ಯಡಿಯೂರಪ್ಪ ಕೇವಲ ಮುಖ್ಯಮಂತ್ರಿ ಆಗಲಷ್ಟೇ ಹೋರಾಟ ಮಾಡುತ್ತಿದ್ದಾರೆ: ದಿನೇಶ್ ಗುಂಡುರಾವ್

ಕಲಬುರಗಿ: ಯಡಿಯೂರಪ್ಪ ಕೇವಲ ಮುಖ್ಯಮಂತ್ರಿ ಆಗಲಷ್ಟೇ ಹೋರಾಟ ಮಾಡುತ್ತಿದ್ದಾರೆ. ಕೋಲಿ ಸಮಾಜವನ್ನು ಎಸ್ ಟಿ ಸೇರಿಸುವುದಾಗಿ ಬಿಎಸ್ ವೈ ಹೇಳುತ್ತಿದ್ದಾರೆ. ಈ ಹಿಂದೆ ಕೇಂದ್ರ ಸರಕಾರ ಈ‌ ವಿಷಯದಲ್ಲಿ ರಾಜ್ಯದ ಶಿಫಾರಸ್ಸು ತಿರಸ್ಕರಿಸಿತ್ತು. ಈ ಕುರಿಯ ಬಿಎಸ್ ವೈ ಯಾಕೆ ಮಾತನಾಡುತ್ತಿಲ್ಲ. ಮುತ್ಸದ್ದಿ ರಾಜಕಾರಣಿ ಎಂದು ಕೊಂಡಿದ್ದ ಯಡಿಯೂರಪ್ಪ ಸ್ವಾರ್ಥ ರಾಜಕಾರಣಕ್ಕಾಗಿ ಎಲ್ಲದಲ್ಲೂ ತೀಲಾಂಜಲಿ ಇಟ್ಟು ಕೇವಲ ಚುನಾವಣೆಗಾಗಿ ಸುಳ್ಳು ಹೇಳುತ್ತಿದ್ದಾರೆ ಎಂದು ಆಕ್ರೋಸ ವ್ಯಕ್ತಪಡಿಸಿದರು.

ಅವರು ನಗರದ ಖಾಸಗಿ ಹೋಟೆಲವೊಂದರಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ, ರಾಜ್ಯದಲ್ಲಿ ತೀವ್ರ ಬರವಿದೆ. ನರೇಗಾ ಯೋಜನೆಯಡಿಯಲ್ಲಿ ಅನುದಾನ ಬಾಕಿಯಿದೆ. ಹಲವಾರು ಸಮಸ್ಯೆಗಳು ಇದ್ದಾಗಲೂ ಕೇಂದ್ರದ ಮೇಲೆ ಒತ್ತಡ ತಂದು ಅನುದಾನ ಬಿಡುಗಡೆ ಮಾಡಿಸುವಲ್ಲಿ ಬಿಎಸ್ವೈ ವಿಫಲ. ಮಲ್ಲಿಕಾರ್ಜುನ ಖರ್ಗೆ ಸಾಹೇಬರು, ಕೆ.ಎಚ್. ಮುನಿಯಪ್ಪ, ನಿಖಿಲ್ ಕುಮಾರಸ್ವಾಮಿ ಸೋಲ್ತಾರೆ ಎಂದು ಯಡಿಯೂರಪ್ಪ ಹೇಳಿಕೊಂಡೆ ತಿರುಗುತ್ತಿದ್ದಾರೆಎಂದು ವ್ಯಂಗವಾಡಿದ್ದರು.

ಸಿದ್ದರಾಮಯ್ಯ ಕುರಿತು ಈಶ್ವರಪ್ಪ ಹೇಳಿಕೆಗೆ ತೀಕ್ಷ್ಣ ಪ್ರತಿಕ್ರಿಯೆ, ಈಶ್ವರಪ್ಪ ಸ್ಥೀಮಿತ ಕಳೆದುಕೊಂಡಿದ್ದಾರೆ. ಮಹಿಳೆಯರನ್ನು ಮಾತೆಯನ್ನಾಗಿ ಪರಿಗಣಿಸಲಾಗುತ್ತದೆ. ಅಂತಹ ಮಹಿಳೆಯರ ಬಗ್ಗೆ ಈಶ್ವರಪ್ಪ ಟೀಕೆ ಮಾಡುತ್ತಾರೆ ಪಕ್ಷದಲ್ಲಿ ಅವರನ್ನು ನಿಯಂತ್ರಿಸುವವರು ಯಾರು ಇಲ್ಲ. ಈ ಕೂಡಲೇ ಅವರು ಕ್ಷಮೆ ಕೇಳಬೇಕು ಇಲ್ಲ ಪಕ್ಷ ಅವರ ಮೇಲೆ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಸಿದರು.