ನೆರೆ ಸಂತ್ರಸ್ತರು ಯಾವುದಕ್ಕೆ ಎದೆಗುಂದದೆ ಧೈರ್ಯದಿಂದ ಇರಿ: ಸಂಸದ ಅಮರೇಶ್ ನಾಯಕ್

ಶಹಾಪುರ: ನೆರೆ ಸಂತ್ರಸ್ತರು ಯಾವುದಕ್ಕೆ ಎದೆಗುಂದದೆ ಧೈರ್ಯದಿಂದ ಇರಿ ನಿಮ್ಮೊಂದಿಗೆ ನಾವಿದ್ದೇವೆ ಎಂದು ರಾಯಚೂರು ಲೋಕಸಭೆ ಸಂಸದರಾದ ಅಮರೇಶ್ ನಾಯಕ್ ಹೇಳಿದರು.

ಆಲಮಟ್ಟಿ ಜಲಾಶಯದಿಂದ ೬.೫೦ ಲಕ್ಷ ಸಾವಿರ ಕ್ಯೂಸೆಕ್ ನೀರು ಕೃಷ್ಣಾ ನದಿಗೆ ಬಿಟ್ಟಿರುವುದರಿಂದ ಕೃಷ್ಣಾ ನದಿಯ ತಟದಲ್ಲಿರುವ ಬಹುತೇಕ ಗ್ರಾಮಗಳು ಜಲಾವೃತಗೊಂಡಿವೆ.

ಮನೆ ಮಾರು ಜಾನುವಾರುಗಳು ಬಿಟ್ಟು ಊರನ್ನು ತೊರೆದು ಹತ್ತಿಗೂಡೂರ ಗ್ರಾಮದ ಗಂಜಿ ಕೇಂದ್ರಕ್ಕೆ ಬಂದಿರುವ ನೆರೆ ಸಂತ್ರಸ್ತರಿಗೆ ಧೈರ್ಯ ತುಂಬಿ ಮಾತನಾಡಿದರು.

ಸರ್ಕಾರದಿಂದ ಸಂತ್ರಸ್ತರಿಗೆ ಸಿಗಬೇಕಾದ ಎಲ್ಲ ಮೂಲಭೂತ ಸಕಲ ಸೌಕರ್ಯಗಳನ್ನು ಒದಗಿಸಲು ಜಿಲ್ಲಾಡಳಿತ ಜೊತೆಗೆ ನಾನು ಕೂಡ ಪ್ರಯತ್ನ ಮಾಡುತ್ತಿದ್ದೇವೆ ಎಂದು ಭರವಸೆ ನೀಡಿದರು.

ಇಂತಹ ಸಂದರ್ಭದಲ್ಲಿ ಅಧಿಕಾರಿಗಳು ನಿರ್ಲಕ್ಷ್ಯ ವಹಿಸಿದರೆ ಕಾನೂನಾತ್ಮಕವಾಗಿ ಕ್ರಮ ಕೈಗೊಳ್ಳಬೇಕಾಗುತ್ತದೆ ಎಂದು ಅಧಿಕಾರಿಗಳಿಗೆ ಎಚ್ಚರಿಕೆ ನೀಡಿದರು.

ಈ ಸಂದರ್ಭದಲ್ಲಿ ಮಾಜಿ ಸಚಿವರಾದ ಡಾ:ಎ.ಬಿ. ಮಾಲಕರೆಡ್ಡಿ, ಹಾಗೂ ಮಾಜಿ ಶಾಸಕರಾದ ಡಾ:ವೀರಬಸವಂತ ರೆಡ್ಡಿ ಮುದ್ನಾಳ್, ಯಾದಗಿರಿಯ ಶಾಸಕರಾದ ವೆಂಕಟರೆಡ್ಡಿ ಮುದ್ನಾಳ, ಬಿಜೆಪಿಯ ಜಿಲ್ಲಾಧ್ಯಕ್ಷರಾದ ಚಂದ್ರಶೇಖರಗೌಡ ಮಾಗನೂರು ಹಾಗೂ ಇತರರು ಉಪಸ್ಥಿತರಿದ್ದರು.