ತೋಂಟದಾರ್ಯ ಸಹಕಾರಿ ಸಂಘದ ಸಭೆ

ಕಲಬುರಗಿ: ಶ್ರೀ ಜಗದ್ಗುರು ತೋಂಟದಾರ್ಯ ಶಿಕ್ಷಣ ಸಂಸ್ಥೆಗಳ ನೌಕರರ ಪತ್ತಿನ ಸಹಕಾರಿ ಸಂಘದ ಗದಗಿನ 23ನೇಯ ವಾರ್ಷಿಕ ಮಹಾಸಭೆ ನಗರದ ಬಸವೇಶ್ವರ ಕಲಾ ಮತ್ತು ವಾಣಿಜ್ಯ ಮಹಾವಿದ್ಯಾಲಯದಲ್ಲಿ ಅದ್ದೂರಿಯಾಗಿ ನಡೆಯಿತು.

ಕಾರ್ಯಕ್ರಮಕ್ಕೆ ಸಂಸ್ಥಾಪಕ ಅಧ್ಯಕ್ಷರಾದ ಸೇವಾರತ್ನ, ಶಿಕ್ಷಣ ತಜ್ಞ ಪ್ರೊಫೆಸರ್ ಎಸ್. ಎಸ್. ಪಟ್ಟಣಶೆಟ್ಟಿ ದೀಪ ಬೆಳಗಿಸುವ ಮೂಲಕ ಚಾಲನೆ ನೀಡಿ ಮಾತನಾಡಿದರು.

ಕಳೆದ ವರ್ಷ ಇದ್ದ ಸದಸ್ಯರಿಗಿಂತ ಈ ವರ್ಷದಲ್ಲಿ ಸದಸ್ಯರ ಸಂಖ್ಯೆ ಹೆಚ್ಚಾಗುತ್ತಾ ಸಾಗುವುದನ್ನು ಗಮನಿಸಿದರೆ ಸದಸ್ಯರ ನಂಬಿಕೆ ಹಾಗೂ ವಿಶ್ವಾಸವು ಸಂಘದ ಮೇಲೆ ಅಧಿಕವಾಗಿರುವುದನ್ನು ಪ್ರತಿಬಿಂಭಿಸುತ್ತದೆ. ಸಂಸ್ಥೆಯ ನೌಕರರ ಸಹಕಾರದಿಂದ ನಮ್ಮ ಸಂಘವು ವರ್ಷದಿಂದ ವರ್ಷಕ್ಕೆ ಪ್ರಗತಿ ಹೊಂದಿರುವುದು ಅಭಿನಂದನೀಯವಾದ ವಿಷಯವಾಗಿದೆ ಎಂದರು.

ಈ ವಿಷಯದ ಸಲುವಾಗಿ ನಾನು ಸಂಘದ ಆಡಳಿತ ಮಂಡಳಿ ಪರವಾಗಿ ಸರ್ವ ಸದಸ್ಯರಿಗೂ ಹೃತ್ತೂರ್ವಕ ಅಭಿನಂದನೆಗಳನ್ನು ಸಲ್ಲಿಸುತ್ತೇನೆ ನಮ್ಮ ಸಹಕಾರ ಸಂಘಕ್ಕೆ ಪ್ರೇರಕ ಶಕ್ತಿ ತ್ರಿವಿಧ ದಾಸೋಹ ಮೂರ್ತಿಗಳಾದ ಪೂಜ್ಯ ಲಿಂ. ಶ್ರೀ ಮನ್ನಿರಂಜನ ಜಗದ್ಗುರು ಡಾ. ತೋಂಟದ ಸಿದ್ಧಲಿಂಗ ಮಹಾಸ್ವಾಮಿಗಳವರ ಆಶೀರ್ವಾದವಿದ್ದು ಪೂಜ್ಯರು ಲಿಂಗೈಕ್ಯ ಆದ ನಂತರದ ಅವಧಿಯಲ್ಲಿ ಈಗಿನ ಪೀಠಾಧಿಪತಿಗಳಾದ ಪೂಜ್ಯಶ್ರೀ ಡಾ॥ ತೋಂಟದ ಸಿದ್ಧರಾಮ ಮಹಾಸ್ವಾಮಿಗಳವರ ಮಾರ್ಗದರ್ಶನದಲ್ಲಿ ಸಂಘವು ದಿನದಿಂದ ದಿನಕ್ಕೆ ಪ್ರಗತಿ ಪಥದಲ್ಲಿ ಸಾಗುತ್ತಿದೆ, ಸಂಘದ ಎಲ್ಲಾ ವ್ಯವಹಾರವು ಲಾಭದಾಯಕವಾಗಿ, ಸೇವಾದಾಯಕವಾಗಿ, ತೃಪ್ತಿದಾಯಕವಾಗಿ ಹಾಗೂ ಪಾರದರ್ಶಕವಾಗಿದೆ ಎಂದು ಗುರುಸಾರ್ವಭೌಮ, ಸೇವಾರತ್ನ ಎಸ್ ಎಸ್ ಪಟ್ಟಣ ಶೆಟ್ಟರು ಹೇಳಿದರು.

ಈ ಸಂದರ್ಭದಲ್ಲಿ ನೌಕರ ಸಂಘದ, ಶಂಕರ ನಿಂಗಪ್ಪ ಕಲ್ಲಿಗನೂರ, ಮಲಕಪ್ಪ ಶಿವಪ್ಪ ಅಂಗಡಿ, ಶಿವರಾಚಯ್ಯ ಎಸ್.ಎಂ., ಶಿವಪ್ಪ ಬಸಪ್ಪ ಹೂಗಾರ, ಗುರುರಾಜ ಮೇಲಪ್ಪ ಕೊಟ್ಯಾಳ, ಡಾ. ಶರಣಬಸಪ್ಪ ಶ್ರೀಶೈಲಪ್ಪ ಅಂಗಡಿ, ವಿಜಯಕುಮಾರ ಶಿವಪ್ಪ ಮಾಲಗಿತ್ತಿ, ಕೊಟ್ರಪ್ಪ ದಾನಪ್ಪ ಮೆಣಸಿನಕಾಯಿ, ಮಂಜುನಾಥ ಕಳಕಪ್ಪ ಕಂಡಕಿ, ಯೊಗೇಶಕುಮಾರ ಶಿವಪ್ಪ ಮತ್ತೂರ , ಲಚಮಪ್ಪ ರಾಮಪ್ಪ ಬಸಾಪೂರ, ಚನ್ನಪ್ಪ ಶರಣಪ್ಪ ದೇಸಾಯಿ, ಹನಮಂತಪ್ಪ ಎನ್. ಕೆಲೂರ, ಉಮೇಶ ಶರಣಪ್ಪ ಉಪ್ಪಿನಬೆಟಗೇರಿ, ಮಂಜುನಾಥ ಬಾಲಚಂದ್ರ ಉತ್ತರಕರ, ಬಸವರಾಜ ಮಲ್ಲಪ್ಪ ಗೆದಗೇರಿ, ಸರಸ್ವತಿ ಬಸಪ್ಪ ಗಾಣಿಗೇರ, ಅನ್ನಪೂರ್ಣಾ ಭೀಮಪ್ಪ ಬೇವಿನಕಟ್ಟಿ., ಪ್ರೊಫೆಸರ್ ಎಸ್.ಎಸ್. ಪಟ್ಟಣ ಶೆಟ್ಟರ್ ಶಿಷ್ಯ ಬಳಗ, ಅಭಿಮಾನಿ ಬಳಗ ಸೇರಿ ಮುಂತಾದವರು ಉಪಸ್ಥಿತರಿದ್ದರು.