ಕನ್ನಡ ಸಾಹಿತ್ಯ ಸಂಘದ ರಾಜ್ಯೋತ್ಸವದಲ್ಲಿ ಸಂಗೀತ ಕಾರ್ಯಕ್ರಮ

ಸುರಪುರ: ನಮ್ಮ ಜೀವನದಲ್ಲಿ ನಾವು ಎಲ್ಲರಿಗೂ ಒಳ್ಳಯದನ್ನು ಬಯಸಿದರೆ ಖಂಡಿತವಾಗಿ ನಮಗೂ ಒಳ್ಳಯುದಾಗುತ್ತದೆ ಎಲ್ಲಾ ದಾಸರು, ಶರಣರು, ಸೂಫಿ ಸಂತರು ಇದನ್ನೇ ಸಾರಿದ್ದಾರೆ ನಮ್ಮ ಬದುಕಿನಲ್ಲಿ ಒಳ್ಳೆಯ ಕಾರ್ಯಗಳನ್ನು ಮಾಡುವ ಮೂಲಕ ಅಮೂಲ್ಯವಾದ ಮಾನವ ಜನ್ಮವನ್ನು ಸಾರ್ಥಕಗೊಳಿಸಿಕೊಳ್ಳಬೇಕು ಎಂದು ರಾಜ್ಯೋತ್ಸವ ಪ್ರಶಸ್ತಿ ವಿಭೂಷಿತ ಖ್ಯಾತ ಸಂಗೀತ ಕಲಾವಿದರಾದ ಹುಸೇನಸಾಬದಾಸ ಕನಕಗಿರಿ ಹೇಳಿದರು.

ನಗರದ ಕನ್ನಡ ಸಾಹಿತ್ಯ ಸಂಘದಲ್ಲಿ ಸಾಂಸ್ಕøತಿಕ ರಾಯಭಾರಿ ಹಾಗೂ ಮಾಜಿ ಸಚಿವ ರಾಜಾ ಮದನಗೋಪಾಲ ನಾಯಕ ಅವರ ಪುತ್ಥಳಿ ಅನಾವರಣದ ಪ್ರಥಮ ಪುಷ್ಪಾರ್ಚನೆ ಕಾರ್ಯಕ್ರಮ ನಿಮಿತ್ಯ ಹಮ್ಮಿಕೊಂಡಿದ್ದ ಸಂಗೀತ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿ ಸುರಪುರ ಸಂಸ್ಥಾನವು ಸಾಹಿತ್ಯ ಹಾಗೂ ಸಂಗೀತ ಕ್ಷೇತ್ರಗಳಲ್ಲಿ ಸಾಕಷ್ಟು ಪ್ರಸಿದ್ಧಿ ಪಡೆದುಕೊಂಡಿದೆ ಎಂದ ಅವರು ಸುರಪುರದ ಆನಂದದಾಸರು ಸಂಗೀತ ಕ್ಷೇತ್ರದಲ್ಲಿ ಅಗ್ರಗಣ್ಯರಾಗಿದ್ದರು ಎಂದು ಸ್ಮರಿಸಿಕೊಂಡರು.

ಈ ಸಂದರ್ಭದಲ್ಲಿ ಅವರು ದಾಸರ, ಶರಣರ ವಚನಗಳನ್ನು ಸುಶ್ರಾವ್ಯವಾಗಿ ಹಾಡುವ ಮೂಲಕ ಸಂಗೀತ ಅಭಿಮಾನಿಗಳ ಮನ ಸೂರೆಗೊಂಡರು, ಸಂಗೀತ ಕಲಾವಿದರಾದ ರೀಟಾ ಹಂಚಾಟೆ, ಮೋಹನರಾವ ಮಾಳದಕರ ಹಾಗೂ ಅಧ್ಯಕ್ಷತೆ ವಹಿಸಿದ್ದ ಹಿರಿಯ ಸಂಗೀತ ಕಲಾವಿದೆ ನಿರ್ಮಲಾ ರಾಜಗುರು ಸಂಗೀತ ಕಾರ್ಯಕ್ರಮ ನಡೆಸಿಕೊಟ್ಟರು. ಈಶ್ವರ ಬಡಿಗೇರ, ಆಮಯ್ಯಸ್ವಾಮಿ ಹಾಗೂ ನರಸಿಂಹ ಭಂಡಿ ವಾದ್ಯ ಸಹಕಾರ ನೀಡಿದರು. ನಂತರ ಸ್ಪಂದನಾ ಮೆಲೋಡಿಸ್ ವತಿಯಿಂದ ರಸಮಂಜರಿ ಕಾರ್ಯಕ್ರಮ ಜರುಗಿತು.

ಸಾಹಿತ್ಯ ಸಂಘದ ಅಧ್ಯಕ್ಷ ಬಸವರಾಜ ಜಮದ್ರಖಾನಿ,ಉಪಾಧ್ಯಕ್ಷ ಜೆ.ಅಗಸ್ಟಿನ್ ನ್ಯಾಯವಾದಿಗಳು, ಪ್ರ.ಕಾರ್ಯದರ್ಶಿ ಶ್ರೀನಿವಾಸ ಜಾಲವಾದಿ, ಬಸವರಾಜ ನಿಷ್ಠಿ ದೇಶಮುಖ, ಪ್ರಕಾಶಚಂದ ಜೈನ, ಜಯಲಲಿತಾ ಪಾಟೀಲ, ಶ್ರೀಶೈಲ ಯಂಕಂಚಿ, ರಾಜಶೇಖರ ದೇಸಾಯಿ,ನಬಿಲಾಲ ಮಕಾನದಾರ, ಕನಕಪ್ಪ ವಾಗಣಗೇರಿ, ದೇವು ಹೆಬ್ಬಾಳ, ಎ.ಕಮಲಾಕರ, ರಾಘವೇಂದ್ರ ಭಕ್ರಿ, ನರಸಿಂಹ ಬಾಡಿಯಾಲ, ಶ್ರೀಪಾದ ಗಡ್ಡ, ರಮೇಶ ಕಟ್ಟಿಮನಿ ಇತರರಿದ್ದರು.