ಮನುಷ್ಯನು ಸಧೃಡವಾಗಲು ಕ್ರೀಡೆ ಅವಷ್ಯಕವಾಗಿದೆ : ಬಬ್ಲುಗೌಡ

ಸುರಪುರ: ಇಂದಿನ ಯುಗದಲ್ಲಿ ಕ್ರೀಡಾಂಗಣದಲ್ಲಿ ಯುವಕರು ಆಟವಾಡುವುದನ್ನು ಬಿಟ್ಟು ಮೋಬೈಲ್ ಗೇಮನಲ್ಲಿ ಮಗ್ನರಾಗಿದ್ದಾg. ಇದು ಮನುಷ್ಯನ ಮಾನಸಿಕ ಮತ್ತು ದೈಹಿಕವಾಗಿ ಖಿನ್ನತೆಗೊಳಪಡಿಸುತ್ತದೆ. ಅದ್ದರಿಂದ ಯುವಕರು ಮೋಬೈಲನಲ್ಲಿ ಆಡುವುದನ್ನು ಬಿಟ್ಟು ಕ್ರೀಡಾಂಗಣದಲ್ಲಿ ಆಟವಾಡುವುದು ಅವಶ್ಯಕವಾಗಿದೆ,ಇದರಿಂದ ಮಾನಸಿಕವಾಗಿ ಮತ್ತು ದೈಹಿಕವಾಗಿ ಆರೋಗ್ಯದಿಂದರಬಹುದು ಎಂದು ಶಾಸಕರ ಸಹೋದರ ಹಾಗೂ ಯುವ ಮುಖಂಡ ಹಣಮಂತ ನಾಯಕ(ಬಬ್ಲುಗೌಡ) ತಿಳಿಸಿದರು.

ನಗರದ ಹಸನಾಪುರ ಕ್ಯಾಂಪಿನ ಡಾ. ಬಾಬಾ ಸಾಹೇಬ ಅಂಬೇಡ್ಕರ ಅನುದಾನಿತ ಆಂಗ್ಲ ಮಾದ್ಯಮ ಮಸತಿ ಶಾಲೆಯ ಆವರಣದಲ್ಲಿ ನಡೆದ ತಾಲೂಕ ಮಟ್ಟದ ಪದವಿ ಪೂರ್ವ ಕಾಲೇಜುಗಳ ಕ್ರೀಡಾಕೂಟಗಳನ್ನು ಉದ್ಘಾಟಿಸಿ ಮಾತನಾಡಿದ ಅವರು,ಹಿಂದೆ ಜನರು ಗರಡಿ ಮನೆಗಳಲ್ಲಿ ಕಸರತ್ತು ನಡೆಸುವ ಜೊತೆಗೆ ಅನೇಕ ರೀತಿಯ ಆಟಗಳ ಮೂಲಕ ದೈಹಿಕ ಮತ್ತು ಮಾನಸಿಕ ನೆಮ್ಮದಿ ಪಡೆಯುತ್ತಿದ್ದರು.ಇದರಿಂದ ಅವರ ಆರೋಗ್ಯ ವೃದ್ಥಿಸಿ ಅನೇಕ ವರ್ಷಗಳ ಕಾಲ ಬದುಕುತ್ತಿದ್ದರು.ಆದರೆ ಇಂದಿನ ಪೀಳಿಗೆ ದೈಹಿಕ ಕಸರತ್ತು ನಡೆಸದೆ,ಆಟಗಳನ್ನು ಆಡದೆ ಆರೋಗ್ಯವನ್ನು ಹಾಳು ಮಾಡಿಕೊಳ್ಳುತ್ತಾರೆ.ಮೊಬೈಲ್,ಟಿ.ವಿಗಳಿಂದ ದೂರವಿದ್ದು ನಿತ್ಯ ವ್ಯಾಯಾಮ ಮತ್ತು ಆಟಗಳಲ್ಲಿ ತೊಡಗುವ ಮೂಲಕ ಸದೃಢ ಕಾಯ ಮತ್ತು ಮಾನಸಿಕ ನೆಮ್ಮದಿ ಪಡೆಯುವಂತೆ ಕಿವಿ ಮಾತು ಹೇಳಿದರು.

ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಡಾ:ಬಿ.ಆರ್.ಅಂಬೇಡ್ಕರ ವಿದ್ಯಾವರ್ಧಕ ಸಂಘದ ಅಧ್ಯಕ್ಷ ಭಿಮಣ್ಣ ಬಿಲ್ಲವ ಮಾತನಾಡಿ,ಎಲ್ಲಾ ವಿದ್ಯಾರ್ಥಿಗಳು ಆಟದಲ್ಲಿ ಸಣ್ಣ ಪುಟ್ಟ ವ್ಯತ್ಯಾಸಗಳು ಬರಬಹುದು ಅವ್ಯಾವದನ್ನು ಗಂಭೀರವಾಗಿ ತೆಗೆದುಕೊಳ್ಳದೆ ಕ್ರೀಡಾಭಿಮಾನ ಮೆರೆದು ಕ್ರೀಡಾಕೂಟ ಯಶಸ್ಸುಗೊಳಿಸುವಂತೆ ಕರೆ ನೀಡಿದರು.

ಕಾರ್ಯಕ್ರಮದ ಆರಂಭದಲ್ಲಿ ಕ್ರೀಡಾ ಧ್ವಜಾರೋಹಣ ನೆರವೇರಿಸಲಾಯಿತು.ನಂತರ ಕ್ರೀಡಾಪಟುಗಳಿಗೆ ಬಬ್ಲುಗೌಡ ಹಾಗು ಇತರೆ ಎಲ್ಲಾ ಗಣ್ಯರು ಕ್ರೀಡಾ ಜ್ಯೋತಿ ನೀಡುವ ಮೂಲಕ ಚಾಲನೆ ನೀಡಿದರು,ಕಾಲೇಜಿನ ಪ್ರಾಂಶುಪಾಲರಾದ ಗಂಗಾಧರ ರುಮಾಲ ಅಧ್ಯಕ್ಷತೆ ವಹಿಸಿದ್ದರು.ಈ ಸಂದರ್ಭದಲ್ಲಿ ಎಪಿಎಂಸಿ ಅಧ್ಯಕ್ಷ ನಿಂಗಣ್ಣ ಬಾದ್ಯಾಪುರ,ಮುಖಂಡರಾದ ಬಿ.ಎಂ.ಹಳ್ಳಿಕೋಟಿ,ಶಂಕರ ನಾಯಕ,ಶರಣು ನಾಯಕ,ಸರಕಾರಿ ನೌಕರರ ಸಂಘದ ಅಧ್ಯಕ್ಷ ಸಂಜೀವ ದರಬಾರಿ,ಭೀಮಣ್ಣ ಬೋಸಗಿ,ಸುವರ್ಣ ಎಂ.ಅರ್ಜುಣಗಿ,ನಗರಸಭೆ ಸದಸ್ಯೆ ಮುತ್ತಮ್ಮ ಅಕ್ಕಿ ಸೇರಿದಂತೆ ಅನೇಕರಿದ್ದರು.