ಶ್ರೀಮರಡಿ ಮಲ್ಲಿಕಾರ್ಜುನ ದೇವಸ್ಥಾನದ ಬಳಿ ಕೋರಿಕೆಯ ಬಸ್ ನಿಲುಗಡೆಗೆ ಒತ್ತಾಯ

ಸುರಪುರ: ದಕ್ಷಿಣ ಶ್ರೀಶೈಲ ಎಂದೇ ಖ್ಯಾತಿ ಪಡೆದಿರುವ ತಾಲ್ಲೂಕಿನ ಲಕ್ಷ್ಮೀಪುರ ಗ್ರಾಮದ ಬಳಿಯಿರುವ ಶ್ರೀಮರಡಿ ಮಲ್ಲಿಕಾರ್ಜುನ ದೇವಸ್ಥಾನದ ಬಳಿಯಲ್ಲಿ ಭಕ್ತರ ಕೋರಿಕೆ ಮೇರೆಗೆ ಬಸ್ ನಿಲುಗಡೆ ಫಲಕವನ್ನು ನೆಟ್ಟು,ಬಸ್ ನಿಲ್ಲಿಸಲು ಕ್ರಮ ವಹಿಸುವಂತೆ ಕರ್ನಾಟಕ ನವ ನಿರ್ಮಾಣ ವೇದಿಕೆಯ ಉತ್ತರ ಕರ್ನಾಟಕ ಅಧ್ಯಕ್ಷ ಶಿವರಾಜ ಕಲಕೇರಿ ಒತ್ತಾಯಿಸಿದರು.

ನಗರದ ಬಸ್ ಡಿಪೋ ವ್ಯವಸ್ಥಾಪಕರಿಗೆ ಮನವಿ ಸಲ್ಲಿಸಿ ಮಾತನಾಡಿ,ಶ್ರೀಮರಡಿ ಮಲ್ಲಿಕಾರ್ಜುನ ದೇವಸ್ಥಾನಕ್ಕೆ ನಿತ್ಯವು ನೂರಾರು ಸಂಖ್ಯೆಯಲ್ಲಿ ನಾಡಿನ ವಿವಿಧ ಭಾಗದಿಂದ ಭಕ್ತರು ಬರುತ್ತಾರೆ.ದೇವಸ್ಥಾನಕ್ಕೆ ಬರುವ ಭಕ್ತರಿಗೆ ಕೃಷ್ಣಾಪುರ ಅಥವಾ ಲಕ್ಷ್ಮೀಪುರ ಬಸ್ ನಿಲ್ದಾಣಗಳಿಂದ ಕಿಲೋ ಮೀಟರ್ ಗಟ್ಟಲೆ ನಡೆದುಕೊಂಡು ಬರುವುದು ಕಷ್ಡದಾಯಕವಾಗಿದೆ.ಇದರಿಂದ ಬರುವ ಭಕ್ತರು ನಿತ್ಯವು ತೊಂದರೆ ಪಡುವಂತಾಗುತ್ತಿದೆ. ಆದ್ದರಿಂದ ಬೀದರ ಬೆಂಗಳೂರು ಹೆದ್ದಾರಿಗೆ ಹೊಂದಿಕೊಂಡಿರುವ ಈ ದೇವಸ್ಥಾನಕ್ಕೆ ಹೋಗುವ ಮುಖ್ಯ ದ್ವಾರದ ಬಳಿಯಲ್ಲಿ ಎಲ್ಲಾ ಬಸ್ಸುಗಳು ಕೋರಿಕೆಯ ಮೇರೆ ನಿಲ್ಲಿಸಲು ಕ್ರಮ ಕೈಗೊಳ್ಳಬೇಕು.ಇಲ್ಲವಾದಲ್ಲಿ ಬಸ್ ಡಿಪೋ ಬಳಿಯಲ್ಲಿ ಉಗ್ರ ಪ್ರತಿಭಟನೆ ನಡೆಸಬೇಕಾಗುವುದು ಎಂದು ಡಿಪೋ ವ್ಯವಸ್ಥಾಪಕರಿಗೆ ಎಚ್ಚರಿಸಿ ಮನವಿ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಸಾಯಿ ಬಿರಾದಾರ,ಆಕಾಶ ಕಟ್ಟಿಮನಿ,ವಾಸುದೇವ ನಾಯಕ,ವಿಶ್ವನಾಥರೆಡ್ಡಿ,ಸಾಗರ ಈಳಿಗೇರ,ಆನಂದ ಮಡ್ಡಿ,ಪ್ರಕಾಶ ಕಟ್ಟಿಮನಿ,ನಾಗಭೂಷಣ ಯಾಳಗಿ,ರಮೇಶ ಬಡಿಗೇರ,ಜಗದೀಶ ಪಾಟೀಲ,ಮರೆಪ್ಪ ಚಲುವಾದಿ,ರಾಹುಲ್,ಸುಪ್ರಿತ್ ಜಾಕಾ,ಮಲ್ಲಿಕಾರ್ಜುನ ಸುಬೇದಾರ,ಬಸವರಾಜ ರಸ್ತಾಪುರ ಇತರರಿದ್ದರು.