3ನೇ ಕಲ್ಯಾಣ ಕರ್ನಾಟಕ ಗಡಿನಾಡು ಕನ್ನಡ ಸಾಹಿತ್ಯ ಸಮ್ಮೇಳನ ಸರ್ವಾಧ್ಯಕ್ಷರಾಗಿ ಹಿರಿಯ ಕವಯತ್ರಿ ಡಾ. ಚಂದ್ರಕಲಾ ಬಿದರಿ ಆಯ್ಕೆ

ಕಲಬುರಗಿ: ಶ್ರೀ ಚನ್ನಕೇಶ್ವರ ಶಿಕ್ಷಣ ಮತ್ತು ಗ್ರಾಮೀಣ ಅಭಿವೃದ್ಧಿ ಟ್ರಸ್ಟ್ ಸಂಚಾಲಿತ ಶ್ರೀ ಕೇಶವ ಸೆಂಟ್ರಲ್ ಸ್ಕೂಲ್ ಮೇದಕ ಇವರ ವತಿಯಿಂದ ಆಯೋಜಿಸುವ ಶ್ರೀ ಚನ್ನಕೇಶ್ವರ ಉತ್ಸವ-೨೦೧೯ ರ ನಿಮಿತ್ತ ಏರ್ಪಡಿಸುವ 3ನೇ ಕಲ್ಯಾಣ ಕರ್ನಾಟಕ ಗಡಿನಾಡು ಕನ್ನಡ ಸಾಹಿತ್ಯ ಸಮ್ಮೇಳನದ ಸರ್ವಾಧ್ಯಕ್ಷರಾಗಿ ಸೇಡಂನ ಹಿರಿಯ ಕವಯತ್ರಿ  ಡಾ. ಚಂದ್ರಕಲಾ ಬಿದರಿ ಸರ್ವಾನುಮತದಿಂದ ಟ್ರಸ್ಟಿನ ಪದಾಧಿಕಾರಿಗಳು ಮತ್ತು ಸಂಸ್ಥೆಯ ಸಂಸ್ಥಾಪಕರು ಮತ್ತು ಮಾರ್ಗದರ್ಶಕರಾದ ಕೆ.ಮೊಗುಲಪ್ಪ ಯಾನಾಗುಂದಿ ಇವರ ಸಮ್ಮುಖದಲ್ಲಿ ಆಯ್ಕೆ ಮಾಡಲಾಗಿದೆ ಎಂದು ಸಂಸ್ಥೆಯ ಗೌರವಾಧ್ಯಕ್ಷರಾದ ಭೀಮಶಪ್ಪ ಪೂಜಾರಿ ತಿಳಿಸಿದ್ದಾರೆ.

೩ನೇ ಕಲ್ಯಾಣ ಕರ್ನಾಟಕ ಗಡಿನಾಡು ಕನ್ನಡ ಸಾಹಿತ್ಯ ಸಮ್ಮೇಳನವನ್ನು ಅಕ್ಷರಧಾಮ ಮೇದಕನಲ್ಲಿ ಪ್ರತಿ ವರ್ಷದಂತೆ ಸಮ್ಮೇಳವನ್ನು ಈ ವರ್ಷವೂ ಸಹಿತ ಫೆಬ್ರವರಿ ೧ರಂದು  ಮಾಡಲು ಸಭೆಯಲ್ಲಿ ನಿರ್ಣಯಿಸಲಾಯಿತು. ಸಮ್ಮೇಳನದ ಪೂರ್ವ ಸಿದ್ದತೆಗಳ ಕುರಿತು ಈಗಾಗಲೆ ಹವಾರು ಸುತ್ತಿನ ಸಭೆಗಳನ್ನು ಮಾಡಿ ಸಮ್ಮೇಳನಕ್ಕೆ ಬೇಕಾಗುವ ಎಲ್ಲಾ ಪೂರ್ವ ತಯಾರಿಗಳನ್ನು ಮಾಡಿಕೊಳ್ಳಲಾಗಿದೆ ಎಂದು ಅವರು ಹೇಳಿದರು.

ಸಮ್ಮೇಳನ ಸ್ವಾಗತ ಸಮಿತಿಯ ಅಧ್ಯಕ್ಷೃರು ಮತ್ತು ಜಿಲ್ಲಾ ಪಂಚಾಯತಿ ಸದಸ್ಯರಾದ ದಾಮೋಧರ ರೆಡ್ಡಿ ಪಾಟೀಲ್, ಮೇದಕ ಗ್ರಾಮ ಪಂಚಾಯತಿಯ ಅಧ್ಯಕ್ಷರಾದ ಬನ್ನಮ್ಮ ಭೀಮಶಪ್ಪ ನಾಯಿಕಿನ್, ಯುವ ಮುಖಂಡರಾದ  ಸುಭಾಶ ಸಜ್ಜನ್ ಮತ್ತು ಚನ್ನಪ್ಪ ದೊಬ್ಬಲಿ ಪತ್ರಕರ್ತರಾದ ಚನ್ನಕೇಶವುಲು ಗೌಡ್ , ಶ್ರೀ ಕೇಶವ ಸೆಂಟ್ರಲ್ ಸ್ಕೂಲ್‌ನ ಮುಖ್ಯ ಶಿಕ್ಷಕರಾದ ಮಲ್ಲಪ್ಪ ಪೂಜಾರಿ ಸಮ್ಮೇಳನ ಉಸ್ತುವರಿ ನರಸಪ್ಪ ಅನ್ನಸಾರಮ್ ಹಾಗೂ ಮಹಾದೇವ ಅಲ್ಲೂರ್ ಮತ್ತು ಹಲವಾರು ಜನ ಶಿಕ್ಷಕ ವೃಂದದವರು ಸಭೆಯಲ್ಲಿ ಉಪಸ್ಥಿತರಿದ್ದರು.