ಶಹಾಪುರ: ಸಗರ ಗ್ರಾಂ.ಪಂ.ಅಧ್ಯಕ್ಷರಾಗಿ ಗಿರೀಶ್ ಶಿದ್ರಾ ಆಯ್ಕೆ

ಶಹಪುರ : ತಾಲೂಕಿನ ಸಗರ ಗ್ರಾಮ ಪಂಚಾಯಿತಿಯ ನೂತನ ಅಧ್ಯಕ್ಷ ಸ್ಥಾನಕ್ಕೆ ಬುಧವಾರ ನಡೆದ ಚುನಾವಣೆಯಲ್ಲಿ ಗಿರೀಶ್ ಶಿದ್ರಾ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.

ಹಿಂದಿನ ಅಧ್ಯಕ್ಷ ಸಂತೋಷಗೌಡ ಸುಬೇದಾರ್ ಅವರ ರಾಜೀನಾಮೆಯಿಂದ ತೆರವಾಗಿದ್ದ ಸ್ಥಾನಕ್ಕೆ ಇಂದು ನಡೆದ ಚುನಾವಣೆಗೆ ಗಿರೀಶ್ ಶಿದ್ರಾ ಹಾಗೂ ಮಹಮ್ಮದ್ ಇಲಿಯಾಸ್ ಅಧ್ಯಕ್ಷ ಸ್ಥಾನದ ಆಕಾಂಕ್ಷಿಗಳು ನಾಮಪತ್ರ ಸಲ್ಲಿಸಿದ್ದರು.

ಅಧ್ಯಕ್ಷ ಸ್ಥಾನಕ್ಕೆ ನಾಮಪತ್ರ ಸಲ್ಲಿಸಿದ ಇಬ್ಬರಿಗೂ ತಲಾ 18 ಮತಗಳು ಪಡೆದಿರುವ ಹಿನ್ನೆಲೆಯಲ್ಲಿ,ಇಂತಹ ಸಂದರ್ಭದಲ್ಲಿ ಸರ್ಕಾರದ ನಿಯಮಾವಳಿಗಳ ಅನುಸಾರ ಚೀಟಿ ಎತ್ತುವುದರ ಮೂಲಕ ಕೊನೆಯದಾಗಿ ಗಿರೀಶ್ ಶಿದ್ರಾ ನೂತನ ಸಗರ ಗ್ರಾಮ ಪಂಚಾಯಿತಿ ಅಧ್ಯಕ್ಷರನ್ನಾಗಿ ಚುನಾವಣಾ ಅಧಿಕಾರಿಗಳಾದ ಸೋಮಶೇಖರ್ ಬಿರಾದರ ಘೋಷಣೆ ಮಾಡಿದರು.

ಈ ಸಂದರ್ಭದಲ್ಲಿ,ಮುಖಂಡರಾದ ಭೀಮರಾಯ ಸೇರಿ,ನಾಗಣ್ಣ ಜಾಯಿ,ತಿರುಪತಿ ಹತ್ತಿಕಟಿಗಿ,ವಿಶ್ವಾರಾಧ್ಯ ದೇಸಾಯಿಮಠ,ಗಣೇಶ್ ಜಾಯಿ, ಶಿವು ಚೌಡಗುಂಡ, ಶಿವಶರಣ ಕೂಡ್ಲೂರು,ಹಾಗೂ ಪೊಲೀಸ್ ಇಲಾಖೆಯ ಸಿಬ್ಬಂದಿಗಳು ಸೇರಿದಂತೆ ಗ್ರಾಮದ ಹಿರಿಯರು ಕಿರಿಯರು ಉಪಸ್ಥಿತರಿದ್ದರು.