ತಾಲ್ಲುಕು ನೇಕಾರರ ಸಹಕಾರ ಸೌಹಾರ್ಧ ಪ್ರಾರಂಭ

ಸುರಪುರ: ಯಾವುದೆ ಸಮುದಾಯದ ಅಭಿವೃಧ್ಧಿಗೆ ಸಹಕಾರಿ ಸಂಘದ ಅವಶ್ಯಕತೆ ತುಂಬಾ ಇದೆ ಎಂದು ನೇಕಾರರ ಸಹಕಾರಿ ಸೌಹಾರ್ಧದ ಅಧ್ಯಕ್ಷ ವೀರಸಂಗಪ್ಪ ಹಾವೇರಿ ಮಾತನಾಡಿದರು.

ನಗರದ ತಿಮ್ಮಾಪುರದಲ್ಲಿರುವ ಚೌಡೇಶ್ವರಿ ದೇವಸ್ಥಾನದಲ್ಲಿ ನಡೆದ ಪೂರ್ವಭಾವಿ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿ,ಇಂದು ನಮ್ಮ ನೇಕಾರ ಸಮುದಾಯ ಹಲವಾರು ಸಮಸ್ಯೆಗಳನ್ನು ಹೆದರಿಸುತ್ತಿದೆ.ಅಲ್ಲದೆ ಬಡ ಜನತೆಯ ಏಳಿಗೆಗೆ ಆರ್ಥಿಕ ನೆರವು ಅವಶ್ಯಕವಾಗಿದ್ದು,ಆ ನಿಟ್ಟಿನಲ್ಲಿ ನೇಕಾರರ ಸಹಕಾರಿ ಸಂಘ ಕೆಲಸ ಮಾಡಲಿದೆ ಎಂದರು.

ಸಹಕಾರಿ ಸಂಘದ ಉಪಾಧ್ಯಕ್ಷರಾಗಿ ಆಯ್ಕೆಯಾದ ಚೆನ್ನಮಲ್ಲಿಕಾರ್ಜುನ ಗುಂಡಾನೋರ ಮಾತನಾಡಿ,ಸಮುದಾಯದ ಎಲ್ಲರು ಒಗ್ಗಟ್ಟಿನಿಂದ ಸಹಕಾರಿ ಸಂಘವನ್ನು ಬೆಳೆಸೋಣ,ಇದರ ಮೂಲಕ ನಮ್ಮಲ್ಲಿಯ ಬಡ ಜನರ ಆರ್ಥಿಕ ಬಲವರ್ಧನೆಗೆ ಅನುಕೂಲ ಕಲ್ಪಿಸುವುದರ ಜೊತೆಗೆ ರಾಜ್ಯದಲ್ಲಿ ಮಾದರಿ ಸಹಕಾರಿ ಸಂಘವನ್ನಾಗಿ ಬೆಳೆಸೋಣ ಎಂದರು.

ಪೂರ್ವಭಾವಿ ಸಭೆಯ ಆರಂಭದಲ್ಲಿ ತಾಲ್ಲುಕು ನೇಕಾರರ ಸೌಹಾರ್ಧ ಸಹಕಾರಿ (ನಿ) ಸುರಪುರ ಎಂಬ ನಾಮಫಲಕ ಅನಾವರಣಗೊಳಿಸುವ ಜೊತೆಗೆ ನೇಕಾರ ಸಮುದಾಯದ ಶರಣ ದೇವರ ದಾಸಿಮಯ್ಯನವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಮಾಲಾರ್ಪಣೆ ಮಾಡಲಾಯಿತು.ನಂತರ ಸಹಕಾರಿ ಸಂಘದ ಪದಾಧಿಕಾರಿಗಳನ್ನಾಗಿ ಅಧ್ಯಕ್ಷ ವೀರಸಂಗಪ್ಪ ಹಾವೇರಿ,ಉಪಾಧ್ಯಕ್ಷ ಚೆನ್ನಮಲ್ಲಿಕಾರ್ಜುನ ಗುಂಡಾನೋರ ಹಾಗು ಹನ್ನೊಂದು ಜನ ನಿರ್ದೇಶಕರನ್ನು ಹಾಗು ವ್ಯವಸ್ಥಾಪಕರನ್ನಾಗಿ ಸಂಗಣ್ಣ ಶಿರಗೊಳರನ್ನು ನೇಮಕಗೊಳಿಸಿ,ಈ ತಿಂಗಳ ಹದಿನೇಳನೆ ತಾರೀಖಿನಂದು ಸಹಕಾರಿ ಸಂಘದ ಉದ್ಘಾಟನೆ ನಡೆಸಲು ಘೋಷಿಸಲಾಯಿತು.

ಈ ಸಂದರ್ಭದಲ್ಲಿ ಮುಖಂಡರಾದ ನಿಂಗಣ್ಣ ರಾಯಚೂರಕರ್,ಶ್ರೀನಿವಾಸ ಪಾಣಿಭಾತೆ,ಹಣಮೆಗೌಡ ಪೊಲೀಸ್ ಪಾಟೀಲ,ಮಲ್ಲಿಕಾರ್ಜುನ ಚೆಟ್ಟಿ,ಶ್ರೀನಿವಾಸ ಬಲಪುರ,ಬಸವರಾಜ ಕೆಂಡದ,ಬಸವರಾಜ ಜಾಲಿಗಿಡ,ಚೆನ್ನಪ್ಪ ಕಡದರಾಳ,ಹಣಮೇಶ ಹಾವೇರಿ,ನಾಗಮ್ಮ ಜಾಲಿಗಿಡ,ಆನಂದಮ್ಮ ದಾಸರ ಸೇರಿದಂತೆ ಅನೇಕರಿದ್ದರು.