಿಷಯವಾಗಿದೆ.

ಗೋದಾವರಿ ಕಣಿವೆ ಪ್ರದೇಶದ ನೀರು ಬಳಿಸಿಕೊಳ್ಳುಲು ಮತ್ತು ಸಂತ್ರಸ್ತರಿಗೆ ಸಮರ್ಪಕವಾಗಿ ಪರಿಹಾರ ನೀಡುವ ವಿಷಯಕ್ಕೆ ಮುಖ್ಯಮಂತ್ರಿಗಳು ಗಂಭೀರವಾಗಿ ಪರಿಗಣಿಸಿ ತಕ್ಷಣ ದಿಟ್ಟತನದ ರಾಜಕೀಯ ಇಚ್ಛಾಶಕ್ತಿ ಪ್ರದರ್ಶಿಸಲು ಸಮಿತಿ ಮುಖ್ಯಮಂತ್ರಿಗಳಿಗೆ ಒತ್ತಾಯಿಸಿದೆ.