ಜಾತಿ, ವರ್ಗ ಸಂಘರ್ಷ ನಿಲ್ಲಲಿ: ಧರ್ಮಣ್ಣ ಧನ್ನಿ

ಜೇವರ್ಗಿ : ನಾವು ಎಷ್ಟೆ ಅಭಿವೃದ್ಧಿ ಹೊಂದಿದರೂ ಸಮಾಜದಲ್ಲಿನ ಜಾತಿ ಹಾಗೂ ವರ್ಗ ಸಂಘರ್ಷಗಳು ಕಡಿಮೆ ಆಗಿಲ್ಲ ಎಂದು ಸಾಹಿತಿ ಧರ್ಮಣ್ಣ ಎಚ್ ಧನ್ನಿ ಕಳವಳ ವ್ಯಕ್ತ ಪಡಿಸಿದರು.

ತಾಲೂಕಿನ ಬೀರಾಳ(ಬಿ) ಗ್ರಾಮದಲ್ಲಿ ತಾಲೂಕಾ ಸಮಾಜ ಕಲ್ಯಾಣ ಇಲಾಖೆ ಮತ್ತು ಪೃಥ್ವಿ ಹೈದರಾಬಾದ ಕರ್ನಾಟಕ ಶೋಷಿತ ಮಹಿಳೆಯರ ಅಭಿವೃದ್ಧಿ ಸಂಸ್ಥೆ ಕಲಬುರಗಿ ಇವರ ಸಹಯೋಗದಲ್ಲಿ ಏರ್ಪಡಿಸಿದ ಅಸ್ಪøಶ್ಯತಾ ನಿರ್ಮೂಲನೆಯ ವಿಚಾರ ಸಂಕಿರಣ ಕಾರ್ಯಕ್ರಮದಲ್ಲಿ ಉಪನ್ಯಾಸ ಮಂಡಿಸಿ ಮಾತನಾಡಿದರು.

ಸಮಾನತೆಯ ಸಮಾಜ ನಿರ್ಮಾಣಕ್ಕೆ ಬುದ್ಧ ಬಸವ ಡಾ, ಅಂಬೇಡ್ಕರವರು ಪ್ರತಿಪಾದಿಸಿದ ತತ್ವಾದರ್ಶಗಳನ್ನು ಜೀವನದಲ್ಲಿ ಅಳವಡಿಸಿ ಸಾಗಬೇಕು. ಸಂವಿಧಾನದ ಆಶಯಗಳನ್ನು ಅರ್ಥ ಮಾಡಿಕೊಂಡು ನಡೆದಾಗ ಮಾತ್ರ ಸಮತಾ ಸಮಾಜ ಕಟ್ಟಲು ಸಾಧ್ಯ. ಅದಕ್ಕಾಗಿ ನಮ್ಮ ಮಕ್ಕಳಿಗೆ ಆಸ್ತಿ ಮಾಡದೇ ಮಕ್ಕಳನ್ನೇ ಆಸ್ತಿಯನ್ನಾಗಿ ರೂಪಿಸಲು ಶಿಕ್ಷಣ ಕೊಡಿಸಬೇಕಾಗಿದೆ ಎಂದರು.

ಮುಖ್ಯ ಅತಿಥಿ ನ್ಯಾಯವಾದಿ ಧರ್ಮಣ್ಣ ಜೈನಾಪೂರ ಮಾತನಾಡಿ, ಜಾತಿಯನ್ನು ಬೇರು ಸಮೇತ ಕಿತ್ತು ಹಾಕಬೇಕು. ಅಲ್ಲಿ ಪ್ರೀತಿ, ಸಹೋದರತೆ ಮತ್ತು ಬಂಧುತ್ವ ಬೀಜಗಳನ್ನು ಬಿತ್ತಿ ಮಾನವೀಯತೆ ನೆಲೆ ಸೃಷ್ಠಿಸಬಹುದಾಗಿದೆ. ಗ್ರಾಮೀಣ ಭಾಗದಲ್ಲಿರುವ ಅಸ್ಪøಶ್ಯತೆ ತೊಡೆದು ಹಾಕಲು ಮನ ಪರಿವರ್ತನೆ ಮುಖ್ಯ. ಅಂಥ ಕೆಲಸ ರಾಜ್ಯ ಸಕಾರ ಮಾಡುತ್ತಿದೆ. ಇಂಥ ಕೆಲಸಕ್ಕೆ ಸಾರ್ವಜನಿಕರು ಮುಂದಾಗಬೇಕು ಎಂದರು.

ಪೃಥ್ವಿ ಹೈದರಾಬಾದ ಕರ್ನಾಟಕ ಶೋಷಿತ ಮಹಿಳೆಯರ ಅಭಿವೃದ್ಧಿ ಸಂಸ್ಥೆ ಅಧ್ಯಕ್ಷ ಡಾ. ಸಂಜೀವಕುಮಾರ ನಿರ್ಮಲಕರ್ ಅಧ್ಯಕ್ಷತೆ ವಹಿಸಿದರು. ಗ್ರಾಪಂ ಅಧ್ಯಕ್ಷೆ ಮಲ್ಲಮ್ಮ ಸಾಯಬಣ್ಣ ತಳವಾರ ಅವರು ಕಾರ್ಯಕ್ರಮ ಉದ್ಘಾಟಿಸಿದರು.

ಗ್ರಾಪಂ ಕಾರ್ಯದರ್ಶಿ ದೇವರಾಜ ಪ್ರಾಸ್ತಾವಿಕವಾಗಿ ಮಾತನಾಡಿದರು. ನಿಂಗಣ್ಣಗೌಡ ಆಂದೋಲಾ, ಮಾನಪ್ಪ ದೊಡ್ಡಮನಿ, ಗೌಸ್ ಪಟೇಲ್, ರೇವಣಸಿದ್ದ ರಾಜಾಪೂರ ಸೇರಿ ಮತ್ತಿತರರು ಪಾಲ್ಗೊಂಡಿದರು.