ಅಘೋಷಿತ ತುರ್ತು ಪರಿಸ್ಥಿತಿ ನಿರ್ಮಾಣಕ್ಕೆ ಡಾ. ಅಪ್ಪಗೆರೆ ಸೋಮಶೇಖರ ಆಕ್ರೋಶ

ಕಲಬುರಗಿ (ಡಾ. ಬಿ.ಆರ್. ಅಂಬೇಡ್ಕರ್ ಸಭಾಂಗಣ): ಕವಿತೆ ಓದಿದರೆ ಕೇಸ್ ಹಾಕುವಂತಹ, ಮಾತನಾಡಿದರೆ ಪಾಕಿಸ್ತಾನಕ್ಕೆ ಕಳಿಸುವಂತಹ ವ್ಯವಸ್ಥೆ ನಿರ್ಮಾಣವಾಗಿ ದೇಶಾದ್ಯಂತ ಅಘೋಷಿತ ತುರ್ತು ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ಸಿಯುಕೆ ಕನ್ನಡ ಪ್ರಾಧ್ಯಾಪಕ ಡಾ. ಅಪ್ಪಗೆರೆ ಸೋಮಶೇಖರ ಅಭಿಪ್ರಾಯಪಟ್ಟರು.

೮೫ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಸಮನಾಂತರ ವೇದಿಕೆಯಲ್ಲಿ ಇಂದು ನಡೆದ ಕನ್ನಡ ನಾಡು ನುಡಿ ಮತ್ತು ಯುವ ಕರ್ನಟಕ ಗೋಷ್ಠಿಯಲ್ಲಿ ಕರ್ನಾಟಕ ಯುವ ಸಮುದಾಯ ಸವಾಲು ಮತ್ತು ಸಾಧ್ಯತೆಗಳು ವಿಷಯ ಮಂಡನೆ ಮಾಡಿ ಮಾತನಾಡಿದ ಅವರು, ಯುವ ಸಮುದಾಯ ತಮಗೆ ಅರಿವಿಲ್ಲದಂತೆ ಜಾತಿವಾದ, ಕೋಮವಾದ, ಧರ್ಮಾಂದಲ್ಲಿ ಮುಳುಗಿದ್ದಾರೆ. ಇದರಿಂದ ಹೊರ ಬರಬೇಕು ಎಂದು ಅವರು ತಿಳಿಸಿದರು.

ಜೀವ ವಿರೋಧಿ ರಾಜಕಾರಣಿಂದ ಪ್ರಜಾಪ್ರಭುತ್ವದ ಕಗ್ಗೊಲೆಯಾಗುತ್ತಿದೆ.‌ ಯುವಕರು ನಿರಂಕುಶ ಮತಿಗಳಾಗಿ ಬದುಕುವ ಎದೆಗಾರಿಕೆ ಬೆಳೆಸಿಕೊಳ್ಳಬೇಕು ಎಂದು ಅವರು ತಿಳಿಸಿದರು.

ಆತ್ಮಾವಲೋಕನ, ಸಾಮಾಜಿಕ ಜವಾಬ್ದಾರಿ ಬೆಳೆಸಿಕೊಂಡು ವೈಚಾರಿಕ ಪ್ರಜ್ಞೆ ಬೆಳೆಸಿಕೊಳ್ಳಬೇಕು ಎಂದು ತಿಳಿಸಿದರು.

ಆರಿಫಾ ರಾಜಾ ಅವರು ಲೇಖಕರ ಸಮಕಾಲೀನ ಸ್ಪಂದನೆ ಮತ್ತು ನಾಳೆಯ ಕನಸು ಕುರಿತು ಮಾತನಾಡಿದರು.‌ ಅಧ್ಯಕ್ಷತೆ ವಹಿಸಿದ್ದ ಶೋಭಾ ಎಚ್.ಜಿ. ಅವರು ಯುವ ಕರ್ನಾಟಕ- ಅವಲೋಕನ ಕುರಿತು ಮಾತನಾಡಿದರು.