ಆದರ್ಶ ಶಾಲೆಯಲ್ಲಿ ತಾಯಂದಿರ ಕೈತುತ್ತು ಕಾರ್ಯಕ್ರಮ

ಕೆಂಭಾವಿ: ಪಟ್ಟಣದ ಸಮೀಪದಲ್ಲಿರುವ ಆದರ್ಶ ಪ್ರಾಥಮಿಕ ಶಾಲೆ ಐನಾಪುರನಲ್ಲಿ ಶಾಲಾ ವಾರ್ಷಿಕೋತ್ಸವ ಹಾಗೂ ಸ್ನೇಹ ಸಮ್ಮೇಳನದ ಅಂಗವಾಗಿ “ತಾಯಂದಿರ ಕೈತುತ್ತು” ಎಂಬ ಅಕ್ಷರ ದಾಸೋಹದ ವಿಶೇಷ ಕಾರ್ಯಕ್ರಮವು ಅತ್ಯಂತ ವಿಶೇಷ ರೀತಿಯಲ್ಲಿ ಆಚರಿಸಲಾಯಿತು.

ಈ ಕಾರ್ಯಕ್ರಮದಲ್ಲಿ ಎಲ್ಲಾ ಮಕ್ಕಳ ತಾಯಂದಿರು ತಾವು ತಂದ ವಿಶೇಷ ತಿಂಡಿ-ತಿನಿಸುಗಳನ್ನು ತಮ್ಮ ತಮ್ಮ ಮಕ್ಕಳಿಗೆ ಕೈ ತುತ್ತು ತಿನ್ನಿಸಿ ಖುಷಿಪಟ್ಟರು. ಮಕ್ಕಳು ಕೂಡ ತಾಯಂದಿರಿಂದ ಹಾಗೂ ಶಿಕ್ಷಕರಿಂದ ಕೈತುತ್ತು ತಿಂದು ಸಂಭ್ರಮಪಟ್ಟರು,

ತದನಂತರ ಮಕ್ಕಳ ಎಲ್ಲಾ ಪಾಲಕರಿಗೆ ಕ್ರೀಡಾ ಸ್ಪರ್ಧೆ ಏರ್ಪಡಿಸಲಾಗಿತ್ತು. ಈ ಸ್ಪರ್ಧೆಯಲ್ಲಿ ಕುರ್ಚಿ ಆಟ, ಬಕೆಟ್ ನಲ್ಲಿ ಚಂಡು ಹಾಕುವುದು, ಹಾಗೂ ವಿವಿಧ ರೀತಿಯ ಆಟಗಳನ್ನು ಪಾಲಕರಿಗೆ ಆಡಿಸಲಾಯಿತು.

ಈ ಸಂದರ್ಭದಲ್ಲಿ ಗುರುನಾಥಪ್ಪಗೌಡ ದೊಡ್ಡಮನಿ, ಸಿದ್ದನಗೌಡ ದೊಡ್ಡಮನಿ, ಅಶೋಕ್ ಬಿರಾದಾರ್, ಮಲ್ಲನಗೌಡ ಮತ್ತು ಸಂಗನಗೌಡ, ನಾಸೀರ್ ಖಾಜಿ, ಮಂಜುನಾಥ್ ಹಾಗೂ ವಿದ್ಯಾರ್ಥಿಗಳು ಮತ್ತು ಪಾಲಕರು ಇದ್ದರು.