ತಾಲೂಕು ಕುಂಬಾರ ಸಂಘದಿಂದ ಕವಿ ಸರ್ವಜ್ಞ ಜಯಂತಿ ಆಚರಣೆ

ಸುರಪುರ: ನಗರದ ರಂಗಂಪೇಟೆಯ ಕುಂಬಾರ ಭವನದ ಬಳಿಯ ಮಹಾಕವಿ ಸರ್ವಜ್ಞ ವೃತ್ತದಲ್ಲಿ ಸುರಪುರ ತಾಲೂಕು ಕುಂಬಾರ ಸಂಘದ ವತಿಯಿಂದ ಮಹಾಕವಿ ಸರ್ವಜ್ಞರ ೫೦೦ ನೇ ಜಯಂತಿ ಆಚರಿಸಲಾಯಿತು ಹಾಗು ಬಸವೇಶ್ವರ ಪತ್ತಿನ ಸಹಕಾರ ಸಂಘದ ನೂತನ ನಿರ್ದೇಶಕರಾಗಿ ಆಯ್ಕೆಯಾದ ಸೂಗುರೇಶ ವಾರದವರನ್ನು ಸನ್ಮಾನಿಸಲಾಯಿತು.

ಕಾರ್ಯಕ್ರಮದ ಆರಂಭದಲ್ಲಿ ಕವಿ ಸರ್ವಜ್ಞರ ನಾಮಫಲಕಕ್ಕೆ ಪೂಜೆ ಸಲ್ಲಿಸಿ ಮಾಲಾರ್ಪಣೆ ಮಾಡಿ ಜಯಘೋಷ ಕೂಗಿದರು.ನಂತರ ಅಧ್ಯಕ್ಷ ರಾಜು ಕುಂಬಾರ ಮಾತನಾಡಿ,ಸರ್ವಜ್ಞ ಕುಂಬಾರ ಸಮುದಾಯದ ಮಹಾನ್ ಪುರುಷನಾದರು ಅವರು ಒಂದು ಸಮುದಾಯಕ್ಕೆ ಸೀಮಿತವಲ್ಲ.ಆಡು ಮುಟ್ಟದ ಸೊಪ್ಪಿಲ್ಲ ಸರ್ವಜ್ಞ ಬರೆಯದ ವಚನಗಳಿಲ್ಲ ಎಂಬಂತೆ ಎಲ್ಲಾ ರಂಗಗಳ ಕುರಿತು ವಚನವನ್ನು ರಚಿಸುವ ಮೂಲಕ ಸಮಾಜವನ್ನು ತಿದ್ದುವ ಕೆಲಸವನ್ನು ಸರ್ವಜ್ಞ ಮಾಡಿದ್ದು,ಅವರ ವಚನಗಳನ್ನು ನಮ್ಮ ಬದುಕಿನಲ್ಲಿ ಅಳವಡಿಸಿಕೊಂಡು ನಡೆದರೆ ಬದುಕು ಹಸನಾಗಲಿದೆ ಎಂದರು.

ಈ ಸಂದರ್ಭದಲ್ಲಿ ಸಂಘದ ಉಪಾಧ್ಯಕ್ಷ ಸಾಹೇಬಗೌಡ ಕುಂಬಾರ ಪ್ರಧಾನ ಕಾರ್ಯದರ್ಶಿ ಭೀಮರಾಯ ಕುಂಬಾರ,ಈರಣ್ಣ ಕುಂಬಾರ, ವೀರಭದ್ರಪ್ಪ ಕುಂಬಾರ,ಅಮರೇಶ ಕುಂಬಾರ,ಮಡಿವಾಳಪ್ಪ ಕುಂಬಾರ,ಶರಣು ಅರಕೇರಿ,ಚಂದ್ರಶೇಖರ ಅರಳಗುಂಡಗಿ,ಅಂಬ್ರೇಶ ಕುಂಬಾರ,ಬಸವರಾಜ ಕುಂಬಾರ,ನಿಂಗಣ್ಣ ವಡಗೇರಿ,ಮಲ್ಲೇಶಿ ಕನ್ನೆಳ್ಳಿ,ಮಲ್ಲಪ್ಪ ಹುಬ್ಬಳ್ಳಿ,ಆದಪ್ಪ ಕುಂಬಾರ,ದೇವಣ್ಣ ಟೇಲರ್,ಮಲ್ಲು ಬಿ.ಕುಂಬಾರ,ಬಸವರಾಜ ಕುಂಬಾರ,ವಿಶ್ವನಾಥ ಕುಂಬಾರ,ರವಿ ಕುಂಬಾರಪೇಟ, ಇತರರಿದ್ದರು.