ಬ್ರಿಟೀಷರ ವಿರುದ್ಧ ಹೋರಾಡಿದ ವೀರ‌ ಮಹಿಳೆ ರಾಣಿ ಚೆನ್ನಮ್ಮ; ಶಾಸಕ ಅಲ್ಲಮಪ್ರಬು ಪಾಟೀಲ

ಕಲಬುರಗಿ; ತನ್ನ‌‌ ಪುಟ್ಟ ಸಾಮ್ರಾಜ್ಯ ಉಳಿಸಿಕೊಳ್ಳಲು ಬ್ರಿಟೀಷದಂತಹ ದೊಡ್ಡ ಸೈನ್ಯದ‌ ವಿರುದ್ಧ ಹೋರಾಡಿದ ವೀರ‌ ಮಹಿಳೆ‌ ರಾಣೆ‌ ಚನ್ನಮ್ಮ ಅವರಾಗಿದ್ದಾರೆ ಎಂದು ಶಾಸಕ ಅಲ್ಲಮಪ್ರಬು ಪಾಟೀಲ ಹೇಳಿದರು.

ಸೋಮವಾರ ಕಲಬುರಗಿ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಹಾಗೂ ಮಹಾನಗರ ಪಾಲಿಕೆ ಇವರುಗಳ ಸಂಯುಕ್ತಾಶ್ರಯದಲ್ಲಿ ವೀರಮಾತೆ ಕಿತ್ತೂರು ರಾಣಿ ಚನ್ನಮ್ಮ ಜಯಂತಿ ಸಮಾರಂಭದಲ್ಲಿ‌ ವೀರ‌ ಮಹಿಳೆಯ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸುವ‌ ಮೂಲಕ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ವಿಧಾನ ಪರಿಷತ್ ಶಾಸಕ ಶಸೀಲ ಜಿ. ನಮೋಶಿ ಸಹ ಸಭೆ ಉದ್ದೇಶಿಸಿ ಮಾತನಾಡಿದರು. ಜಿಲ್ಲಾ ಗ್ರಾಹಕರ‌ ವ್ಯಾಜ್ಯಗಳ ಪರಿಹಾರ ಆಯೋಗದ ಪ್ರಭಾರಿ ಅಧ್ಯಕ್ಷೆ ಮಾಲತಿ ರಷ್ಮಿ ಅವರು ಉಪನ್ಯಾಸ ನೀಡಿದರು.

ಕಾರ್ಯಕ್ರಮದಲ್ಲಿ ಕಲಬುರಗಿ ತಹಶೀಲ್ದಾರ ನಾಗಮ್ಮ‌ ಕಟ್ಟಿಮನಿ, ಶಂಭು ಬಳಬಟ್ಟಿ, ಜಿಲ್ಲಾ‌ ಕೃಷಿಕ‌ ಸಮಾಜದ‌ ಅಧ್ಯಕ್ಷ ಸಿದ್ರಾಮಪ್ಪ ಧಂಗಾಪೂರ, ನಾಗವೇಣಿ ಪಾಟೀಲ, ಸುಧಾ ಹಾಗಲಕಾಯಿ, ಸಿದ್ದುಗೌಡ ಅಫಜಲಪೂರಕರ್ ಇದ್ದರು.

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ‌ ನಿರ್ದೇಶಕ ದತ್ತಪ್ಪ ಸಾಗನೂರ ಸ್ವಾಗತಿಸಿದರು. ಸಂದೀಪ ಬಿ. ಮಾಳಗಿ‌ ನಿರೂಪಿಸಿದರು.