ನೆರೆ ಸಂತ್ರಸ್ತರಿಗೆ ಯಾದಗಿರಿ ಜಾಗತಿಕ ಲಿಂಗಾಯತ ಮಹಾಸಭಾ ನೆರವು

ಸುರಪುರ: ಕೃಷ್ಣಾ ನದಿ ಪ್ರವಾಹದಿಂದ ಯಾದಗಿರಿ ಜಿಲ್ಲೆಯಾದ್ಯಂತ ಪ್ರವಾಹಕ್ಕೀಡಾದ ಅನೇಕ ಗ್ರಾಮಗಳ ಜನರು ಮನೆ ತೊರೆದು ಗಂಜಿ (ಕಾಳಜಿ) ಕೇಂದ್ರಗಳಲ್ಲಿ ಆಶ್ರಯ ಪಡೆದಿದ್ದು.ಈ ಸಂತ್ರಸ್ತರ ನೆರವಿಗೆ ಎಲ್ಲೆಡೆ ಸಂಘ ಸಂಸ್ಥೆಗಳು ನಿಲ್ಲುವ ಮೂಲಕ ಬದುಕು ಕಟ್ಟಿಕೊಳ್ಳಲು ನೆರವಾಗುತ್ತಿದ್ದಾರೆ.

ಅದರಂತೆ ಶಹಾಪುರ ತಾಲ್ಲೂಕಿನ ಹತ್ತಿಗೂಡೂರು ಗ್ರಾಮದಲ್ಲಿ ನೇರ ಸಂತ್ರಸ್ತರ ಗಂಜಿ ಕೇಂದ್ರದಲ್ಲಿ ಆಶ್ರಯ ಪಡೆದಿರುವ ಸಂತ್ರಸ್ತರಿಗೆ ಜಾಗತಿಕ ಲಿಂಗಾಯಿತ ಮಹಾಸಭಾ ಯಾದಗಿರಿ ಜಿಲ್ಲಾ ಘಟಕದ ವತಿಯಿಂದ ದವಸ ಧಾನ್ಯಗಳಾದ ಅಕ್ಕಿ ರೊಟ್ಟಿ ತೊಗರಿ ಬೇಳೆ ಬಾಳೇಹಣ್ಣು ಬಿಸ್ಕೇಟ್ ಬ್ರೆಡ್ಡು ಹಾಲಿನ ಪಾಕೇಟ್ ಇನ್ನಿತರ ಅವಶ್ಯಕ ಪೂರಕವಾದ ವಸ್ತುಗಳನ್ನು ಸಂತ್ರಸ್ತರಿಗೆ ವಿತರಿಸಿದರು.

ಈ ಸಂದರ್ಭದಲ್ಲಿಗುರುಮಟ್ಟಕಲ ತಾಲ್ಲೂಕು ಖಾಸಾ ಮಠದ ಶಾಂತವೀರ ಮುರುಘರಾಜೇಂದ್ರ
ಶರಣರು ಸಂತ್ರಸ್ತರಿಗೆ ಉಪದೇಶ ನೀಡುತ್ತ ಮಾತನಾಡಿ,ಪ್ರಕೃತಿಯ ವಿಕೋಪದಿಂದಾಗಿ ನೆರೆಯ ಹಾವಳಿ ಬಂದೊದಗಿದೆ,ತಾವ್ಯಾರು ಇದಕ್ಕೆ ಎದೆಗುಂದಬೇಕಿಲ್ಲ ನಿಮ್ಮೊಂದಿಗೆ ನಾವು ಹಾಗು ಜಾಗತಿಕ ಲಿಂಗಾಯತ ಮಹಾಸಭಾ ನಿಲ್ಲಲಿದೆ ಎಂದು ಧೈರ್ಯ ತುಂಬಿದರು.ನಂತರ ಕಾಳಜಿ ಕೇಂದ್ರದಲ್ಲಿ ಹಾಜರಿದ್ದ ಯಾದಗಿರಿ ಉಪ ಆಯುಕ್ತ ಶಂಕರಗೌಡ,ಜಿಲ್ಲಾ ಪಂಚಾಯಿತಿ ಉಪಾಧ್ಯಕ್ಷೆ ಗಿರಿಜಮ್ಮ ರೊಟ್ನಡಿಗಿ, ಶಹಾಪುರ ತಹಸೀಲ್ದಾರರಾದ ಸಂಗಮೇಶರವರ ಸಮ್ಮುಖದಲ್ಲಿ ಸಂತ್ರಸ್ತರಿಗೆ ತಂದ ಆಹಾರ ಧಾನ್ಯ ಮತ್ತಿತರೆ ವಸ್ತುಗಳನ್ನು ಸಲ್ಲಿಸಲಾಯಿತು.

ಈ ಸಂದರ್ಭದಲ್ಲಿ ಜಾಗತಿಕ ಮಹಾಸಭಾದ ಜಿಲ್ಲಾಧ್ಯಕ್ಷ ಗುಂಡಣ್ಣ ಕಲಬುರಗಿ,ಸಾಹಿತಿ ವಿಶ್ವನಾಥ ರೆಡ್ಡಿ ಗೊಂದಡಗಿ, ಪತ್ರಕರ್ತ ವಿಶ್ವರಾದ್ಯ ಸತ್ಯಂಪೇಟೆ, ಶಿವಣ್ಣ ಶಿವಣ್ಣ ಇಜೇರಿ,ರಾಜು ಕುಂಬಾರ,ಹಣಮಂತ ಕೊಂಗಂಡಿ,ಶಿವರುದ್ರ ಉಳ್ಳಿ,ಮಲ್ಲು ಚೊಕ್ಕಾ, ಶರಣರೆಡ್ಡಿ ಹತ್ತಿಗುಡೂರ ಹಾಗು ಯಾದಗಿರಿ ಜಿಲ್ಲಾ ಅಲ್ಪಸಂಖ್ಯಾತರ ಘಟಕದ ಯುವಕರು ಮತ್ತು ಇತರೆ ಅಧಿಕಾರಿಗಳು ಇದ್ದರು.