ಸಹಶಿಕ್ಷಕಿ ಅನುರಾಧಾ ನಿವೃತ್ತಿ; ಬೀಳ್ಕೊಡುಗೆ

ಕಲಬುರಗಿ: ಇಲ್ಲಿಯ ಸಂಜೀವ ನಗರದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಸಹಶಿಕ್ಷಕಿ ಶ್ರೀಮತಿ ಅನುರಾಧಾ ಕೃಷ್ಣಾಚಾರ್ಯ ಜೋಶಿ ಮಹಾಗಾಂವಕರ್ ಅವರು ಜನವರಿ 31ರಂದು ಸೇವಾನಿವೃತ್ತಿ ಹೊಂದಿದರು.

ನಿವೃತ್ತಿ ಪ್ರಯುಕ್ತ ಶಾಲೆಯಲ್ಲಿ ಸಹೋದ್ಯೋಗಿಗಳು ಹಾಗೂ ವಿದ್ಯಾರ್ಥಿಗಳು ಬೀಳ್ಕೊಡುಗೆ ಸಮಾರಂಭ ಆಯೋಜಿಸಿ ಅನುರಾಧಾ ಜೋಶಿ-ಕೃಷ್ಣಾಚಾರ್ಯ ಜೋಶಿ ದಂಪತಿಗೆ ಸನ್ಮಾನಿಸಿ ಆತ್ಮೀಯವಾಗಿ ಬೀಳ್ಕೊಟ್ಟರು.

ಶಾಲೆಯ ಮುಖ್ಯಗುರುಗಳಾದ ರಾಮಚಂದ್ರಪ್ಪ ಪವಾರ, ಶಂಕರ ಸರಾಫ್, ಸಿದ್ದಲಿಂಗೇಶ್ವರ, ಸಹ ಶಿಕ್ಷಕಿಯರಾದ ರೇಣುಕಾ, ಲಕ್ಷ್ಮೀ, ಸರೋಜಿನಿ ಸಾಲಿಮಠ, ಮೀನಾಕ್ಷಿ, ಸುಜಾತಾ ಕುಲಕರ್ಣಿ ಅಡುಗೆ ಸಹಾಯಕರು, ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.