ಪಂಪ್ ಆಪರೇಟರ್ ಪಾದ ಪೂಜೆ ಮಾಡಿ ಗೌರವಿಸಿದ ಸಚಿವ ಶಾಸಕ

ಸುರಪುರ:ನಗರದ ಕುಂಬಾರಪೇಟೆಯಲ್ಲಿರುವ ಕುಡಿಯುವ ನೀರು ಸರಬರಾಜಿನ ಪಂಪ್‍ಹೌಸ್‍ನಲ್ಲಿ ಸುಮಾರು ಮೂರು ದಶಕಗಳ ಕಾಲ ಸೇವೆ ಸಲ್ಲಿಸುತ್ತಿರುವ ದುರ್ಗಪ್ಪ ಎನ್ನುವ ಕೆಲಸಗಾರನ ಸೇವೆಗೆ ಶಾಸಕರಾದ ನರಸಿಂಹ ನಾಯಕ (ರಾಜುಗೌಡ) ಹಾಗೂ ಸಚಿವ ಬೈರತಿ ಬಸವರಾಜ ಅವರು ವಿಶೇಷವಾಗಿ ಗೌರವಿಸಿರುವ ಪ್ರಸಂಗ ಜರುಗಿತು.ದುರ್ಗಪ್ಪ ಅವರಿಗೆ ವೇದಿಕೆ ಮೇಲೆ ಪಾದ ತೊಳೆದು ವಿಭೂತಿ ಕುಂಕುಮ ಹಚ್ಚಿ ಹೂ ಪತ್ರೆಯನ್ನಿರಿಸಿ ದೀಪವನ್ನು ಬೆಳಗುವ ಮೂಲಕ ಪಾದಪೂಜೆ ನೆರವೇರಿಸಿದರು.ಇದನ್ನು ಕಂಡು ಶಾಸಕರ ಮತ್ತು ಸಚಿವರ ಕೆಲಸಗಾರರ ಕುರಿತಾದ ಗೌರವಕ್ಕೆ ಜನರು ಚಪ್ಪಾಳೆ ತಟ್ಟಿ ಮೆಚ್ಚುಗೆ ವ್ಯಕ್ತಪಡಿಸಿದ ಪ್ರಸಂಗ ನಡೆಯಿತು.