ಜಿಲ್ಲಾಧಿಕಾರಿಗಳಿಂದ ಕೆ.ಬಿ.ಎನ್ ದರ್ಗಾದ ಪೀಠಾಧಿಪತಿಗಳಿಗೆ ಸಾಹಿತ್ಯ ಸಮ್ಮೇಳನಕ್ಕೆ ಆಹ್ವಾನ

ಕಲಬುರಗಿ: ಫೆ.5,6 ಮತ್ತು 7 ರಂದು ಇಲ್ಲಿನ ವಿಶ್ವ ವಿದ್ಯಾಲಯ ಆವರಣದಲ್ಲಿ 85ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೆ ಖಾಜಾ ಬಂದಾ ನವಾಜ್ ದರ್ಗಾದ ಪೀಠಾಧಿಪತಿ, ಕೆ.ಬಿಎನ್. ವಿಶ್ವ ವಿದ್ಯಾಲಯದ ಕುಲಪತಿಗಳಾದ ಡಾ.ಸೈಯದ್ ಶಾ ಖೂಸ್ರು ಹುಸೈನಿ ಅವರಿಗೆ ಕೊನೆಗೂ ಜಿಲ್ಲಾಡಳಿತ ವತಿಯಿಂದ ಆಹ್ವಾನ ನೀಡಿದ್ದಾರೆ.

85ನೇ ಸಾಹಿತ್ಯ ಸಮ್ಮೇಳನದ ಆಹ್ವಾನ ಪತ್ರಿಕೆಯಲ್ಲಿ ಜಿಲ್ಲೆಯ ಪ್ರಸಿದ್ದ ದರ್ಗಾದ ಪೀಠಾಧಿಪತಿ ಮತ್ತು ರಾಜ್ಯೋತ್ಸವ ಪ್ರಶಸ್ತಿ ಪಡೆದ ಡಾ.ಸೈಯದ್ ಖೂಸ್ರು ಹುಸೈನಿ ಅವರು ಹೆಸರು ಆಹ್ವಾನ ಪತ್ರಿಕೆ ಕೈ ಬಿಟ್ಟಿದ್ದು ಮೇಲ್ನೊಟಕ್ಕೆ ಕಂಡುಬಂದಿದ್ದು, ಇಂದು ಜಿಲ್ಲಾಧಿಕಾರಿ ಶರತ್ ಬಿ ಅವರು ಪೀಠಾಧಿಪತಿಗಳ ಮನೆಗೆ ಭೇಟಿ ನೀಡಿ ಅಹ್ವಾನ ಪತ್ರಿ ನೀಡುವ ಮೂಲಕ ಆಮಂತ್ರಿಸಿದ್ದಾರೆ.

ನಂತರ ಜಿಲ್ಲಾಧಿಕಾರಿ ದರ್ಗಾಕ್ಕೆ ಭೇಟಿ ನೀಡಿದರು. ಈ ಸಂದರ್ಭದಲ್ಲಿ ದರ್ಗಾದ ಪೀಠಾಧಿಪತಿ ಪುತ್ರರಾದ ಸೈಯದ್ ಮೊಹಮ್ಮದ್ ಅಲಿ ಅಲ್ ಹುಸೈನಿ ಅವರು ಡಿಸಿ ಅವರಿಗೆ ಸನ್ಮಾನಿಸಿ ಪ್ರಸಾದ ನೀಡಿದರು.