ದಸರಾ ಸಂಭ್ರಮದಲ್ಲಿ ಮಿಂಚಿದ ಮಹಿಳೆಯರು

ಶಹಾಪುರ : ತಾಲೂಕಿನ ಹೊಸೂರು ಗ್ರಾಮದಲ್ಲಿ ಶುಕ್ರವಾರದಂದು ವಿವಿಧ ಸ್ಥಳಗಳಲ್ಲಿ ಅಂಬಾಭವಾನಿ, ಮಹಾಲಕ್ಷ್ಮಿ, ಚಾಮುಂಡೇಶ್ವರಿ,ಮೂರ್ತಿಗಳಿಗೆ ಪೂಜೆ ಸಲ್ಲಿಸಿ ಭಕ್ತಿ ಅರ್ಪಿಸುವುದರ ಮೂಲಕ ಮಹಿಳೆಯರು ದಸರಾ ಹಬ್ಬವನ್ನು ಸಂಭ್ರಮದಿಂದ ಆಚರಿಸಿದರು.

ಪ್ರಮುಖ ಸ್ಥಳಗಳಲ್ಲಿ ದೇವಿ ಮೂರ್ತಿ ಮೂರ್ತಿಯನ್ನು ಪ್ರತಿಷ್ಠಾಪಿಸಿ 9 ದಿನಗಳ ಕಾಲ ವಿಶೇಷ ಪೂಜೆ ಸಲ್ಲಿಸುವುದರ ಜೊತೆಗೆ,ಸಡಗರ ಸಂಭ್ರಮ ಮನೆ ಮಾಡಿತ್ತು ಅದಲ್ಲದೆ ದಿನಾಲು ಸಾಯಂಕಾಲ ವಿವಿಧ ರೀತಿಯ ಕಲೆಗಳಾದ ಕೋಲಾಟ, ಭಜನೆ,ಹಾಗೂ ಹಲವಾರು ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗಿದವು. ನೆರೆದಿದ್ದ ಸಭೀಕರನ್ನ ಮನಸೋರೆ ಗೊಳಿಸಿದವು.

ಆಯುಧ ಪೂಜೆಯ ದಿನದಂದು, ಗ್ರಾಮದ ಮಹಿಳೆಯರು,ಹೊಸ ಹೊಸ ಸೀರೆಗಳನ್ನುಟ್ಟು ದೇವತೆಗೆ ಹೂವು ಹಣ್ಣು ಕಾಯಿಗಳು ಖರೀದಿಸಿ,ಪೂಜೆಗೆ ಆಗಮಿಸಿದ್ದರು ಈ ಸಂದರ್ಭದಲ್ಲಿ ಹೊಸ ಉಡುಗೆ ತೊಟ್ಟು ಮಕ್ಕಳು ಕೂಡ ಸಂಭ್ರಮಿಸಿದರು.ಹಿಂದುಗಳಿಗೆ ವಿಜಯದಶಮಿ ಹಬ್ಬವಾಗಿ ಪರಿಣಮಿಸಿದೆ ಎಂದು ಹೇಳಿದರು.