ಮಹಿಳಾ ಪೌರಕಾರ್ಮಿಕರಿಂದ 101 ಕಳಶ ಮೆರವಣಿಗೆ

ಕಲಬುರಗಿ; ಮಹಾನಗರ ಪಾಲಿಕೆಯ ಸಮಸ್ತ ನೌಕರ ವರ್ಗದವರ ವತಿಯಿಂದ ನಾಡಹಬ್ಬ ದಸರಾ ಪ್ರಯುಕ್ತ ಪಾಲಿಕೆಯ ನೂತನ ಕೇಂದ್ರ ಕಛೇರಿಯಲ್ಲಿ ಆಯುಧ ಪೂಜೆಯನ್ನು ಪೂಜ್ಯ ಮಹಾಪೌರ ವಿಶಾಲ ಎಸ್. ಧರ್ಗಿ ಅವರು ಉದ್ಘಾಟಿಸಿದರು.

ಪಾಲಿಕೆಯ 101 ಮಹಿಳಾ ಪೌರಕಾರ್ಮಿಕರಿಂದ ಟ್ಯಾಂಕ್‍ಬಂಡ್ ರಸ್ತೆಯಲ್ಲಿರುವ ಶ್ರೀ ಯಲ್ಲಮ್ಮ ಅಂಬಾ ಭವಾನಿ ದೇವಸ್ಥಾನದಿಂದ ಪೂಜೆ ಮುಗಿಸಿ, ಮಹಿಳೆಯ ಶಿರದ ಮೇಲೆ ಕಳಶವನ್ನು ಹೊತ್ತು ಕಾಲ್ನಡಿಗೆಯಿಂದ ಮೆರವಣಿಗೆಯೊಂದಿಗೆ ಮಹಾನಗರ ಪಾಲಿಕೆಯ ಪೂಜಾ ಸ್ಥಳಕ್ಕೆ ಆಗಮಿಸಿದರು. ನಂತರ ಶ್ರೀ , ಸಾರ್ವಜನಿಕ ಆರೋಗ್ಯ, ಶಿಕ್ಷಣ ಹಾಗೂ ಸಾಮಾಜಿಕ ನ್ಯಾಯ ಸ್ಥಾಯಿ ಸಮಿತಿಯ ಅಧ್ಯಕ್ಷ ವಿಶಾಲಕುಮಾರ ಎಸ್. ನವರಂಗ ಅವರು ಪಾಲಿಕೆಯ ಕೇಂದ್ರ ಕಛೇರಿಯ ಆವರಣದಲ್ಲಿ ಪೂಜಾ ಕಾರ್ಯಕ್ರಮ ನೆರವರಿಸಿದರು.

ಸದರಿ ಕಾರ್ಯಕ್ರಮದಲ್ಲಿ ಪಾಲಿಕೆಯ ಎಲ್ಲಾ ವಾಹನಗಳ ಪೂಜೆಯನ್ನು ನೆರವೇರಿಸಲಾಯಿತು. ಉಪಮಹಾಪೌರ ಶಿವಾನಂದ ಡಿ. ಪಿಸ್ತಿ, ಕರ, ಹಣಕಾಸು ಹಾಗೂ ಮೇಲ್ಮನವಿ ಸ್ಥಾಯಿ ಸಮಿತಿ ಅಧ್ಯಕ್ಷೆ ರಾಗಮ್ಮ ಎಸ್. ಇನಾಮದಾರ, ಜಿಲ್ಲಾಧಿಕಾರಿಗಳಾದ ಕುಮಾರಿ ಫೌಜಿಯಾ ಬಿ. ತರನ್ನುಮ್, ಪಾಲಿಕೆಯ ಮಾಧವ ಗಿಟ್ಟೆ, ಉಪ ಆಯುಕ್ತರು (ಆಡಳಿತ) ಆರ್.ಪಿ. ಜಾಧವ, ಉಪ ಆಯುಕ್ತರು (ಅಭಿವೃದ್ಧಿ), ಶಿವನಗೌಡ ಕಾರ್ಯಪಾಲಕ ಅಭಿಯಂತರರು, ಸಾವಿತ್ರಿ ಶರಣು ಸಲಗರ, ಎಸ್ಟೇಟ್ ಅಧಿಕಾರಿಗಳು ಹಾಗೂ ಸಭಾ ಕಾರ್ಯದರ್ಶಿ ಹಾಗೂ ಪಾಲಿಕೆ ಸದಸ್ಯರು, ಪಾಲಿಕೆಯ ಎಲ್ಲಾ ಅಧಿಕಾರಿಗಳು, ಸಿಬ್ಬಂದಿಗಳು ಆಯುಧ ಪೂಜೆಯಲ್ಲಿ ಉಪಸ್ಥಿತರಿದ್ದರು.