ಕಾರುಗಳ ಡಿಕ್ಕಿ ಬೆಂಕಿಗಾಹುತಿಯಾದ ಸ್ವಿಫ್ಟ್

ಸುರಪುರ: ಎರಡು ಕಾರುಗಳ ಮುಖಾಮುಖಿ ಡಿಕ್ಕಿಯಾಗಿ ಸ್ವಿಫ್ಟ್ ಕಾರೊಂದು ಹೊತ್ತಿ ಉರಿದ ಘಟನೆ ಸುರಪುರದ ಕುಂಬಾರಪೇಟೆ ಕ್ರಾಸ್ ಬಳಿಯ ಬೀದರ್ ಬೆಂಗಳೂರು ಹೆದ್ದಾರಿಯಲ್ಲಿ ನಡೆದಿದೆ.

ಕಾರು ಡಿಕ್ಕಿಯಿಂದ ಇನ್ನೊಂದು ಕಾರು ಬೆಂಕಿಗಾಹುತಿಯಾಗಿದ್ದು ಕಾರಿನಲ್ಲಿದ್ದ 5 ಜನರು ಗಾಯಗೊಂಡಿದ್ದು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.ಗಾಯಗೊಂಡ ಐವರನ್ನು ಸುರಪುರ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಜಖಂಗೊಂಡಿರುವ ಕ್ರೇಟಾ ಕಾರು ತಾಲೂಕಿನ ಪೇಠ ಅಮ್ಮಾಪುರ ಗ್ರಾಮದ ಮುಖಂಡರಾದ ಕುಮಾರಸ್ವಾಮಿ ಗುಡ್ಡಡಗಿ ಎಂಬುವವರಿಗೆ ಸೇರಿದ್ದಾಗಿದೆ ಇನ್ನೊಂದು ಕಾರು ಶಹಾಪುರದವರಿಗೆ ಸೇರಿದ್ದೆಂದು ಮಾಹಿತಿ ಇದ್ದು ಹೆಚ್ಚಿನ ವಿವರ ತಿಳಿಯಬೇಕಾಗಿದೆ.

ಸ್ಥಳಕ್ಕೆ ಸುರಪುರ ಠಾಣೆ ಪೊಲೀಸ್ ಇನ್ಸ್ಪೆಕ್ಟರ್ ಆನಂದರಾವ್ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.