ಕೊನೆ ಭಾಗದ ರೈತರ ಜಮೀನುಗಳಿಗೆ ನೀರು ತಲುಪಿಸಿ

ಸುರಪುರ: ಮತಕ್ಷೇತ್ರದ ಅನೇಕ ಗ್ರಾಮಗಳ ಕಾಳುವೆಗಳ ಕೊನೆ ಭಾಗದ ರೈತರ ಜಮೀನುಗಳಿಗೆ ನೀರು ತಲುಪದೆ ಇದ್ದುದರಿಂದ ರೈತರು ತೊಂದರೆಪಡುತ್ತಿದ್ದಾರೆ ಎಂದು ಮಾಜಿ ಶಾಸಕ ರಾಜಾ ವೆಂಕಟಪ್ಪ ನಾಯಕ ಬೇಸರ ವ್ಯಕ್ತಪಡಿಸಿ ನೀರು ತಲುಪಿಸಲು ಅಧಿಕಾರಿಗಳು ಕ್ರಮ ಕೈಗೊಳ್ಳುವಂತೆ ತಾಕೀತು ಮಾಡಿದ್ದಾರೆ.

ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿರುವ ಮಾಜಿ ಶಾಸಕರು, ಸುರಪುರ ಮತಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಸಿದ್ದಾಪುರ ಬಿ, ಕಕ್ಕೇರಾ, ಕಾಮನಟಗಿ, ಶಾಂತಪೂರ, ತಿಂಥಣಿ ಅರಳಹಳ್ಳಿ, ಹಾಲಭಾವಿ, ಚನ್ನಪಟ್ನಾ, ಗೋಡಿಹಾಳ, ರಾಯಗೇರಾ, ನಾಗರಾಳ, ಹಂದ್ರಾಳ, ಕೋನಾಳ, ದೇವತ್ಕಲ್ ಈ ಗ್ರಾಮದ ರೈತರಿಗೆ ಸಿದ್ದಾಪುರ ಬಿ ಡಿಸ್ಟ್ರಿಬ್ಯೂಟರ್ ನಂ:-5 ಮೂಲಕ ಕಾಲುವೆಗೆ ನೀರು ಹರಿಯುತ್ತಿದ್ದು. ಅದರಂತೆಯೇ ಮಾ.7 ರಂದು ಕಾಲುವೆಗೆ ನೀರು ಹರಿಸುವುದು ಬಂದಾಗುತ್ತದೆ ಪ್ರಸ್ತುತ ಅವಧಿಯಲ್ಲಿ ವಾರಾಬಂದಿ ಪದ್ದತಿಯನ್ನು ಅನುಸರಿಸಿದರೂ ಕೂಡಾ ಕ್ಷೇತ್ರದ ಕೊನೆ ಭಾಗದ ರೈತರ ಜಮೀನುಗಳೀಗೆ ನೀರು ತಲುಪುತ್ತಿಲಾ.್ಲ ಇದರಿಂದ ರೈತರು ಬೆಳೆದಿರುವ ಹಿಂಗಾರು ಬೆಳೆಗಳಾದ ಶೇಂಗಾ, ಸೆಜ್ಜೆ ಇನ್ನಿತರ ಬೆಳೆಯು ಒಣಗಿತ್ತಿರುವುದರಿಂದ ರೈತರು ಕಂಗಾಲಾಗಿದ್ದಾರೆ.

ಈಗಲಾದರು ಸಂಬಂಧಿಸಿದ ಅಧಿಕಾರಿಗಳು ಎಚ್ಚೆತ್ತುಕೊಂಡು ಕಾಲುವೆ ಕೊನೆಭಾಗದ ರೈತರ ಜಮೀನುಗಳಿಗೆ ನೀರು ತಲುಪಿಸಲು ಅತೀ ಶೀಘ್ರದಲ್ಲಿಯೆ ಕ್ರಮವಹಿಸಬೇಕು. ಇಲ್ಲವಾದಲ್ಲಿ ಆಯಾ ಗ್ರಾಮಗಳ ರೈತರು, ಸಾರ್ವಜನಿಕರೊಂದಿಗೆ ಕಕ್ಕೇರಿಯ ಸಹಾಯಕ ಕಾರ್ಯನಿರ್ವಾಹಕ ಅಭಿಯಂತರರು ಕೆ.ಬಿ.ಜೆ.ಎನ್.ಎಲ್. ಉಪ ವಿಭಾಗ ಕಚೇರಿಯ ಎದುರಿಗೆ ಧರಣಿ ಸತ್ಯಾಗ್ರಹ ನಡೆಸುವುದು ಅನಿವಾರ್ಯವಾಗುತ್ತದೆ ಎಂದು ಎಚ್ಚರಿಕೆ ನೀಡಿದ್ದಾರೆ.