ಸುರಪುರ: ಅಸ್ಸಾಂ ರೈಫಲ್ ಪಡೆ ಪಥಸಂಚಲನ

ಸುರಪುರ: ವಿಧಾನಸಭಾ ಚುನಾವಣೆಯ ಅಂಗವಾಗಿ ನಗರಕ್ಕೆ ಅಸ್ಸಾಂ ರೈಫಲ್ ಪಡೆಯನ್ನು ಕರೆಯಿಸಲಾಗಿದ್ದು ನಗರದಲ್ಲಿ ಪಥಸಂಚಲನ ನಡೆಸಲಾಯಿತು.ಸುರಪುರ ಠಾಣೆಯ ಪೊಲೀಸ್ ಇನ್ಸ್ಪೇಕ್ಟರ್ ಮಹಾಂತೇಶ ದ್ಯಾಮಣ್ಣ ಅವರ ನೇತೃತ್ವದಲ್ಲಿ ನಗರದ ಖುರೇಷಿ ಮೊಹಲ್ಲಾ ಕಬಾಡಗೇರ ದರಬಾರ ರಸ್ತೆ ಸೇರಿದಂತೆ ವಿವಿಧ ಕಡೆಗಳಲ್ಲಿ ಪಥಸಂಚಲನ ನಡೆಸಲಾಯಿತು.

150 ಜನ ಅಸ್ಸಾಂ ರೈಫಲ್ ಪಡೆ ಯೋಧರು ಹಾಗೂ ಸುರಪುರ ಠಾಣೆಯ ಪೊಲೀಸ್ ಸಿಬ್ಬಂದಿಗಳು ಪಥಸಂಚಲನದಲ್ಲಿ ಭಾಗವಹಿಸಿದ್ದರು.

ನಗರದ ಮಹಾತ್ಮ ಗಾಂಧಿ ವೃತ್ತಕ್ಕೆ ಪಥಸಂಚಲನ ಆಗಮಿಸುತ್ತಿದ್ದಂತೆ ಅನೇಕ ಜನ ಹಿಂದುಪರ ಸಂಘಟನೆಗಳ ಮುಖಂಡರು ಅಸ್ಸಾಂ ರೈಫಲ್ ಪಡೆ ಯೋಧರಿಗೆ ಪುಷ್ಪವೃಷ್ಟಿ ಮಾಡಿ ಹಾರೈಸಿ ಘೋಷಣೆಗಳನ್ನು ಕೂಗಿದರು.