ಸುರಪುರ ನಗರ ಹಗಲಿರುಳು ಲಾಕ್‌ಡೌನ್‌:ಪೊಲೀಸರ ಶ್ರಮ ಸೂಪರ್

ಸುರಪುರ: ನಗರದಲ್ಲಿ ಮುಂದುವರೆದ ಲಾಕ್‌ಡೌನ್ ಅಂಗವಾಗಿ ಇಡೀ ಪೊಲೀಸ್ ಠಾಣೆಯ ಸಿಬ್ಬಂದಿಯೆ ಫೀಲ್ಡಿಗಿಳಿದಿದ್ದಾರೆ.

ಡಿವಾಯ್‌ಎಸ್‌ಪಿ ವೆಂಕಟೇಶ ಹುಗಿಬಂಡಿಯವರ ನೇತೃತ್ವದಲ್ಲಿ ನಗರದ ಎಲ್ಲಾ ರಸ್ತೆಗಳು ಮತ್ತು ಮಾರುಕಟ್ಟೆ ಹಾಗು ಗಲ್ಲಿ ಗಲ್ಲಿಗಳಲ್ಲಿಯೂ ಗಸ್ತು ಹಾಕುತಿದ್ದು ಕೊರೊನಾ ಸೊಂಕಿನಿಂದ ಇಡೀ ನಗರವನ್ನು ರಕ್ಷಿಸುವ ಹೊಣೆಯನ್ನು ತಮ್ಮ ಕರ್ತವ್ಯವೆಂದು ಮಾಡುತ್ತಿರುವುದು ಸಾರ್ವಜನಿಕ ವಲಯದಲ್ಲಿ ಒಳ್ಳೆ ಪ್ರಶಂಸೆಗೆ ಪಾತ್ರವಾಗಿದೆ.

ಸದಾ ಜನರಿಂದ ತುಂಬಿರುತ್ತಿದ ಮಹಾತ್ಮಾಗಾಂಧಿ ವೃತ್ತದಲ್ಲಿ ರಾತ್ರಿ ಎಂಟುಗಂಟೆಯಾದರೂ ಯಾರೊಬ್ಬರು ಬರದ ರೀತಿಯಲ್ಲಿ ಜನರನ್ನು ಚದುರಿಸಲಾಗುತ್ತಿದ್ದು, ಕೋವಿಡ್ ಸೊಂಕಿನಿಂದ ಪ್ರತಿಯೊಬ್ಬರು ತಮ್ಮನ್ನು ತಾವು ರಕ್ಷಿಸಿಕೊಳ್ಳುವ ಮುನ್ನ ಪೊಲೀಸರೆ ಆ ಜವಾಬ್ದಾರಿ ತೆಗೆದುಕೊಂಡ ರೀತಿಯಲ್ಲಿ ಕೆಲಸ ಮಾಡುತ್ತಿರುವುದು ಖಾಕಿ ಪಡೆಯ ಕೆಲಸ ಸೂಪರ್ ಎನ್ನುವಂತಾಗಿದೆ.