ನಮ್ಮ ಪೂರ್ವಜರ ಸಾಹಿತ್ಯವನ್ನು ಸಾರಿ ಹೇಳುವುದು ಜಾನಪದ ಸಾಹಿತ್ಯ; ಅಮರಮ್ಮ ಬಸರಡ್ಡಿ

ಸುರಪುರ: ಯಾರಿಗೆ ನಮ್ಮ ಸಂಸ್ಕೃತಿ ಬಗ್ಗೆ ಅರಿವು ಇರುವುದೊ, ಯಾರು ಸಂಸ್ಕೃತಿಯನ್ನುಅನುಸರಿಸುತ್ತಾರೊ ಅವರಿಗೆ ಸಂಸ್ಕಾರವಿರುತ್ತದೆ, ಮನುಷ್ಯನಿಗೆ ಸಂಸ್ಕಾರ ಮುಖ್ಯ, ಜಾನಪದರು ಸಂಸ್ಕಾರವನ್ನು ಸಾರಿ ಹೇಳಿತ್ತದೆ ಎಂದು ಹಿರಿಯ ಜಾನಪದ ಕಲಾವಿದೆ ಅಮರಮ್ಮ ಬಸರಡ್ಡಿ ಹೇಳಿದರು.

ಸುರಪುರ ತಾಲೂಕಿನ ಬೋನಾಳ ಗ್ರಾಮದಲ್ಲಿ ಜಾನಪದ ಸಾಂಸ್ಕೃತಿಕ ಕಲಾ ಸಂಘ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಬೆಂಗಳೂರು ಇವರ ಸಹಯೋಗದಲ್ಲಿ ನಡೆದ ಸಾಂಸ್ಕೃತಿಕ ಸಂಭ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಅವರು,ಜಾನಪದ ಕಲೆಗಳ ಬಗ್ಗೆ ಯುವಕರು ತರಬೇತಿ ಪಡೆದುಕೊಳ್ಳಬೇಕು. ವಿಶೇಷವಾಗಿ ಗ್ರಾಮೀಣ ಜನರ ಬದುಕು, ನೋವು, ನಲಿವುಗಳನ್ನು ಪ್ರತಿಬಿಂಬಿಸುವ ಜಾನಪದ ಸೊಗಡನ್ನು ಮುಂದಿನ ಪೀಳಿಗೆಗೆ ಉಳಿಸಬೇಕು ಎಂದರು.

ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿ ಪತ್ರಕರ್ತರ ಸಂಘದ ಕಾರ್ಯದರ್ಶಿ ಕ್ಷೀರಲಿಂಗಯ್ಯ ಹಿರೇಮಠ ಬೋನ್ಹಾಳ ಮಾತನಾಡಿ ಮಾತನಾಡಿ, ಟಿ.ವಿ ಮತ್ತು ಸಿನಿಮಾ ಮೋಹಕ್ಕೆ ಯುವಜನತೆ ಬಲಿಯಾಗುತ್ತಿದ್ದಾರೆ. ಈ ಚಟದಿಂದ ದೂರ ಬರಲು ಜಾನಪದ ಕಲೆಗಳನ್ನು ಕಲಿಯಲು ಮುಂದಾಗಬೇಕು ಎಂದು ತಿಳಿಸಿದರು.

ಜಾನಪದ ಸಾಹಿತ್ಯ ಜನರ ನಡೆ-ನುಡಿಯಲ್ಲಿ ತುಂಬಿಹೋಗಿದ್ದು ಅದರ ಕಂಪನ್ನು ಸೂಸುವ ಕಾರ್ಯ ಎಲ್ಲೆಡೆ ನಡೆಯಬೇಕು ಎಂದರು.

ಸಾಂಸ್ಕೃತಿಕ ಕಾರ್ಯಕ್ರಮಗಳು ಆಧುನಿಕ ಯುಗದಲ್ಲಿ ಮಕ್ಕಳು, ಯುವಕರು, ಹಿರಿಯರನ್ನು ಮನರಂಜಿಸುವ ಮಾಧ್ಯಮವಾಗಿವೆ. ಅಲ್ಲದೆ ಹಲವಾರು ಪ್ರತಿಭೆಗಳನ್ನು ಗುರುತಿಸಿ, ಪ್ರೋತ್ಸಾಹಿಸಲು ಸಾಧ್ಯವಾಗಿದೆ.ಇಂತಹ ಕಾರ್ಯಕ್ರಮಗಳು ಮೌಲ್ಯಯುತವಾಗಿ, ಮನೋರಂಜನೆ, ಸಮಯದ ಮಿತಿ ಮತ್ತು ಸಂಸ್ಕೃತಿಯನ್ನು ಬಿಂಬಿಸುವಂತಿರಬೇಕು ಎಂದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸಮಿತಿ ಅಧ್ಯಕ್ಷ ಬಸವರಾಜ ಚೋಕಾಯಿ ವಹಿಸಿ ಮಾತನಾಡಿದರು. ಬೀಸುವ ಪದ ಕುಟುವ ಪದ,ಸೋಭಾನ ಪದಗಳು, ಮೋಹರಂ ಪದಗಳು, ವಚನ ಗಾಯನ ಭಜನೆ ಪದಗಳು ಹೀಗೆ ಹತ್ತು ಹಲವಾರು ಕಲೆಗಳು ಕಲಾವಿದರು ಪ್ರಸ್ತುತ ಪಡಿಸಿ ಜನರನ್ನು ರಂಜಿಸಿದರು. ಕಾರ್ಯಕ್ರಮವನ್ನು ಪವನಕುಮಾರ ನಿರೂಪಿಸಿದರು. ನಿಂಗಣ್ಣ ಕುಂಬಾರ ಸ್ವಾಗತಿಸಿದರು. ಸಾಹೇಬಗೌಡ ವಂದಿಸಿದರು.