ರಿಕ್ರಿಯೇಷನ್ ಕ್ಲಬ್ ಅಧ್ಯಕ್ಷರಾಗಿ ರಾಜಾ ಮದನಗೋಪಾಲ ನಾಯಕ ಆಯ್ಕೆ

ಸುರಪುರ: ನಗರದ ಪಬ್ಲಿಕ್ ರಿಕ್ರಿಯೇಷನ್ ಕ್ಲಬ್‌ನ ಆಡಳಿತ ಮಂಡಳಿ ನೇಮಕಾತಿಗಾಗಿ ಮಂಗಳವಾರ ಚುನಾವಣೆ ನಡೆಸಲಾಯಿತು.ಅದೇ ದಿನ ಸಂಜೆ ಫಲಿತಾಂಶ ಹೊರಬಂದಿದ್ದು ಹಾಲಿ ಅಧ್ಯಕ್ಷರಾಗಿರುವ ಮಾಜಿ ಸಚಿವ ರಾಜಾ ಮದನಗೋಪಾಲ ನಾಯಕ ಅವರು ಅಧ್ಯಕ್ಷರಾಗಿ ಪುನರಾಯ್ಕೆಯಾದರು.

ರಾಜಾ ಮುಕುಂದ ನಾಯಕ ಉಪಾಧ್ಯಕ್ಷರಾಗಿ,ಬಸವರಾಜ ಜಮದ್ರಖಾನಿ ಕಾರ್ಯದರ್ಶಿಯಾಗಿ, ರಾಘವೇಂದ್ರ ಬಾಡಿಯಾಳ ಸಹ ಕಾರ್ಯದರ್ಶಿಯಾಗಿ,ಗೋವರ್ಧನ ಜಂವರ ಖಾಜಾಂಚಿ ಹಾಗು ರಾಕೇಶ್ ಹಂಚಾಟೆ ಕ್ರೀಡಾ ಕಾರ್ಯದರ್ಶಿಯಾಗಿ ಆಯ್ಕೆಯಾದರು.

ಅಲ್ಲದೆ ಆಡಳಿತ ಮಂಡಳಿ ಸದಸ್ಯರಾಗಿ ಅರವಿಂದ ಕುಮಾರ್,ಕೆ.ಬಸವಲಿಂಗಪ್ಪ ಪಾಟೀಲ್,ಡಾ: ಬಸವರಾಜ ಪಾಟೀಲ,ಕಿಶೋರ ಚಂದ್ ಜೈನ್,ರಾಮನಗೌಡ ಸುಬೇದಾರ,ಶಫೀಕ್ ಅಹ್ಮದ್,ವೀರಪ್ಪ ಆವಂಟಿಯವರು ಆಯ್ಕೆಯಾದರು.ಚುನಾವಣಾ ಅಧಿಕಾರಿಗಳಾಗಿದ್ದ ಶಾಂತಪ್ಪ ಬೂದಿಹಾಳ ಹಾಗು ಶ್ರೀನಿವಾಸ ಜಾಲವಾದಿ ಫಲಿತಾಂಶ ಪ್ರಕಟಿಸಿದ ನಂತರ ನೂತನವಾಗಿ ಆಯ್ಕೆಗೊಂಡ ಎಲ್ಲರಿಗೂ ಅಭಿನಂಧಿಸಲಾಯಿತು.