ಕುಡಿಯುವ ನೀರಿನ ಕಾಮಗಾರಿಗಾಗಿ ಶೋಷಿತರ ಸಂಘಟನೆ ಹೋರಾಟ

ಸುರಪುರ: ಶೋಷಿತರ ಪರ ಹೋರಾಟದ ಸಂಘಟನೆಗಳ ಒಕ್ಕೂಟದಿಂದ ಬೀದರ ಬೆಂಗಳೂರು ರಸ್ತೆಯ ಮಾನಪ್ಪ ಸಾಹುಕಾರ ವೃತ್ತದಲ್ಲಿ ಕುಡಿಯುವ ನೀರಿನ ಕಾಮಗಾರಿಯಲ್ಲಿನ ಭ್ರಷ್ಟಾಚಾರ ತನಿಖೆಗೆ ಒತ್ತಾಯಿಸಿ ಪ್ರತಿಭಟನೆ ನಡೆಸಿ ಮನವಿ ಸಲ್ಲಿಸಿದರು.

ಪ್ರತಿಭಟನೆಯ ನೇತೃತ್ವ ವಹಿಸಿದ್ದ ಒಕ್ಕೂಟದ ರಾಜ್ಯಾಧ್ಯಕ್ಷ ವೆಂಕೋಬ ದೊರೆ ಮಾತನಾಡಿ,ಆಲ್ದಾಳ ಗ್ರಾಮಕ್ಕೆ ಕುಡಿಯುವ ನೀರಿನ ಪೈಪ್ ಲೈನ್ ನಿರ್ಮಾಣ ಕಾಅಮಗಾರಿ ಮಂಜೂರಾಗಿದ್ದು,ಹೊಸ ಕಾಮಗಾರಿಯನ್ನು ಮಾಡದೆ ಹಳೆಯ ಪೈಪ್‌ಗಳನ್ನೆ ಮರು ಜೋಡಿಸುವ ಮೂಲಕ ಕಳಪೆ ಕಾಮಗಾರಿ ನಡೆಸಲಾಗಿದೆ.ಇದನ್ನು ವಿರೋಧಿಸಿ ಈಗಾಗಲೆ ಗ್ರಾಮಸ್ಥರು ಹಾಗು ಸ್ಥಳಿಯ ಗ್ರಾಮ ಪಂಚಾಯತಿ ಅಧ್ಯಕ್ಷರು ಮನವಿ ಸಲ್ಲಿಸಿದರು ಯವುದೆ ಕ್ರಮ ಕೈಗೊಂಡಿಲ್ಲ.

ಈಗ ಶೋಷಿತರ ಪರ ಹೋರಾಟದ ಸಂಘಟನೆಗಳ ಒಕ್ಕೂಟದಿಂದ ಒತ್ತಾಯಿಸುವುದೇನೆಂದರೆ ಸರಕಾರದ ಹಣ ದುರುಪಯೋಗ ಮಾಡಿ,ಕಳಪೆ ಕಮಗಾರಿ ನಡೆಸಿ ಗ್ರಾಮದ ಜನರ ಕುಡಿಯುವ ನೀರಿನ ತೊಂದರೆಗೆ ಕಾರಣವಾಗಿರುವ ಇಂಜಿನಿಯರ್ ಹಣಮಂತಪ್ಪ ಅಂಬಲಿಯವರ ಮೇಲೆ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದರು.
ನಂತರ ಪ್ರಾದೇಶಿಕ ಆಯುಕ್ತರುಗೆ ಬರೆದ ಮನವಿಯನ್ನು ತಹಸೀಲ್ ಕಚೇರಿ ಸಿಬ್ಬಂದಿಗೆ ಸಲ್ಲಿಸಿದರು.ಪ್ರತಿಭಟನೆಯಲ್ಲಿ ಸಗೋಪಾಲ ಬಾಗಲಕೋಟೆ,ಮಾನಯ್ಯ ದೊರೆ,ಕೃಷ್ಣಾ ದಿವಾಕರ,ಕೇಶಣ್ಣ ದೊರೆ,ಬಸವರಾಜ ಕವಡಿಮಟ್ಟಿ,ದೇವಪ್ಪ ದೇವರಮನಿ ಸೇರಿದಂತೆ ಅನೇಕರಿದ್ದರು.