ಕಲಬುರಗಿ: “ವಚನ ಸಂಕ್ರಾಂತಿ” ನಾಳೆ

ಕಲಬುರಗಿ: 15 ರಂದು ಸಂಜೆ 6 ಗಂಟೆಗೆ ನಗರದ ಜಯನಗರದಲ್ಲಿರುವ ಬಸವ ಸಮಿತಿಯ, ಅನುಭವ ಮಂಟಪದಲ್ಲಿ ಲಿಂಗೈಕ್ಯ ಸೋಮನಾಥಪ್ಪ ಬಸವಣ್ಣಪ್ಪ ಖೂಬಾ ಸ್ಮರಣಾರ್ಥ, ಅರಿವಿನ ಮನೆ 738 ನೆಯ ಕಾರ್ಯಕ್ರಮದಲ್ಲಿ “ವಚನ ಸಂಕ್ರಾಂತಿ” ಎಂಬ ವಿಶೇಷ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.

ಈ ಕಾರ್ಯಕ್ರಮದ ದಿವ್ಯ ಸಾನಿಧ್ಯವನ್ನು ಶಿವಾನುಭವ ಚರಮೂರ್ತಿ ಪೂಜ್ಯಶ್ರೀ ಶಿವರುದ್ರ ಮಹಾಸ್ವಾಮಿಗಳು ವಹಿಸಲಿದ್ದಾರೆ. ನಮ್ಮ ನಾಡಿನ ವಿಶ್ವವಿಖ್ಯಾತ ಕ್ಲಾರಿನೆಟ್ ಕಲಾವಿದರಾದ ಪಂಡಿತ ಡಾ. ನರಸಿಂಹಲು ವಡವಾಟಿ, ರಾಯಚೂರು ಇವರಿಗೆ “ವಚನ ಸಂಗೀತ ವಿಭೂಷಣ” ಪ್ರಶಸ್ತಿ ಪ್ರದಾನ ಮಾಡಿ ಗೌರವಿಸಲಾಗುವುದು. ತಮಿಳುನಾಡಿನ ಪೂಜ್ಯಶ್ರೀ ಸಿದ್ಧಲಿಂಗ ಮಹಾಸ್ವಾಮಿಗಳು ಸಾನಿಧ್ಯ ವಹಿಸಲಿದ್ದಾರೆ. ಡಾ. ವಿಲಾಸವತಿ ಖೂಬಾ ಅಧ್ಯಕ್ಷತೆಯನ್ನು ವಹಿಸಲಿದ್ದಾರೆ.