ನಮ್ಮ ಚಟುವಟಿಕೆಗಳು ನಮ್ಮ ಭವಿಷ್ಯ ನಿರ್ಣಯಿಸುತ್ತವೆ: ಡಾ. ನಾಮದೇವ ರಾಠೋಡ

ಚಿಂಚೋಳಿ: ವಿದ್ಯಾರ್ಥಿಗಳು ವರ್ತಮಾನದಲ್ಲಿ ಬದುಕಬೇಕೆ ಹೊರತು ಕನಸಿನ ಲೋಕದಲ್ಲಲ್ಲ. ಕಠಿಣ ಪರಿಶ್ರಮ, ಶಿಸ್ತುಬದ್ದ ಅಭ್ಯಾಸದಿಂದ ಗುರಿ ತಲುಪಬಹುದು ಎಂದು ಡಾ. ನಾಮದೇವ ರಾಠೋಡ ಹೇಳಿದರು.

ಚಂದಾಪೂರದ ಸರಕಾರಿ ಪದವಿ ಪೂರ್ವ ಕಾಲೇಜಿನ ಎನ್.ಎಸ್.ಎಸ್ ಚಟುವಟಿಕೆಗಳ ಉದ್ಘಾಟನೆ ಹಾಗೂ ಪ್ರಥಮ ಪಿಯುಸಿ ತರಗತಿಯ ವಿದ್ಯಾರ್ಥಿಗಳಿಗೆ ಸ್ವಾಗತ ಕೋರುವ ಸಮಾರಂಭ ಉದ್ಘಾಟಿಸಿ ಮಾತಮಾಡಿದ ಅವರು ವಿದ್ಯಾರ್ಥಿಗಳು ಇಷ್ಟಪಟ್ಟು ಓದಬೇಕೆ ಹೊರತು ಕಷ್ಟಪಟ್ಟು ಓದಬಾರದು ಎಂಬ ಸಲಹೆ ನೀಡಿದರು.

ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಸರಕಾರಿ ನೌಕರರ ಸಂಘದ ಅಧ್ಯಕ್ಷ ದೇವಿಂದ್ರಪ್ಪ ಹೋಳ್ಕರ್, ರಾಜ್ಯ ಪರಿಷತ್ ಸದಸ್ಯ ಸಿರಾಜೋದ್ದೀನ್ ಪಟೇಲ್ ಮಾತನಾಡಿದರು. ಪ್ರಾಂಶುಪಾಲ ಅಶೋಕಶಾಸ್ತ್ರಿ ಅಧ್ಯಕ್ಷತೆ ವಹಿಸಿದ್ದರು. ಎನ್.ಎಸ್.ಎಸ್.  ಯೋಜನಾಧಿಕಾರಿ ಮಲ್ಲಿಕಾರ್ಜುನ ಪಾಲಾಮೂರ್ ಪ್ರಾಸ್ತಾವಿಕ ಮಾತನಾಡಿದರು. ರಮೇಶ ವೈರಾಗೆ ಸ್ವಾಗತಿಸಿದರು. ಸುರೇಶ ಚವ್ಹಾಣ ವಂದಿಸಿದರು.