ಡಾ.ಎಂ.ಎಸ್.ಲಠ್ಠೆ ಅವರ ಬದುಕು ಬರಹ ಉಪನ್ಯಾಸ

ಕಲಬುರಗಿ; ನಗರದ ಹೈ.ಕ.ಶಿಕ್ಷಣ ಸಂಸ್ಥೆಯ ಶ್ರೀಮತಿ ವೀರಮ್ಮ ಗಂಗಸಿರಿ ಮಹಿಳಾ ಪದವಿ ಮಹಾವಿದ್ಯಾಲಯದಲ್ಲಿ‌ ಕರ್ನಾಟಕ ಜಾನಪದ ಪರಿಷತ್ತಿನಿಂದ ನಾಡಿನ ಹಿರಿಯ ಜಾನಪದ ವಿದ್ವಾಂಸರಾದ ಡಾ.ಎಂ.ಎಸ್.ಲಠ್ಠೆ ಅವರ ಬದುಕು ಬರಹ ಉಪನ್ಯಾಸ ಮಾಲಿಕೆ ಹಮ್ಮಿಕೊಳ್ಳಲಾಯಿತು.

ಗುರು ಉಪದೇಶ ಮಾಸ ಪತ್ರಿಕೆಯ ಸಂಪಾದಕರಾದ ಗುಂಡೇರಾವ ಕಡಣಿ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಜಾನಪದ ಪರಿಷತ್ತ ಜಿಲ್ಲಾ ಅಧ್ಯಕ್ಷರಾದ ಸಿ.ಎಸ್.ಮಾಲಿಪಾಟೀಲ ಅವರು ಪ್ರಾಸ್ತಾವಿಕವಾಗಿ ಮಾತನಾಡಿದರು,ಕಾರ್ಯಕ್ರಮದ ಉಪಸ್ಥಿತಿ ಕನ್ನಡ ಸಾಹಿತ್ಯ ವಿಭಾಗದ  ಮುಖ್ಯಸ್ಥರಾದ ಡಾ.ನಾಗೇಂದ್ರ ಮಸೂತಿ ವಹಿಸಿದರು.

ಅಧ್ಯಕ್ಷತೆಯನ್ನು ಕಾಲೇಜಿನ ಪ್ರಾಂಶುಪಾಲರಾದ ಡಾ.ರಾಜೇಂದ್ರ ಕೊಂಡಾ ವಹಿಸಿದರು,ಕಲಬುರಗಿ ನಗರದ ಮಹಾನಗರ ಪಾಲಿಕೆ ಮಾಜಿ ಸದಸ್ಯರು ಮತ್ತು ಸಮಾಜ ಸೇವಕ ಹಾಗೂ ಬಸವ ಕಾಯಕ ಪ್ರಶಸ್ತಿ ಪುರಸ್ಕೃತರಾದ ಉಮೇಶ ಶೆಟ್ಟಿ ಅವರನ್ನು ಜಾನಪದ ಪರಿಷತ್ತಿನಿಂದ ವಿಶೇಷವಾಗಿ ಈ ಸಂದರ್ಭದಲ್ಲಿ ಸನ್ಮಾನಿಸಲಾಯಿತು.

ಡಾ.ಎಂ.ಎಸ್.ಲಠ್ಠೆ ಅವರ ಬದುಕು ಬರಹ ಕುರಿತು ಉಪನ್ಯಾಸವನ್ನು ಶರಣಬಸವ ವಿಶ್ವವಿದ್ಯಾಲಯದ ಕನ್ನಡ ವಿಭಾಗದ ಮುಖ್ಯಸ್ಥರಾದ  .ಕಲ್ಯಾಣರಾವ್.ಜಿ.ಪಾಟೀಲರು ಉಪನ್ಯಾಸ ನೀಡಿದರು.

ಡಾ.ಮಲ್ಲಿಕಾರ್ಜುನ. ಶಿ.ಲಠ್ಠೆ ಅವರು ಬೆಳಗಾವಿ ಜಿಲ್ಲೆಯ ಬೈಲಹೊಂಗಲ ತಾಲೂಕಿನ ಹಣ್ಣಕೇರಿ ಎಂಬ ಹಳ್ಳಿಯಲ್ಲಿ 12-04-1932 ರಂದು ಶಿವಪ್ಪ ಮತ್ತು ಬಸಮ್ಮನವರ ಉದರದಲ್ಲಿ ಜನಿಸಿದರು.ಇವರು ಪ್ರಾಧ್ಯಾಪಕರಾಗಿ, ನಿರ್ದೇಶಕರಾಗಿ ಕಲಬುರಗಿಯಲ್ಲಿಯೇ ಆರ್ಧ ಆಯುಷ್ಯ ಕಳೆದರು,ಸಮಯ ಪರಿಪಾಲಕರು,ನಿಷ್ಠಾವಂತ ಅಧಿಕಾರಿಯಾಗಿ ಆದರ್ಶ ಜೀವನ ನಡೆಸುತ್ತಾ,ಜಾನಪದ ಕಲೆ ಉಳಿಸಿ ಬೆಳೆಸಯತ್ತಾ ಜನಪ್ರಿಯರಾದರು ಎಂದರು.

ಕಾರ್ಯಕ್ರಮದಲ್ಲಿ ಡಿ.ಪಿ.ಸಜ್ಜನ ಮತ್ತು ಜಾನಪದ ಪರಿಷತ್ತಿನ ಪದಾಧಿಕಾರಿಗಳು ಹಾಗೂ ಕಾಲೇಜಿನ ಸಿಬ್ಬಂದಿ ವರ್ಗ ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. ನಿರೂಪಣೆ ಕವಿತಾ ಎ.ಎಂ ,ಸ್ವಾಗತ ಗೀತೆ ಮೇಘನಾ ಕೆರಳ್ಳಿ,ಸ್ವಾಗತ ಡಾ.ನಾಗೇಂದ್ರ ಮಸೂತಿ, ವಂದನಾರ್ಪಣೆ ದಾನಮ್ಮ ಬಿರದಾರ ವಹಿಸಿದರು ಎಂದು ಪತ್ರಿಕಾ ಪ್ರಕಟಣೆಗೆ ಕರ್ನಾಟಕ ಜಾನಪದ ಪರಿಷತ್ತ ಕಲಬುರಗಿ ಜಿಲ್ಲಾ ಸಂಘಟನಾ ಕಾರ್ಯದರ್ಶಿಯಾದ ಡಿ.ಪಿ.ಸಜ್ಜನ ತಿಳಿಸಿದರು.