ವ್ಯಾಸ ಸಾಹಿತ್ಯವನ್ನು ದಾಸಸಾಹಿತ್ಯಕ್ಕೆ ಅಳವಡಿಸಿದ ಮಾಹಾಮಹಿಮರು ಶ್ರೀ ಪುರಂದರದಾಸರು

ಕಲಬುರಗಿ; ಪ್ರಶಾಂತ ನಗರದ ಶ್ರೀ ಹನುಮಾನ ಮಂದಿರದಲ್ಲಿ ದಾಸಶ್ರೇಷ್ಠ ಶ್ರೀ ಪುರಂದರದಾಸರ ಆರಾಧನೆ ವೈಭವದಿಂದ ಶುಕ್ರವಾರ ನೆರವೇರಿತು. ಬೆಳಿಗ್ಗೆ ವಿಶೇಷ ಪಂಚಾಮೃತ ಅಭಿಷೇಕ, ಪಾರಾಯಣ, ಶ್ರೀ ಪುರಂದರದಾಸರ ಭಾವಚಿತ್ರದ ಮೆರವಣಿಗೆ, ಪಲ್ಲಕ್ಕಿ ಉತ್ಸವ ನೆರವೇರಿತು.

ಈ ಸಂದರ್ಭದಲ್ಲಿ ಅರ್ಚಕರಾದ ಗುಂಡಾಚಾರ್ಯ ನರಿಬೊಳ ಮಾತನಾಡುತ್ತ ಪುರಂದರದಾಸರು ಕಠಿಣವಾದ ವೇಧ, ಶಾಸ್ತ್ರ, ಉಪನಿಷತ್ತು, ಪುರಾಣಗಳನ್ನು ಎಲ್ಲರ ಮನೆಮನೆಗೆ, ಕಲಾ ಸಾಹಿತ್ಯದ ಮೂಲಕ ತಲುಪಿಸಿದ ಮಾಹನುಭಾವರು. ದಾಸಸಾಹಿತ್ಯಕ್ಕೆ ಅಪಾರ ಕೊಡುಗೆ ನೀಡಿ ಕರ್ನಾಟಕದ ಕೀರ್ತಿಯನ್ನು ಬೆಳಗಿಸಿದರು.

ದಾಸರ ಪದಗಳನ್ನು, ಉಹಭೋಗಗಳನ್ನು ರಚಿಸಿ ಸಾಮಾನ್ಯರು ಧರ್ಮ ಮಾರ್ಗದಲ್ಲಿ ನಡೆಯುವಂತೆ ಮಾಡಿದ್ದಾರೆ ಎಂದರು. ಡಿ ವಿ ಕುಲಕರ್ಣಿ, ವೆಂಕೋಬಾಚಾರ್ಯ ಜಾಹಾಗಿರದಾರ, ಶಾಮರಾವ ಕುಲಕರ್ಣಿ, ಗುರುರಾಜ, ಹಾಗೂ ಜಯತೀರ್ಥ ಹಾಗೂ ಚಂದ್ರಲಾ ಮಹಿಳಾ ಭಜನಾ ಮಂಡಳಿಯ ಸದಸ್ಯರು ಭಾಗವಹಿಸಿಸಿದರು.