ಕಾರ್ಮಿಕರು ಸರಕಾರದ ಸೌಲಭ್ಯಗಳನ್ನು ಪಡೆದುಕೊಳ್ಳಿ

ಸುರಪುರ: ಜಗತ್ತಿನ ಎಲ್ಲಾ ರಂಗಗಳಿಗಿಂತಲು ಕಾರ್ಮಿಕ ರಂಗವು ತುಂಬಾ ಮುಖ್ಯವಾದುದಾಗಿದೆ.ಇಂದು ಜಗತ್ತು ನಡೆಯುತ್ತಿದೆ ಎಂದರೆ ಅದಕ್ಕೆ ಕಾರ್ಮಿಕರ ಶ್ರಮವೆ ಮುಖ್ಯವಾದುದಾಗಿದೆ ಎಂದು ಜೆಡಿಎಸ್ ರಾಜ್ಯ ಸಂಘಟನಾ ಕಾರ್ಯದರ್ಶಿ ಉಸ್ತಾದ ವಜಾಹತ್ ಹುಸೇನ ಮಾತನಾಡಿದರು.

ನಗರದ ಉಸ್ತಾದ ಮಂಜಿಲನಲ್ಲಿ ಹಮ್ಮಿಕೊಂಡಿದ್ದ ವಿಶ್ವ ಕಾರ್ಮಿಕರ ದಿನಾಚರಣೆಯ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ,ಕಾರ್ಮಿಕರಿಗೆ ಸರಕಾರಗಳು ಅನೇಕ ಸೌಲಭ್ಯಗಳನ್ನು ನೀಡುತ್ತಿದೆ.ಅವುಗಳನ್ನು ಎಲ್ಲಾ ಕಾರ್ಮಿಕರು ಪಡೆದುಕೊಂಡು ಸಬಲರಾಗುವಂತೆ ಕರೆ ನೀಡಿದರು.

ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಹೆ.ಡಿ.ಕುಮಾರಸ್ವಾಮಿ ಅಭಿಮಾನಿಗಳ ಸಂಘದ ರಾಜ್ಯಾಧ್ಯಕ್ಷ ವೆಂಕೋಬ ದೊರೆ ತನಾಡಿ,ಪ್ರತಿಯೊಬ್ಬ ಕಾರ್ಮಿಕನು ಸರಕಾರ ನೀಡುವ ಗುರುತಿನ ಚೀಟಿ ಪಡೆಯಬೇಕು.ಅದರಿಂದ ಸರಕಾರದ ಹಲವಾರು ಸೌಲಭ್ಯಗಳು ಪಡೆಯಲು ಅನುಕೂಲವಿದೆ.ಆದರೆ ಎಷ್ಟೊ ಜನ ಅಸಂಘಟಿತ ಕಾರ್ಮಿಕರಿಗೆ ಸರಕಾರದ ಸೌಲಭ್ಯಗಳು ದೊರೆಯುವ ಬಗ್ಗೆ ಮಾಹಿತಿ ಇರುವುದಿಲ್ಲ ಅಂತವರಿಗೆ ಸಂಘ ಸಂಸ್ಥೆಗಳು ಅರಿವು ಮೂಡಿಸುವ ಜೊತೆಗೆ ಗುರುತಿನ ಚೀಟಿಗಳ ಮಾಡಿಸಿ ಕೊಟ್ಟಲ್ಲಿ ಅನುಕೂಲವಾಗಕಿದೆ ಎಂದರು.

ಕಾರ್ಮಿಕ ಮುಖಂಡರಾದ ರಾಜು ಕಲಾಲ,ಜೆಡಿಎಸ್ ಮುಖಂಡ ತಿಪ್ಪಣ್ಣ ಪಾಟೀಲ,ಕೃಷ್ಣ ಮಾತನಾಡಿದರು.ಕಾರ್ಯಕ್ರಮದಲ್ಲಿ ನಾಗಮ್ಮ ಕುಂಬಾರ,ನಜೀರ್ ಅಹ್ಮದ್,ಮಹ್ಮದ ಜಾಫರ್,ಗೋಪಾಲ ಬಾಗಲಕೋಟೆ,ಅಂಬಣ್ಣ ನಾಯಕ,ಕೃಷ್ಣಾ ಕಕ್ಕೇರಾ,ಶರಫುದ್ದೀನ್,ಗೌಸ್ ಸಾಹುಕಾರ,ಅಬ್ದುಲ್ ಹಮೀದ್ ಮುಲ್ಲಾ,ಸರ್ದಾರ ಪಟೇಲ್ ಇತರರಿದ್ದರು.