ಬಡಾವಣೆಯಲ್ಲಿ ಮದ್ಯದ ಅಂಗಡಿ ಪ್ರಾರಂಭಕ್ಕೆ ವಿರೋಧ, ಪರವಾನಗಿ ರದ್ದತಿಗೆ ಆಗ್ರಹ

ಕಲಬುರಗಿ: ನಗರದ ಪೀರ್ ಜನಜಾನ ದರ್ಗಾದ ಕಬರ್ಸ್ತಾನದ ಎದುರು ವೈನ್ ಶಾಫ್ ಅಂಗಡಿ ತೆರೆಯುತಿರುವುದನ್ನು ವಿರೋಧಿಸಿ ಬಡಾವಣೆಯ ನಿವಾಸಿಗಳು ನ್ಯಾಯವಾದಿ ವಾಹಜ್ ಬಾಬಾ ಅವರ ನೇತೃತ್ವದಲ್ಲಿ ವಿರೋಧ ವ್ಯಕ್ತಪಡಿಸಿ ಅಂಗಡಿ ಮುಚ್ಚುತೆ ಒತ್ತಾಯಿಸಿದರು.

ಈ ಸಂದರ್ಭದಲ್ಲಿ ವಾಹಜ್ ಬಾಬಾ ಮಾತನಾಡಿ ಬಡಾವಣೆಯಲ್ಲಿ ಮಂದಿರ, ಮಸಜೀದ್ ಹಾಗೂ ಶಾಲಾ ಕಾಲೇಜುಗಳಿದು ಸಂಪೂರ್ಣ ನಿವಾಸಿಗಳ ತಾಣವಿದ್ದು ಈ ಸ್ಥಳಗಳಲ್ಲಿ ಮದ್ಯದ ಅಂಗಡಿ ತೆರೆಯುತ್ತಿರುವುದ ಸರಿಯಲ್ಲ ಎಂದು ವಿರೋಧ ವ್ಯಕ್ತಪಡಿಸಿ ಕೂಡಲೆ ಅಬಕಾರಿ ಇಲಾಖೆ ಅಂಗಡಿಯ ಪರವಾನಗಿ ರದ್ದು ಪಡೆಸಬೇಕೆಂದು ಅವರು ಒತ್ತಾಯಿಸಿದರು.

ಅಧಿಕಾರಿಗಳು ನಿರ್ಲಕ್ಷ್ಯ ವ್ಯಕ್ತಪಡಿಸಿದರೆ ಉಗ್ರರೀತಿ ಹೋರಾಟ ನಡೆಸಲಾಗುವುದೆಂದು ಎಚ್ಚರಿಗೆ ನೀಡಿದರು. ಈ ಸಂದರ್ಭದಲ್ಲಿ‌ ಬಡಾವಣೆಯ ಮುಖಂಡರು ಸೇರಿದಂತೆ ಕಾರ್ಯಕರ್ತರು ಇದ್ದರು