ಕರ್ನಾಟಕ ತಮಿಳುನಾಡು ಬಸ್ ಮುಖಾಮುಖಿ ಡಿಕ್ಕಿ

ಮಂಡ್ಯ: ಕರ್ನಾಟಕ ತಮಿಳುನಾಡು ಬಸ್ಸುಗಳ ನಡುವೆ ಮುಖಾಮುಖಿ ಡಿಕ್ಕಿ ಸಂಭವಿಸಿದ ಪರಿಣಾಮ 2 ಬಸ್ ಗಳ ಡ್ರೈವರ್ ಗಳಿಗೆಘಾಯಗೊಂಡಿದ್ದಾರೆ ಎಂದು ತಿಳಿದುಬಂದಿದ್ದು, ಘಾಯಗೊಂಡ ಚಾಲಕರಿಗೆ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನಿಡಲಾಗುತ್ತಿದೆ.

ಅಪಘಾತದಲ್ಲಿ ಯಾವುದೇ ಜೀವಕ್ಕೆ ಹಾನಿಯಾಗಿಲ್ಲ, ನಿನ್ನೆ ಸಂಜೆ ನೀಲಗಿರಿಯ ಕೂಡಲೂರು ಸಮೀಪ ಘಟನೆ ಸಂಭವಿಸಿದ್ದು, ಮೈಸೂರಿನಿಂದ ಊಟಿಗೆ ತೆರಳುತ್ತಿದ್ದ ಕರ್ನಾಟಕ ಸಾರಿಗೆ ಬಸ್ಸಿಗೆ ತಮಿಳುನಾಡಿನ ಸರ್ಕಾರಿ ಬಸ್ಸು ಡಿಕ್ಕಿ ಹೊಡೆದ ಪರಿಣಾಮ ಈ ದುರಂತ ಸಂಭವಿಸಿದೆ.

ಗೋಡಲೂರಿನಿಂದ ಮದುಮಲೈ ಮಾರ್ಗವಾಗಿ ಬೋಕ್ಕಾಪೂರ ಗ್ರಾಮಕ್ಕೆ ತೆರಳುತ್ತಿದ್ದ ಬಸ್ಸು ಗೂಡಲೂರು ಸಮೀಪದ ತೊರಪಲ್ಲಿ ಬಳಿಯ ರಾಂಬೊ ಕಾಡಿನ ಮಧ್ಯೆ ತಮಿಳುನಾಡಿನ ಬಸ್ಸಿಗೆ ಹಿಡಿದು ಎದುರಿನಿಂದ ಬರುತ್ತಿದ್ದ ಕರ್ನಾಟಕ ಬಸ್ಸಿಗೆ ಗುದ್ದಿದೆ ಎನ್ನಲಾಗಿದೆ.

ಇದರಿಂದಾಗಿ ಆ ಮಾರ್ಗದಲ್ಲಿ ಕೆಲಕಾಲ ವಾಹನ ಸಂಚಾರ ಅಸ್ತವ್ಯಸ್ತವಾಗಿತ್ತು.