ಕೊರೊನಾ ನಿರ್ಮೂಲನೆ : ಪ್ರಧಾನಿ ಕರೆಗೆ ಲಿಂಗಾಯತಮಹಾಮಠದ ಸ್ಪಂದನೆ

ಬೀದರ: ಕೊರೊನಾ ಮಹಾಮಾರಿ ದಿನೆ ದಿನೆ ಉಲ್ಬಣಿಸುತ್ತಿದೆ. ಇಂಥ ಸಂಕಷ್ಟ ಸಮಯದಲ್ಲಿ ದೇಶವಾಸಿಗಳೆಲ್ಲ ಜಾತಿ-ಧರ್ಮ ಮರೆತು ಒಗ್ಗಟ್ಟಿನಿಂದ ಈ ಮಹಾಮಾರಿ ವಿರುದ್ಧ ಹೋರಾಡಬೇಕಿದೆ. ಇದರಲ್ಲಿ ಆಲಸ್ಯತನ ಅಥವಾ ನಿರ್ಲಕ್ಷತನ ಸಲ್ಲದು. ಕೊರೊನಾ ವೈರಸನ ಸರಪಳಿ ತುಂಡರಿಸುವುದೊಂದೇ ಪರಿಹಾರವಾದ್ದರಿಂದ ಭಾರತ ಲಾಕಡೌನನಲ್ಲಿ ಸರ್ವರೂ ಮನಯಲ್ಲಿಯೇ ಇರುವ ಮೂಲಕ ಸಹಕರಿಸಬೇಕು. ಜಿಲ್ಲಾಡಳಿತ, ರಾಜ್ಯ ಮತ್ತು ಕೇಂದ್ರ ಸರಕಾರಗಳ ಆದೇಶಗಳನ್ನು ಪಾಲಿಸಬೇಕು ಎಂದು ಬೀದರ ಲಿಂಗಾಯತ ಮಹಾಮಠದ ಪೂಜ್ಯಶ್ರೀ ಅಕ್ಕ ಅನ್ನಪೂರ್ಣತಾಯಿ ತಿಳಿಸಿದ್ದಾರೆ.

ಪ್ರಧಾನಿಯವರ ಕರೆಯ ಮೇರಗೆ ಎಪ್ರಿಲ್ 5ರ ಭಾನುವಾರದಂದು ರಾತ್ರಿ 9 ಗಂಟೆಗೆ 9 ನಿಮಿಷಗಳ ಕಾಲ ದೇಶವಾಸಿಗಳೆಲ್ಲ ತಮ್ಮ ತಮ್ಮ ಮನೆಯ ಮುಂದೆ ಅಥವಾ ಬಾಲ್ಕನಿಗಳಲ್ಲಿ  ಹಣತೆ ಬೆಳಗಿಸಿ ಮಾನವ ಕುಲಕ್ಕೆ ಆವರಿಸಿರುವ ಅಂಧಕಾರ ತೊಡೆಯುವ ಮನಸ್ಸು ಮಾಡಬೇಕು. ಜೊತೆಗೆ ಇಷ್ಟಲಿಂಗಧಾರಿಗಳು ದೀಪ ಬೆಳಗಿಸಿ. ಇಷ್ಟಲಿಂಗದಲ್ಲಿ ದೃಷ್ಟಿಯಿಟ್ಟು ಧ್ಯಾನಿಸಿ, 5 ವಚನಗಳನ್ನು ಪಠಣ ಮಾಡಿ ಕೊರೊನಾ ನಿರ್ಮೂಲನೆ ಮತ್ತು ಸಧೃಢ ಭಾರತ ನಿರ್ಮಾಣದ ಸಂಕಲ್ಪ ತೊಡಬೇಕಾಗಿ ವಿನಂತಿ. ಯಾವುದೇ ಸಂಧರ್ಭದಲ್ಲಿಯೂ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯದಿರಿ ಪ್ರಕಟಣೆಯಲ್ಲಿ ಹೇಳಿದ್ದಾರೆ.