25 ಲೋಕಸಭೆ ಸದಸ್ಯರು ನಾಲಾಯಕರು: ಪ್ರಿಯಾಂಕ್ ಖರ್ಗೆಗೆ ಹೇಳಿಕೆ ಮಾಜಿ ಶಾಸಕ ವಾಲ್ಮೀಕಿ ನಾಯಕ್ ತಿರುಗೇಟು

ಚಿತ್ತಾಪುರ: ಕಳೆದ ಲೋಕಸಭೆ ಚುನಾವಣೆಯಲ್ಲಿ 25 ಸದಸ್ಯರು ಬಿಜೆಪಿಯಿಂದ ಆಯ್ಕೆಯಾಗಿದ್ದಾರೆ ಅವರೆಲ್ಲರೂ ನಾಲಯಕರು ಎಂದು ಪ್ರಿಯಾಂಕ ಖರ್ಗೆ ಹೇಳುತ್ತಾರೆ. ಅವರಿಗೆ ಅನುಭವದ ಕೊರತೆ ಇದೆ ಎಂದು ಬಿಜೆಪಿ ಮಾಜಿ ಶಾಸಕ ವಾಲ್ಮೀಕಿ ನಾಯಕ್ ತಿರುಗೇಟು ನೀಡಿದರು.

ಪಟ್ಟಣದ ಬಿಜೆಪಿ ಕಚೇರಿಯ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡುತ್ತಾ ಮಲ್ಲಿಕಾರ್ಜುನ ಖರ್ಗೆ ಅವರು ಸೋಲಿಲ್ಲದ ಸರದಾರ ಎನಿಸಿಕೊಂಡಿದ್ದರು. ಆದರೆ ಅವರು ಇಲ್ಲಿವರೆಗೂ ಯಾರ ಬಗ್ಗೆಯೂ ಇಂತಹ ಪದಗಳನ್ನು ಹೇಳಿಲ್ಲ ಆದರೆ ಪ್ರಿಯಾಂಕ ಖರ್ಗೆ ಅವರಿಗೆ ಇಂತಹ ಬಾಷೆ ಶೋಭೆ ತರುವುದಿಲ್ಲ ಆದ್ದರಿಂದ ಅವರು ತಮ್ಮ ಹೇಳಿಕೆಯನ್ನು ವಾಪಸ್ ಪಡೆಯಬೇಕು ಎಂದರು.

ಸಂಸದ ಡಾ, ಉಮೇಶ್ ಜಾಧವ್, ಶಾಸಕ ಬಸವರಾಜ್ ಮತ್ತಿಮೂಡ, ಚಿತ್ತಾಪುರ ಬಂದು ಅಧಿಕಾರಿಗಳ ಸಭೆ ನಡೆಸುತ್ತಾರೆ ನನಗೆ ಯಾಕೆ ಮಾಹಿತಿ ನೀಡಿಲ್ಲ ಎಂದು ಕೇಳುತ್ತಾರೆ, ಉಮೇಶ್ ಜಾದವ್ ಲೋಕಸಭೆ ಸದಸ್ಯರಿದ್ದಾರೆ ಅವರು ನಿಮ್ಮನ್ನು ಕೇಳಿ ಅಧಿಕಾರಿಗಳ ಸಭೆ ಮಾಡಬೇಕಾ? ಬಸವರಾಜ್ ಮತ್ತಿಮೂಡ ಅವರಿಗೂ ಚಿತ್ತಾಪುರ ತಾಲೂಕಿನ ಅಧಿಕಾರಿಗಳ ಸಂಬಂಧ ಪಡುತ್ತಾರೆ ಅವರು ನಿಮಗೆ ಕೇಳಿ ಬರಬೇಕಾ? ಅಧಿಕಾರಿಗಳು ನಿಮಗೆ ಫೋನ್ ಕರೆ ಮಾಡಿರುತ್ತಾರೆ ಆದರೆ ನೀವು ಬೇರೆ ಯಾವುದೂ ಕೆಲಸದಲ್ಲಿದ್ದ ಕಾರಣ ಕರೆ ಸ್ವೀಕರಿಸಿಲ್ಲ ಅನಿಸುತ್ತದೆ ಎಂದು ಹೇಳಿದರು.

ರಾಜ್ಯ ಸರ್ಕಾರ ವಿತರಿಸುತ್ತಿರುವ ಹಾಲನ್ನು ಪುರಸಭೆ ಕಾಂಗ್ರೆಸ್ ಸದಸ್ಯರು ಪ್ರಿಯಾಂಕ ಖರ್ಗೆ ಅವರು ನೀಡುತ್ತಿದ್ದಾರೆ ಎಂದು ಹೇಳಿ ಪ್ರಚಾರ ಪಡೆಯುತ್ತಿದ್ದಾರೆ. ಆದರೆ ಹಾಲು ಆಹಾರಧಾನ್ಯವನ್ನು ಬಿಜೆಪಿ ಸರ್ಕಾರ ನಿರಾಶ್ರಿತರಿಗೆ ಕೂಲಿಕಾರ್ಮಿಕರಿಗೆ ಬಡವರಿಗೆ ವಿತರಿಸುತ್ತಿದೆ ಇದರಲ್ಲಿ ಕಾಂಗ್ರೆಸ್ ಹಾಗೂ ಪ್ರಿಯಾಂಕ ಖರ್ಗೆ ಅವರ ಕೊಡುಗೆ ಏನೂ ಇಲ್ಲ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಬಿಜೆಪಿ ತಾಲೂಕು ಅಧ್ಯಕ್ಷ ನೀಲಕಂಠರಾವ್ ಪಾಟೀಲ್, ಮಲ್ಲಿಕಾರ್ಜುನ್ ಎಮ್ಮೆನೂರ, ಪ್ರಭು ಗಂಗಣಿ, ಮಹೇಶ್ ಬಡಿಗೇರಿ, ಮಲ್ಲಿಕಾರ್ಜುನ್ ಪೂಜಾರಿ, ರಮೇಶ್ ಬೊಮ್ಮನಹಳ್ಳಿ, ದಿಲೀಪ್ ಹೊಸೂರಕರ್ ಶ್ಯಾಮ ಮೇಧಾ ಇತರರಿದ್ದರು.