ಸದ್ಯ ದಿನೇಶ ಗುಂಡೂರಾವ್ ಅವರೇ ನಮ್ಮ ನಾಯಕ: ಡಿ.ಕೆ ಶಿವಕುಮಾರ

ಕಲಬುರಗಿ: ಮನಸ್ಸಿದ್ದಲ್ಲಿ ಮಾರ್ಗವಿದೆ ಭಕ್ತಿಯಿದ್ದಲ್ಲಿ ಬಗವಂತ ಇದ್ದಾನೆ ಹೀಗಾಗಿ ಅನೇಕ ದೇವಸ್ಥಾನಗಳಿಗೆ ಭೇಟಿ ನೀಡಿ, ದರ್ಶನ ಪಡೆಯುತ್ತಿದ್ದೇನೆ ಎಂದು ಕಾಂಗ್ರೆಸ್ ನಾಯಕ ಡಿ.ಕೆ ಶಿವಕುಮಾರ ಹೇಳಿದ್ದಾರೆ.

ಇಂದು ಕಲಬುರಗಿ ನಗರದ ವಿಮಾನ ನಿಲ್ದಾಣದಲ್ಲಿ ಪತ್ರಕರ್ತರೊಂದಿಗೆ ಮಾತನಾಡಿದ ಅವರು ಗೋನಾಳೆ ಜಾತ್ರೆಗೆ ಬರೋದಾಗಿ ಹರಕೆ ಹೊತ್ತುಕೊಂಡಿದ್ದೆ ಆದ್ರೆ ಬರಲಿಕ್ಕೆ ಆಗಿರಲಿಲ್ಲಾ ಹೀಗಾಗಿ ಈ ಬಾರಿ ಬಂದು ಹರಕೆ ತೀರಿಸ್ತಿದ್ದೇನೆ ಎಂದು ಸ್ಪಷ್ಟಪಡಿಸಿದರು.

ಸಚಿವ ಸಂಪುಟಕ್ಕೆ ನಮಗೂ ಸಂಬಂಧವಿಲ್ಲಾ ಅವರು ಯಾವಾಗ ಬೇಕಾದ್ರು ವಿಸ್ತರಣೆ ಮಾಡಿಕೊಳ್ಳಲಿ ಕೆಪಿಸಿಸಿ ಅಧ್ಯಕ್ಷ ಆಯ್ಕೆ ವಿಚಾರ ನಾನು ಅರ್ಜಿನೂ ಹಾಕಿಲ್ಲಾ, ಆಕಾಂಕ್ಷಿನೂ ಅಲ್ಲಾ ಸದ್ಯ ದಿನೇಶ ಗುಂಡೂರಾವ್ ಇದ್ದಾರೆ ಎಂದರು.

ಡಿ.ಕೆ.ಶಿವಕುಮಾರ್ ಗೆ ಅಡ್ಡಗಾಲು ವಿಚಾರ ನಾನು ಏನು ಕೇಳಿಲ್ಲಾ, ಕೇಳಿದ್ರೆ ತಾನೇ ಯಾರಾದ್ರು ಅಡ್ಡಗಾಲು ಹಾಕೋದು ಸದ್ಯ ದಿನೇಶ ಗುಂಡೂರಾವ್ ಅವರೇ ನಮ್ಮ ನಾಯಕರು ಅವರು ಹೇಳಿದಂತೆ ಕೇಳ್ತೇವೆ ಎಂದರು.

ಕುಮಾರಸ್ವಾಮಿ ಮಿನಿಮಿನಿ ಪೌಡರ್ ವಿಚಾರ ಮಾತನಾಡಿದ ಅವರು ಮಿನಿಮಿನಿ ಅಂದ್ರೆ ತಪ್ಪಾಯ್ತಾ? ನನ್ನ ಮುಖಾನು ಮಿನಿಮಿನಿ ಅಂತದೆ ಎಂದು ಕುಮಾರಸ್ವಾಮಿ ಹೇಳಿಕೆ ಬೆಂಬಲ ವ್ಯಕ್ತಪಡಿಸಿದರು.