ಕ್ರೀಡೆಯಲ್ಲಿ ಸೋಲು ಗೆಲುವಿಗಿಂತ ಭಾಗವಹಿಸುವುದು ಮುಖ್ಯ; ಶಾಸಕ ಆರ್.ವಿ.ಎನ್

ಸುರಪುರ: ಕ್ರೀಡೆಗಳಲ್ಲಿ ಸೋಲು ಗೆಲುವು ಎನ್ನುವುದು ಸಹಜ ಆದರೆ ಭಾಗವಹಿಸುವುದು ಮುಖ್ಯವಾಗಿದೆ ಎಂದು ಶಾಸಕ ರಾಜಾ ವೇಣುಗೋಪಾಲ ನಾಯಕ ತಿಳಿಸಿದರು.

ನಗರದ ತಾಲೂಕ ಕ್ರೀಡಾಂಗಣದಲ್ಲಿ ಶಾಲಾ ಶಿಕ್ಷಣ ಇಲಾಖೆ ಯಾದಗಿರಿ ವತಿಯಿಂದ ಪದವಿ ಪೂರ್ವ ಕಾಲೇಜುಗಳ ತಾಲೂಕ ಮಟ್ಟದ ಕ್ರೀಡಾಕೂಟ ಉದ್ಘಾಟಿಸಿ ಮಾತನಾಡಿ,ವಿದ್ಯಾರ್ಥಿಗಳಿಗೆ ಓದಿನಷ್ಟೆ ಕ್ರೀಡೆಯು ಕೂಡ ಮುಖ್ಯವಾಗಿದೆ,ದೈಹಿಕ,ಮಾನಸಿಕ ಹಾಗೂ ಬೌದ್ಧೀಕ ಬೆಳವಣಿಗೆಗೆ ಕ್ರೀಡೆ ಸಹಕಾರಿಯಾಗಿದೆ.

ಇಂದು ಕ್ರೀಡಾಕೂಟದಲ್ಲಿ ಭಾಗವಹಿಸಿರುವ ಎಲ್ಲಾ ಕ್ರೀಡಾಪಟುಗಳು ಸೋಲು-ಗೆಲುವು ಸಮಾನವಾಗಿ ಸ್ವೀಕರಿಸಿ,ಕ್ರೀಡೆಯಲ್ಲಿ ಭಾಗವಹಿಸಲು ಪರಿಶ್ರಮ ತುಂಬಾ ಮುಖ್ಯವಾದುದು,ಪರಿಶ್ರಮ ದಿಂದ ಗೆಲುವು ಸಾಧ್ಯವಾಗಲಿದೆ.ಆದ್ದರಿಂದ ಸೋತೆವು ಎಂದು ಎದೆಗುಂದದೆ ಹಾಗೂ ಯಾವುದೇ ವಿವಾದಕ್ಕೆ ಅವಕಾಶ ನೀಡದೆ ಎಲ್ಲರು ಕ್ರೀಡೆಗಳಲ್ಲಿ ಪಾಲ್ಗೊಳ್ಳುವಂತೆ ತಿಳಿಸಿದರು.

ಇದೇ ಸಂದರ್ಭದಲ್ಲಿ ಕ್ಷೇತ್ರ ಶಿಕ್ಷಣಾಧಿಕಾರಿ ಯಲ್ಲಪ್ಪ ಕಾಡ್ಲೂರ,ಅಧ್ಯಕ್ಷತೆ ವಹಿಸಿದ್ದ ಬಾಲಕರ ಸರಕಾರಿ ಪದವಿ ಪೂರ್ವ ಕಾಲೇಜಿನ ಪ್ರಾಚಾರ್ಯ ಸೋಪಿಸಾಬ್ ಗುತ್ತೇದಾರ ಕ್ರೀಡಾಕೂಟದ ಕುರಿತು ಮಾತನಾಡಿದರು.ನಂತರ ವಾಲಿಬಾಲ್ ಆಡುವ ಮೂಲಕ ಶಾಸಕರು ಕ್ರೀಡೆಗೆ ಚಾಲನೆ ನೀಡಿದರು.

ಈ ಸಂದರ್ಭದಲ್ಲಿ ಯೂತ್ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ರಾಜಾ ಕುಮಾರ ನಾಯಕ,ಮುಖಂಡರಾದ ವೆಂಕೋಬ ಯಾದವ್,ಗುಂಡಪ್ಪ ಸೋಲಾಪುರ,ಬಸವರಾಜ ಇನಾಂದಾರ್,ದೊಡ್ಡ ದೇಸಾಯಿ ದೇವರಗೋನಾಲ ಹಾಗೂ ಸರಕಾರಿ ನೌಕರರ ಸಂಘದ ತಾ.ಅಧ್ಯಕ್ಷ ಸಂಜೀವ್ ದರಬಾರಿ ವಿವಿಧ ಕಾಲೇಜುಗಳ ಪ್ರಾಂಶುಪಾಲರಾದ ಸ.ಪ್ರ.ದ.ಕಾಲೇಜು ಸರುರಪುರ ಪ್ರಾಂಶುಪಾಲರಾದ ಆನಂದಕುಮಾರ ಜೋಶಿ,ಬಾಲಕಿಯರ ಪ.ಪೂ.ಕಾಲೇಜ್ ಸುರಪುರ ಪ್ರಾಚಾರ್ಯ ಬಸವರಾಜ ಇನಾಂದಾರ, ಕಕ್ಕೇರಾ ಸ.ಪ.ಪೂ ಕಾಲೇಜಿನ ಪ್ರಾಚಾರ್ಯ ಭೀಮಪ್ಪ ಬೋಸಗಿ,ಕ.ಪ.ಶಾ.ರಂಗಂಪೇಟೆ ಪ್ರಾಚಾರ್ಯ ಬಸವರಾಜ ಕೊಡೇಕಲ್,ಅರುಂಧತಿ ಪ.ಪೂ.ಕಾಲೇಜ್ ಪ್ರಾಚಾರ್ಯ ಕೆ.ಎಲ್.ಚವ್ಹಾಣ್,ಪ್ರಭು ಕಾಲೇಜ್ ಪ್ರಾಚಾರ್ಯ ಪ್ರಶಾಂತ ಪಾಟೀಲ್,ಸ್ವಾಮಿ ವಿವೇಕಾನಂದ ಪ.ಪೂ.ಕಾಲೇಜ್ ಪ್ರಾಚಾರ್ಯ ಶರಣು ನಾಯಕ ವೇದಿಕೆಯಲ್ಲಿ ಉಪಸ್ಥಿತರಿದ್ದರು.

ಉಪನ್ಯಾಸಕ ಮಲ್ಲು ಕೆ.ಸಿ.ಪಿ ನಿರೂಪಿಸಿದರು, ದೈಹಿಕ ಶಿಕ್ಷಕ ಲಕ್ಷ್ಮಣ ಸ್ವಾಗತಿಸಿದರು,ಉಪನ್ಯಾಸಕ ಅಂಬ್ರೇಶ ವಂದಿಸಿದರು.ನಂತರ ವಿವಿಧ ಕಾಲೇಜುಗಳ ವಿದ್ಯಾರ್ಥಿಗಳಿಂದ ವಿವಿಧ ಕ್ರೀಡೆಗಳನ್ನು ಆಡಿಸಲಾಯಿತು.