ಪುರಸಭೆ ವಾಲಮನ್ ಶಿವಶಂಕರಗೆ ನಿವೃತ್ತಿ ಬೀಳ್ಕೊಡುಗೆ

ಆಳಂದ: ಪಟ್ಟಣದ ಪುರಸಭೆಯ ನೀರು ನಿರ್ವಾಹಕ (ವಾಲಮನ್), ಶಿವಶಂಕರ ಸಾಯಬಣ್ಣಾ ಹತ್ತರಕಿ ಅವರ ಸೇವಾ ವಯೋನಿವೃತ್ತಿ ಪ್ರಯುಕ್ತ ಪುರಸಭೆಯಲ್ಲಿ ಅಧಿಕಾರಿಗಳು ಮತ್ತು ಸಿಬ್ಬಂದಿಗಳು ಸೇರಿ ಬೀಳ್ಕೊಡುಗೆ ಸನ್ಮಾನ ನೀಡಿದರು.

ಪ್ರಬಾರಿ ಮುಖ್ಯಾಧಿಕಾರಿ ಜಗದೀಶ ಹಿರೇಮಠ, ವ್ಯವಸ್ಥಾಪಕ ಶಂಭುಲಿಂಗ ಕಿನ್ನೆ, ಪರಿಸರ ಅಭಿಯಂತರ ರವಿಕಾಂತ ಮಿಸ್ಕಿನ್, ಪೌರನೌಕರ ಸಂಘದ ಅಧ್ಯಕ್ಷ ಶಿವರಾಯ ಸರಸಂಬಿ, ಪುರಸಭೆ ಸದಸ್ಯ ಸೋಮಶೇಖರ ಹತ್ತರಕಿ, ಸಂತೋಷ ಹೂಗಾರ ಮತ್ತಿತರು ಶಾಲು ಹೊದಿಸಿ ಸನ್ಮಾನಿಸಿ ಮಾತನಾಡಿ, ಶಿವಶಂಕರ ಅವರ ಸೇವೆ ಹೊಸಬರಿಗೆ ಮಾದರಿಯಾಗಿದೆ. ಸರ್ಕಾರಿ ಸೇವೆ ಆಕಸ್ಮಿಕವಾಗಿ ಬಂದರು ವಯೋ ನಿವೃತ್ತಿ ಇದ್ದುದ್ದೆ, ಹೀಗಾಗಿ ಸೇವಾ ಅವಧಿಯಲ್ಲಿ ಮಾಡಿದ ಕಾರ್ಯವೇ ನಮ್ಮನ್ನು ಗುರುತಿಸುತ್ತದೆ. ಈ ಒಂದು ನಿಟ್ಟಿನಲ್ಲಿ ನಿವೃತ್ತರ ಸೇವಾಅ ಕಾರ್ಯವನ್ನು ಮರೆಯಲಾಗದು ಎಂದದರು.

ಈ ಸಂದರ್ಭದಲ್ಲಿ ಮುಖಂಡ ಅಂಬರಾಯ ಲೋಕಾಣೆ ಅವರು ಮಾತನಾಡಿದರು. ಮೊಹ್ಮದ್ ಶಫೀ ರೋತೆ, ಶಿವರಾಯ ಮಂಗಲಗಿ, ಜಯಶ್ರೀ ಲಾವಟೆ, ಶಶಿಕಲಾ ಬೋರಿ, ಅಕೌಂಟೆಂಟ್ ಪಲ್ಲವಿ ದೇಶಪಾಂಡೆ, ಮಿಜಾಹೀದುತುಲ್ಲಾಬೇಗ, ಮೌಲಾಲಿ ಖಂಡುವಾಲೆ ಮತ್ತಿತರು ಉಪಸ್ಥಿತರಿದ್ದರು.