ಲೈಸನ್ಸ್ ನವೀಕರಿಸಲು ಸರಕಾರದ ಅನುಮತಿ : ಶೇಗಜಿ

ಕಲಬುರಗಿ: ಕಲ್ಯಾಣ ಕರ್ನಾಟಕ ಭಾಗದ ಆರು ಜಿಲ್ಲೆ ಹಾಗೂ ಕಲಬುರಗಿ ಮುಖ್ಯ ಅಭಿಯಂತರರ ವ್ಯಾಪ್ತಿಗೆ ಒಳಪಡುವ ಎಲ್ಲಾ ಗುತ್ತಿಗೆದಾರರ ಐದು ವರ್ಷದ ಲೈಸನ್ಸ್ ಅವಧಿ ಈಗಾಗಲೇ ಮಾರ್ಚ್ ತಿಂಗಳಲ್ಲಿ ಮುಕ್ತಾಯಗೊಂಡಿದ್ದು, ಪುನಃ ತಮ್ಮ ಲೈಸನ್ಸ್ ನವೀಕರಿಸಲು ಸರಕಾರ ಅನುಮತಿ ನೀಡಿದೆ ಎಂದು ಕಲ್ಯಾಣ ಕರ್ನಾಟಕ ಗುತ್ತಿಗೆದಾರರ ಸಂಘದ ಅಧ್ಯಕ್ಷ ಜಗನ್ನಾಥ ಬಿ. ಶೇಗಜಿ ಹಾಗೂ ಪ್ರಧಾನ ಕಾರ್ಯದರ್ಶಿ ಸಂಜಯ ಆರ್.ಕೆ ಅವರು ಜಂಟಿಯಾಗಿ ಅವರು ತಿಳಿಸಿದ್ದಾರೆ.

ಪ್ರಥಮ, ದ್ವಿತೀಯ ಹಾಗೂ ತೃತೀಯ ದರ್ಜೆಯ ಗುತ್ತಿಗೆದಾರರ ಲೈಸನ್ಸ್ ನವೀಕರಣ ಸಂಬಂಧ ಪಿ.ಡಬ್ಲೂ.ಡಿ. ಸಚಿವ ಹಾಗೂ ಜಿಲ್ಲಾ ಉಸ್ತುವಾರಿ ಮತ್ತು ಸರಕಾರದ ಅಧೀನ ಕಾರ್ಯದರ್ಶಿ ಅವರೊಂದಿಗೆ ಸುಧಿರ್ಘ ಚರ್ಚೆ ನಡೆಸಿದ ಪರಿಣಾಮ ಎಲ್ಲಾ ಮಾದರಿಯ ಗುತ್ತಿಗೆದಾರರ ಲೈಸನ್ಸ್ ನವೀಕರಿಸಲು ಸರಕಾರ ಅನುಮತಿ ನೀಡಿದೆ ಎಂದು ತಿಳಿಸಿದ್ದಾರೆ.

ಪ್ರಥಮ, ದ್ವಿತೀಯ ಹಾಗೂ ತೃತೀಯ ದರ್ಜೆಯ ಗುತ್ತಿಗೆದಾರರು ತಮ್ಮ ಲೈಸನ್ಸ್ ನವೀಕರಿಸಲು ಕಲಬುರಗಿ ಮುಖ್ಯ ಅಭಿಯಂತರರ ಕಛೇರಿಗೆ ಭೇಟಿ ನೀಡಿ ತಮ್ಮ ಅಗತ್ಯ ದಾಖಲಾತಿಗಳನ್ನು ಸಲ್ಲಿಸಿ ಲೈಸನ್ಸ್ ನವೀಕರಿಕೊಳ್ಳಬೇಕು ಎಂದು ಅವರು ಪ್ರಕಟಣೆಯಲ್ಲಿ ಕೋರಿದ್ದಾರೆ.